Fólk sem getur ekki stillt sér í hóf á ekki að spila. Punktur. Það er gjörsamlega á þeirra ábyrgð.

Ef fólk missir allt vegna þess að það getur ekki hætt að spila tölvuleik er það því að kenna.

Jújú ég veit að það er mjög erfitt að hætta ef maður verður háður einhverju og kannski ekki hægt að segja að fólk eigi þetta skiið, en svona er þetta… fólk verður háð allskonar hlutum og það er ekkert hægt að gera til að koma í veg fyrir það, það verður bara að leita sér hjálpar ef það ræður ekki við þetta.

Blizzard nota kannski sálfræðinga til að fá fólk til að halda áfram að spila en af hverju ættu þeir að nota þá til að gera fólk svo háð þessu að það missir allt og hættir að spila? þeir græða miklu meira á fólki sem spilar ágætlega mikið, frekar mikið eða jafnvel mjög mikið, svo lengi sem það spilar ekki of mikið, því ef það spilar of mikið þá fer líf þeirra í rúst og það hættir að spila og þeir hætta að græða pening á því. Fólk borgar jafn mikið í mánaðaráskrift hvort sem það spilar hálftíma á dag eða 10 tíma á dag.

Það er hægt að finna endalaust af svona smáatriðum sem láta fólk halda áfram að nota ákveðna vöru, heldurðu að spilavíti reyni ekki að fá fólk til að halda áfram? hvað með lottóið? það eru nú dæmi um það að fólk verði háð því líka og eyði öllum sínum peningum í lottómiða… er lottóið ekki bara ógeðslegt fíkniefni líka?