Hvað varðar birtingu bílnumera og annara upplýsinga í þessu tilfelli fannst mér málið liggja þannig við að rétt væri að leyfa þessu að standa a.m.k. þar til að stjórnendur áhugamálsins kæmust að sameiginlegri niðurstöðu um hvernig svona mál skuli meðhöndluð enda mjög ólíkt öðrum tilfellum þegar bílnúmerabirtingar hafa átt sér stað.

Hinsvegar vildi ég bæta við að mér finnst áhugavert að sjá afskipti á áhugamálinu beint fyrir hönd bílaumboðs. Við eyðum mikilli orku í að ræða og oft gagnrýna bílaumboð og það er vissulega áhugavert ef aðilar frá umboðunum sjálfum geta tjáð hlið umboðanna á málinu (svo lengi sem skoðanaskipti breytast ekki yfir í skítkast, ég efast um áhuga fyrir því að taka þátt í þannig!). Einnig væri mjög gaman að fara t.d. að sjá bílaumboðin nota sér atburðakubbin til að láta okkur vita hvenær þeir sýna bílana sína. Ég virðist alltaf missa af bílasýningum…

Allavega trúi ég ekki öðru en að bílaumboð græði á því að vekja áhuga og efla góð samskipti við bíladellumenn. Það er nefnilega merkilega algengt hvað fólki dettur oft í hug að leita ráða um bílakaup hjá einhverjum besserwisserum eins og mér!

Í framhjáhlaupi átti ég einmitt samræður við annan bíladellukall um sölumenn bílaumboða og vorum við sammála um það að góðir sölumenn sem greinilega hefðu áhuga og þekkingu á vörunni (bílum!) væru til mikils álitsauka fyrir umboðin, a.m.k. í okkar augum.<br><br>“Do you know how much a jizzmopper makes an hour?” - Randall (Clerks)

Ég veit ekki betur en að sölumenn fari aldrei með í túrinn. Ég hef allavega aldrei upplifað það. Þeir myndu þá ekki gera mikið annað held ég.

Ég held að í þessu tilfelli hafi brotaviljinn verið mjög skýr.

En ef við hinsvegar veltum fyrir okkur að ef viðkomandi væri heiðvirður maður sem hefði t.d. lent í árekstri og ekki getað skilað bílnum, kannski orðið bensínlaus, sprungið á bílnum eða af einhverjum öðrum eðlilegum ástæðum … hvað þá? Þá er búið að setja nafn hans og í raun fjölskyldu hans á netið og búið að ganga að mannorði hans. Svipuð umræða hefur verið í gangi um hvort eigi að nafngreina afbrotamenn. Eitt dæmi sem mikið var rætt um, var þegar einhver náungi gekk inn í Verzlunarskólann og stal ferðavélum. Þá tóku einhverjir sig til og sendu mynd af manninum í tölvupósti sem fór eins og eldur í sinu manna á milli í tölvupósti. Ég er einfaldlega að benda á að það, að það vald sem menn taka sér með því að setja slíkar upplýsingar á netið er mjög vandmeðfarið.

kveðja
DON

<br><br>———————————–
clean desk is a sign of a sick mind

Svar til Minnskalli: Brimborg hefur ákveðnar reglur með prufuakstur og eru þær svipaðar í nýjum og notuðum bílum. Helst viljum við að sölumenn fari með í prufuakstur en það er nánast útilokað m.v. hinn mikla fjölda. Þess vegna reynum við að grisja úr og t.d. er regla hjá okkur að áður en menn fara í prufuakstur förum við í gegnum væntanleg kaup og hvort þau séu raunhæf. Einnig fara sölumenn alltaf með ef kúnni undir undir 20 ára (í þessu tilviki var hann 25 ára). Einnig er alltaf spurt um ökuskírteini, tími útláns skrifaður í sérstaka skýrslu og sölumaður og kúnni kvitta fyrir. Almenna reglan er að 20 mín. eru leyfðar í prufuakstur nema annað sé um samið og hiti komimn í samningaviðræður.

Sumum þykja þessar reglur stífar en því miður hefur reynslan sýnt að þær eru nauðsynlegar en ekki alltaf nægjanlegar.

Kveðja
Brimborg
Egill Jóhannsson