BENSÍN!!! já ég er að tala um bensín.

(ég gef mér það að ég muni eiga nóg af pening eftir nokkur ár)
Málið er að bensínið í heiminum verður búið eftir30- 40 ár. Ég er maður íhaldsins og vil ekkert fokking rafmagns-metan-vetni kjaftæði ef ég get komist hjá því. Því við vitum öll að það er ekkert kúl að keyra um á speisuðum silfruðum metan bíl. Því hef ég ákveðið að safna fyrir tveimur stykkjum af amerískum 60s jálki (Mustang, Charger, Challenger, Trans-am). Af hverju 2 stykki? Eitt í varahluti of course.

Svo ætla ég að reikna bensíneyðslu þessa kvikindis á ári og reikna svo hversu langt ég á sirka eftir af lífinu. Svo ætla ég að versla á hverju ári bensín sem jafngildir eyðslu bílsins á ári hverju, en láta það í geymslu. Svo versla ég mér bara bensín á bensínstöð fyrir bílinn til að nota á hann á þeim tíma.

Þetta geri ég á hverju ári þangað til bensínið verður búið á heimsmarkaði. Þá sit ég eftir með fullt af bensíni sem dugar mér til að keyra bílinn minn í önnur 30-40 ár. En auðvitað verð ég ekki lifandi svo lengi, svo það bensín sem ég nota ekki fyrir ameríska jálkinn minn, get ég selt til þeirra bílaeigenda sem ganga fyrir bensíni. Vegna þess hversu sjaldgæft bensín verður mun ég geta selt á miklu miklu meira verði heldur en ég keypti það á.

Eftir þetta mun ég ekki bara keyra um á bíl sem er oldschool og gefur skít í vetni-metan dótið, heldur mun ég líka eiga fullt rassgat af seðlum til að eyða á elliárunum.