Búinn að prófa allt draslið. Var á loftbólum í ár, harðkorna í fyrra og nöglum nokkur ár fyrir þann tíma. Verð að segja það að loftbólurnar eru langþægilegastar. Dekkin eru fokdýr en gúmmíið er miklu mýkra en í harðkorninu þannig að það er betra að keyra á þeim. Ég ætla ekki einu sinni að minnast á nagladraslið.

Ek um á Volvo núna og var á Mözdu í nokkur ár þar á undan og man eiginlega ekki eftir neinum erfiðleikum varðandi snjó síðustu árin. Hvorki í bænum né í borgarfirðinum en ég eyði sirka jöfnum tíma á hvorum stað og keyri á milli einu sinni í viku. Naglarnir eru algerlega óþarfir og þá sérstaklega vegna þess að síðustu þrjú ár man ég eftir einu almennilegu skipti þar sem ekki var rutt vegna veðurs í norðurárdalnum og þá hefði engu máli skipt á hvernig dekkjum maður var, snjórinn var það mikill. Það var svo komið í lag seinna sama dag.

Ég skil svosem sjónarmið þeirra sem búa á snjóþungum svæðum eins og fyrir norðan en í bænum hefur ekkert snjóað að ráði síðustu fimm árin. Einn og einn dagur er ekki næg ástæða til að vera á nöglum allan veturinn. Man einhver eftir að hafa fest sig í vetur í bænum?

Nobody beats me in the kitchen