Hmmm, þetta var nú ekki greinin sem ég sendi á börnin okkar, eitthvað vesen á greinarsendingunum í kvöld. En hér er greinin eins og ég skrifaði hana:

Ég var að fá sendingu frá Íslandi, meðal annars bækur og dót handa börnunum. Ein bók leyndist þarna á milli sem mamma sendi nú eiginlega mér, þó svo að þetta sé eiginlega barnabók. Þessi vægast sagt óborganlega bók ber nafnið “Moldvarpan sem vildi vita hver skeit á hausinn á henni”. Sagan er eftir Werner Holzwarth og er myndskreytt af Wolf Erlbruch. Hún fjallar um litla moldvörpu sem fær kúk á hausinn þegar hún stingur hausnum upp úr holu sinni. Vegna nærsýnis sér hún ekki hver sökudólgurinn er og öskureið leggur hún af stað til að reyna að finna hann. Dýrin sem hún rekst á á leið sinni sýna henni öll hvernig kúk þau kúka til að sanna sakleysi sitt, en að lokum hittir moldvarpan tvær skítaflugur sem eru sérfræðingar í kúk og geta auðveldlega sagt til um hvaðan kúkurin á haus moldvörpunnar kom.

Ég svoleiðis skellihló þegar ég las þessa bók og dætrum mínum fannst hún ekki síður skemmtileg. Við þurftum að lesa hana 5 sinnum í röð fyrir yngri skottuna og þá settum við stopp í bili. Hún aftur á móti hefði alveg verið til í að hlusta á hana nokkrum sinnum í viðbót.

Önnur bók var þarna með í för sem heitir “Hver bjó mig til” og er textinn eftir Malcolm og Meryl Doner, en myndirnar eftir Mick Butterworth og Mick Inkpen. Hún segir á skemmtilegan og hispurslausan hátt frá því hvernig börnin verða til. Alveg tilvalin bók fyrir foreldra sem vilja útskýra þennan merkilega atburð fyrir börnunum sínum. Textinn er nokkuð ítarlegur, en það má vel stytta hann til að hann hæfi yngri börnum og skoða þá meira myndirnar. Ég ætla sko að lesa þessa fyrir litlu skottu í góðu tómi sem allra fyrst. Ég hugsa að sú stærri komi líka til að hafa gaman af henni þó svo að hún viti þetta nú að mestu. ;)

Já maður hefur nú gluggað í þessar bækur. Þær eru mjög góðar og vel settar fram. Mæli með þeim og ekki bara fyrir börn þá er ég að tala um Moldvörpubókina ;o)

hehehe já góð bók