Ég hef prófað að leita af þessum bílum til sölu.
Þær ástæður fyrir því að ég er frekar að hugsa um að flytja inn bíl er að bílarnir eru miklu ódýrari að sjálfsögðu og það segir sig sjálft að þar sem er meira úrval af bílum þá er til meira af góðum bílum eins og er T.d. Í Þýskalandi.
Þegar Hekla er með útsölur á notuðum bílum þá er verðið þar samt sem áður mjög dýrt. Ég hef lítið sem ekkert séð þessa bíla hjá Heklu.

Audi S4. Ég hef séð tvo þannig til sölu á Íslandi. Einn á 2.150.000 kr og annar á 1.550.000 kr. Í Þýskalandi er hægt að fá nýrri og betri minna ekinn S4 á kannski 5000-7000 evrur. Gallinn við Audi S4 er að hann er með 2.2 lítra vél þannig að ég borga jafn mikinn toll af þeirri vél eins og ég væri með 8 lítra vél.

Audi A6 95-96 mundi kosta hérna heima frá 1.500.000 og alveg upp fyrir 2 milljónir og síðan er mjög lítið úrval af þeim. Það er einn ágætur í Toyota núna til sölu og það gengur lítið að selja hann, sett á hann 1.690.000 2.6 l '95. Það er kannski helst audi A4 1.8 turbo sem mundi ekki borga sig eins mikið að flytja inn eins og að kaupa hérna heima. Hann kostar frekar mikið Í Þýskalandi.

Saab 9000 Aero er nú ekkert til hérna heima og Saabar á Íslandi eru mjög dýrir en þeir eru rosalega ódýrir í Þýskalandi, sérstaklega Saab 900 2.0 turbo 94-96.

Það gilda sömu reglur í Þýskalandi með bílatryggingar, þ.e. þeir borga tryggingar eftir stærð vélar þannig að þeir eru í sömu stöðu og við.
Ég held að verð á notuðum bílum hérna heima eigi ekki eftir að lækka jafn ört og það hefur gert síðustu 2-3 ár.

Það borgar sig að flytja inn bíla frá Þýskalandi, það er alveg klárt mál. Það er reyndar ópraktískt, tímafrekt og vesen. En hver vill vera praktískur? Ég gæti aldrei keypt þessa bíla hérna heima.

Mjög góður kostur er samt að flytja inn tjónaðan bíl. Þá er maður ekki að borga tolla af viðgerðinni eða varahlutunum og mundi borga tolla af kaupverði en ekki verðmati.
Þá miða ég við að maður gæti fengið viðgerð, sprautun, varahluti og réttingu fyrir lítið eða staðið í því sjálfur.

Ég vill ekki BMW. Þá meina ég E32, sem mér finnst frekar ófríður.