Nei nei það er allt í lagi, ef þú ert með svepp er ágætt að breiða yfir hana, einnig að troða einhverju í kertagötin svo að það fari ekki vatn inná kertin.

Passa sig bara að skjóta ekki mikið á loftsíu, kerti og kveikju og fara svo strax út að keyra eftir svona aðgerðir. Ef það kemst vatn í kveikjuna og það fær svo að vera þar í friði kemurðu bílnum ekki í gang.

skemmtileg saga.

vinur minn var nýbúinn að kaupa sér bíl, gamlan volvo 460, og leyfði mér og öðrum vini okkar að prófa hann. við ákváðum að vera geðveikt sniðugir og þrífa drulluskítuga vélina í honum. fórum þess vegna með bílinn heim til mín, spreyjuðum tjöruhreinsi yfir og skoluðum með svona byssu tengdri við garðslöngu. ég var nýbúinn að láta gera svona við bílinn minn uppí löðri, og taldi mig því meistara í svona málum. þegar vélin var orðin tandur hrein var kominn tími til að skila bílnum. en þá fór druslan ekki í gang, og ég og vinur minn vorum skíthræddir um að hafa eyðilaggt eitthvað.
eftir að hafa reynt í 2 tíma að laga hann, föttuðum við að það hafði komist vatn inná kertin:P..síðan þá höfum við hvorugir fengið bílinn lánaðan

annars er þetta það eina sem þú þarft að passa, að vatn komist ekki inná kertin

bara ekki sprauta á loftinntak, kerti og annað sem er rafmagn og/eða tengi í.. bara til að skemma ekkert;)

ætti ekkert að skemmast við þetta, en samt gæti verið leiðinlegt að starta bílnum eftir þetta, ef að vatn fer inn á kertin er ekkert annað en að taka þau úr og skrapa á þeim endann sem fer ofan í gatið með vírbursta. svo kannski að loftsían verði leiðinleg ef að hún blotnar, en þá er bara að lofa henni að þorna…hef séð einn mann taka pappasíu og skola hana, henti henni á ofninn yfir nótt og setti hana svo aftur í bílinn, sá bíll er ekki enn dauður, svo að þetta hlýtur að vera í lagi…

Þetta á ekki að skapa vandamál………….en því miður gerir það það samt stundum. Nýjir bílar eru með skynjara útúm allt. Ég veit til að bíll allt var þrifið í nýlegum Opel sem olli skemmd á einhverjum skynjaranum sem kostaði eigandan tugi þúsunda að skipta um.

Ef ég væri að gera þetta þá myndi ég ekki þrífa vélina strax eftir að drepið hefur verið á. Það getur vel verið að það sé óþarfa varkárni en ég held að það sé betra að blokkin sé köld þegar köldu vatni er dælt á hana.

JHG

Einhvers staðar heyrði ég að það væri best að hafa bílinn í gangi en ég ætla ekki að selja það dýrara en ég stal því