Ég verð nú að segja að mér finnst þetta afskaplega útblásin viðbrögð. Ég hef alltaf fengið ágætis þjónustu á öllum bensínstöðvum og ég get vel skilið að það sé bara fyllt á þau forðabúr sem er ekki hægt að klúðra á einhvern hátt. Svo verður að hafa það í huga í dag að margir af þessum starfsmönnum hafa bara ekki hugmynd um hvar á að fylla á sjálfskiptinguna, sennilega flestir. Það er ekki skipt um rafgeyma á bensínstöðvum, það er ekki bætt á sjálfskiptivökva og ekki skipt um perur ef það er mikið mál. Þetta er gert vegna þess að ef starfsmennirnir valda einhverjum skemmdum þá eru þeir ábyrgir fyrir tjóninu…. hjálpsemin getur því komið mörgum í vanda.

Það er líka mikið af óprúttnum náungum í umferð sem reyna að svíkja út bætur og viðgerðir út af meintum mistökum starfsmanna.

Ef einhver hefur verið með dónaskap þá á náttúrulega að klaga það og það helst á staðnum!

Allavega þá finnst mér ekkert athugavert við að þetta sé ekki gert…. en auðvitað er sjálfsagt að hjálpa gömlu fólki af fremstu getu…. Það er samt sem áður mikið af heilalausu starfsfólki á vinnumarkaðnum í dag, það tekur sirka eitt til tvö ár að sía þetta lið frá áður en almennileg þjónusta býðst aftur.

Ég þurfti sjálfur að skipta um þurrkublöð á Olísstöð um daginn, ekki það að það hefði verið eitthvað vandamál en það var ekki boðist til að gera það fyrir mig, mér var bara réttur pakkinn.

Ég hef séð starfsmenn á bensínstöðvum, man ekki hvar, skipta um varadekk fyrir konu o.s.frv. Mjög einfalt verk sem er erfitt að klúðra.

Allavega finnst mér þetta ekki vera neitt stórmál.