Þetta litla barn er bara 3 mánaða. Hann er varla að fá allt sem hann vill þar sem hann hefur engar kröfur fyrir utan svefn, næringu og umhyggju. Þetta er að mínu viti ekki einhvað sem þú þarft að hafa áhyggjur af.

3ja mánaða börn væla ekki af frekju heldur af því að þau vantar eitthvað. Þau læra ekki að vera með frekju fyrr en seinna. Þó hann sé 8 kg þá þarf engar áhyggjur að hafa að því strax. Svona ungbarnaspik rennur langoftast af börnunum þegar þau fara að skríða og hreyfa sig meira. Veistu hvað hann er langur? Kannski samsvarar hann sér bara vel. Hvað var hann stór þegar hann fæddist?

Vinkona þín getur alveg athugað hvort að hann vilji kannski bara láta halda á sér, eða hvort það þurfi að skipta um bleyju þegar hann grætur, en ég einhvernvegin hugsa að hún viti það nú þegar. Mæður finna oftast á sér hvað börnin þeirra vilja. Svo eru börn bara misjöfn og þurfa mismikið. Þetta er líka barn vinkonu þinnar, ekki þitt, og hún fer með það reglulega í ungbarnaeftirlit. Ef eitthvað er athugavert þá mun hún verða látin vita þar. Með fullri virðingu fyrir þér þá finnst mér trúlegra að hún vinkona þín sem móðir þessa barns viti betur hvað barnið vill og hvers það þarfnast heldur en en þú.

Ég myndi ekki hafa áhyggur. Börn eru oft algerar bollur svona ung en svo oftast þá rennur spikið af þeim. Ég og bróðir minn vorum rosalegar bollur þegar við vorum smá börn svo þegar við fórum að labba og hreyfa okkr meira þá rann þetta af okkur og eftir það þá vorum við grönn. Og erum ennþá :)

Ég held þú þurfir allavega ekki að hafa áhyggjur svona fljótt, þegar yngri dóttir mín fæddist, var hún spikfeit og drakk (stóð stöðugt á öndinni af græðgi við að drekka) og borðaði rosalega mikið, og ég hló alltaf þegar ég þurfti að baða hana Hún….var með aðeins 5 undirhökur, 3 mánaða gömul og varð ég alltaf að fletta þeim til að þrífa á milli þeirra. En í dag og eftir að hún byrjaði að hreyfa sig hefur aldrei sést spik á henni, ef eitthvað er er hún of grönn.
kveðja Tralla

vá, minn er 7 kíló og að verða 6 mánaða

strákur vinkonu minnar var svona .. eitt kíló í hverjum mánuði en um leið og hann fór að labba og hlaupa rann þetta allt saman af honum:) held að þú þurfir mjög litlar áhyggjur að hafa …. krílið drekkur ekki nema það sé svangt eða þyrst

Mér finnst þetta nú ekki mikið að hann sé þetta þungur, börn eru misjöfn og vinkona mín á einn 7 vikna 6,2 kíló! það er kannski of mikið en ekki 3 mánaða því þau fara að hreyfa sig svo mikið á þessum tíma að þetta rennur fljótt af!