Heklusport er á Sýn, þetta verður ca 7 mín langt skot sem verður sýnt frá keppninni í kvöld. Veit ekki með Eurosport, þeir hljóta að sýna eitthvað, bara spurning hvenær.

Það eru bara búnir 2.45 km af þeim 400 km sem verða eknir í heild þannig að það getur allt gerst. Sérleiðin í kvöld var svona stutt, því að hún er sérhönnuð fyrir áhorfendur og sjónvarpsútsendingar, en svona stuttar leiðir eru ekki í neinu sérstöku uppáhaldi hjá ökumönnum.

Þarna eru 2 bílar ræstir inn á sömu sérleiðina hlið við hlið og það voru bestu vinirnir Burns og McRae sem ræstu saman inn á leiðina.

McRae var aldrei þessu vant fámáll eftir leiðina en Burns kvartaði undan drullu sem kom fljúgandi undan bílnum hjá McRae og lenti beint á framrúðunni hjá Burns. Kallinn hefur eflaust glott út í annað þegar hann frétti af þessu.