[Notanda eytt] fyrir 21 árum Fjöldi lestra: 1210

myndútskýringar draumanna sem mig dreymir

ok, ég kom frá útlöndum í sept. og missti heilar tvær vikur úr myndlistaskólanum…samasem listaháskóla, bara ekki í Rvk. Ég missti af 2ja vikna videoáfanga og þarf að bæta þetta upp með aukaverkefni, sem þarf ekki endilega að vera videóverk. Ég talaði við skólastjórann og ég á að láta hann vita þegar ég fæ hugmynd. Nú fékk ég hugmynd og vil spyrja ykkur álits.

Ég man flesta drauma sem mig dreymir og þeir eru mjög frumlegir. Margir hafa spurt mig hvaðan í veröldinni ég kem með að dreyma svona furðulega og hvað sé eiginlega í undirvitund minni. Ég ætla að segja skólastjóranum að ég vilji skrifa niður draumana og láta fylgja myndútskýringar og kannski ráðningar ef ég finn. Hvernig líst ykkur á?

Það er mjöög erfitt að útskýra þessa drauma í myndum, en vegna teiknikunnáttu minnar ætla ég að reyna ef hann samþykkir hugmyndina.

kretin fyrir 21 árum

Hvað ertu að rugla?
Það er bara einn listaháskóli á landinu og hann er í Reykjavík.

Fyrra álit

[Notanda eytt] fyrir 21 árum

Ég er á Akureyri og hann er á háskólastigi sem breytist fljótt í gráður.

Fyrra álit

kretin fyrir 21 árum

Færðu þá BA gráðu þegar þú klárar?

Fyrra álit

[Notanda eytt] fyrir 21 árum

ekki á Akureyri, en það hefur verið í umræðu. Ég fæ diploma ef ég fæ ekki gráðu og ætla svo til útlanda í framhald.

Fyrra álit

marxus fyrir 21 árum

Af hverju ræðirðu þetta ekki við samnemendur þína frekar en að vera að spyrja hrokagikkinn Kretin? Miðað við það sem hann hefur látið út úr sér hingað til get ég ekki betur séð en að hann hati myndlist og hafi auk þess ekki hundsvit á henni.

Ég veit ekki, þetta er ekkert verra en hvað annað. Þetta hljómar eins og eitthvað sem ég væri til í að gera. En myndlistarkennarar á Íslandi vilja örugglega háfleygar pómó kenningar á bak við myndirnar, frekar en að menn tileinki sér stefnur sem náðu hámarki á 3. áratug 20. aldar. Þetta er nefnilega það sem súrrealistarnir gerðu, er það ekki? Annars áttu ekkert að vera að taka mark á okkur, gerðu bara það sem hjartað segir.

Fyrra álit

kretin fyrir 21 árum

Jahérna! Hrokagikkur?
Sú staðreynd að ég gleypi ekki lifrina hráa segir ekkert um ást mína á listinni!

Fyrra álit

[Notanda eytt] fyrir 21 árum

Takk fyrir að standa með mér, verja mig og takk fyrir að vera ÞÚ:) Jú. Það er langbesta svarið…að láta hjartað ráða og skapa það sem maður vill og finnst best:)

Fyrra álit

kretin fyrir 21 árum

Þið látið eins og ég sé með einhverjar árásir á hana HokeyPokey. Það er rangur misskilningur! Sú staðreynd að einhver skuli vera að mála málverk gleður mig óstjórnlega…Jú, þau mættu vera landslagsverk ef ég mætti ráða. En ekki er ég að skipta mér af því.

En diploma er ekki háskólapróf, er það ekki álíka og ameríska “high-school”? Veit ekki betur.

Fyrra álit

[Notanda eytt] fyrir 21 árum

Jú, diplóma er ekki háskóli, en við erum með hámenntaða kennara og fæstir eru ánægðir með bara diplómu.

Ég tek þessu alls ekki sem árás frá þér- enda vön gagnrýningum úr skólanum. Það er stöðugt verið að þroska mann með því að bauna á mann gagnrýni og er það ekkert nema hollusta ;)
Margir hafa þó farið í góða skóla eftir þennan hér. Margir hafa farið til útlanda eftir þennan skóla og gert góða hluti :)

Fyrra álit

kretin fyrir 21 árum

Þá er þetta ekki listaháskóli. Það er bara einn listaháskóli, og hann er í Reykjavíkinni.

Fyrra álit

[Notanda eytt] fyrir 21 árum

en það verður samt auðvelt fyrir mig að fara í listaháskóla í útlöndum í framhaldi af þessu, þetta er á háskólastigi þótt það séu ekki gráður. Gráður segja lítið, því maður er ekki hæfuleikaminni án þeirra.

Hef hitt fullt af stúdentum t.d. sem tala bandvitlausa íslensku. Ég er ekki stúdent og tala vandaðra mál. Mér finnst gráður ekki segja neitt mikið…allavega ekki mér :)

Fyrra álit

kretin fyrir 21 árum

aha…En ef að þetta nám auðveldar þér að komast inn í háskóla, þá er þetta ekki listaháskóli.

Fyrra álit

renault fyrir 21 árum

Ekki gera það !

Það er enginn undirvitund til, sérstaklega ekki þar sem vitundin sjálf virðist vera af skornum skammti.

Ef þú ætlar að taka mark á Ramax skaltu hafa í huga að ef hann fengi að ráða þá myndu íslenskir tónlistarmenn aðeins flytja tónlist með langspili og gígju.

Af hverju ekki að kanna nýjan miðil, gerðu vídeo, og mundu að nekt segir meira en þúsund orð.

