Verðin eru reiknuð þannig að það er eitthvað fast upphafsverð miða þegar að bíllinn er nýr og svo afskrifast hann um x krónur fyrir hvern km sem þú segir að hann sé ekinn og einnig um x krónur fyrir hvern dag sem hefur liðið síðan hann var fyrst skráður. Það er því oft lítið að marka þetta viðmiðunarverð fyrir eldri bíla og þá sem eru mikið keyrðir því þeir koma yfirleitt verðlausir út úr þessari skrá.

Það stóð til að setja upp annan gagnagrunn í framhaldi af þessum þar sem bílasalar áttu allir að setja inn verð á bílunum sem voru að seljast hjá þeim og átti sú skrá að endurspegla raunverð notaðra bíla.