Fyrra álit

[Notanda eytt] fyrir 21 árum

Nú er ég byrjuð á að skrifa niður draumana…ég meina teikna þá:) og það er bara mjög gaman. Búin að láta skólastjórann vita og honum finnst þetta snilldarhugmynd.
Mér fannst leitt að missa af videóáfanganum, en ekkert gat slegið þessari útlandaferð minni við á sínum tíma:)
Fór á karabíska eyju og missti 2 vikur úr skóla:D

Einn kennari minn, sem kennir í hugmyndaáfanga, hann samt hvetur mig til að æfa mig meira á digital videóvélina sem ég á, og ég mun gera það fyrir tíma hjá honum sem er eftir jól.

Fyrra álit

kretin fyrir 21 árum

Ramax: Ég renndi yfir svar þitt aftur og áttaði mig á því að það var gróf árás á mig og hugsjónir mínar! Nú er mér heitt í hamsi:
Að ég hati myndlist???
Við þessu segi ég: Þegi þú draumastrákur! Farðu bara að nudda orkusteina og japla á þessari gömlu tuggu sem karma-jafningurinn er! Mystíski innblásturinn er ekkert nema síðasta metanprumpið í hinum dauða hesti sem súrrealisminn er! Að slá um sig með klisjum og listaslangri slær ekki ryki æi augu þeirra sem vita hverskonar fúskari er þar á ferð.
Afhverju að mála myndir af einhverjum tilgerðarlegum miðilsfundum og draumkenndum sykurpúðapælingum? Vegna þess að hæfileikann til að túlka heiminn skortir? Eða ertu ef til vill einn af þeim sem telur að apakettirnir í dýragörðunum sem fá jarðhnetur fyrir að mála málverk séu miklir listamenn? Hvurslags hroki er þetta eiginlega? Segir að ég hati myndlist????!!!???? Þegar þú sjálfur lepur útfrymið sem streymir úr endaþarmi miðilsins á skyggnilýsingu í austurbænum! Þú sem heldur því fram að arkítektúr sé list en ekki eyðilegging á fullkomlega boðlegu landslagi fyrir Kjarvalina okkar að sigrast á!

Já… þegiðu!

Fyrra álit

marxus fyrir 21 árum

Þú ert húmoristi sé ég :) Af hverju er landslagið fullkomið en ekki apinn? Af hverju eru tamdir apar (fólk) merkilegri en apar? Af hverju á landslagið að vera ósnortið en ekki aparnir? Hvað er svona merkilegt við að vera maður og geta málað af tækni og rökhugsun, ólíkt apanum sem er í fullkomlega náttúrulegu ástandi? Yfirfærðu nú svar þitt yfir á hina stærri náttúru og athugaðu hvort þú finnir ekki stað fyrir arkitektúr þar. Togaðu svo höfuðið út úr eigin endaþarmi. Ég hef engan áhuga á “miðilsfundum og draumkenndum sykurpúðapælingum”, orkusteinum og útfrymi.

Það getur svo sem vel verið að ég hafi misreiknað þig, þú hafir í rauninni mikinn áhuga á myndlist en hafir bitið í þig einhverja brenglaða póst-kitsch kitsch hugmyndafræði til þess að vera eitthvað sniðugur. Það eru allir svo sniðugir og flippaðir í 101 LHÍ. En eins og þú hefur komið fyrir sjónir hingað til hefurðu virst vera þessi dæmigerði íhaldsseggur sem horfir dreymandi augum til fortíðarinnar þegar listaverk hermdu eftir raunveruleikanum, og hafnar öllu sem uppfyllir ekki þessa þröngsýnu kröfu smáborgarans. Þessu fylgir oftast algjört skeytingarleysi um sögu listarinnar og ástæðurnar fyrir breytingum, því þessi týpa sem elskar fortíðina hatar breytingar og allt sem fellur fyrir utan hennar þrönga norm. Og samt telur hún sig vita allt um það hvernig hlutirnir EIGI að vera, af því hún veit hvernig SÉR finnst að þeir eigi að vera, miðað við hennar þrönga sjónarmið á heiminn. Leiðréttu mig ef ég hef rangt fyrir mér.

Fyrra álit

kretin fyrir 21 árum

Iss…Ég er þreyttur á málurum sem taka sig ekki alvarlega. Sem vita ekki hvert hlutverk þeirra er: Að endurspegla raunveruleikann en ekki einhverja draumkennda tálsýn sem kemur úr þeirra eigin höfði.
uuu…101 LHÍ, meinarðu þá leiklistardeildina? Eða tónlistardeildina?
Hver sagði sosum að ég væri í LHÍ? Þar sem fólk er eitthvað að klastra saman pappakössum og kalla það list… Gef ekki mikið fyrir slíkt. Onei. Um eitt erum við þó sammála allir eru eitthvað voða mikið að vera “sniðugir” í LHÍ(-101) En því er ég ekki hrifinn af.
Ég VEIT hvernig hlutirnir EIGA að vera…Enginn annar veit það.

Farðu svo á miðilsfund að láta ráða drauma.

Fyrra álit

marxus fyrir 20 árum, 11 mánuðum

I rest my case. Þú sást sjálfur um minn málflutning og málaðir þig út í horn.

Fyrra álit

kretin fyrir 20 árum, 11 mánuðum

Nújæja?
Glymur hæst í tómri tunnu segi ég.

Fyrra álit

kretin fyrir 20 árum, 11 mánuðum

jæja?

Fyrra álit

Bókmenntir og listir

Bókmenntir og listir

Ofurhugar

Hverjir eru inni

Korkar - Sjónlistir

myndútskýringar draumanna sem mig dreymir

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi