Kraftpúst er rangnefni eins og kraftsía.

Púst hleypir afgasi mismunandi vel í gengum sig. Beint rör ætti því að vera minnsta fyrirstaðan (eða ekkert púst yfir höfuð). Við viljum nú ekki vera í svo miklu hávaða því notum við kúta til að dempa hljóðið. Síðan er nýrri bílar með hvarfakúta sem eru mismunandi þvingandi.

Opnir kútar eru hleypa vel í gegnum sig, en dempa hljóðið ekkert svakalega mikið (margt sem spilar inní, m.a. staðsetning stúta inn og út).

Rétt gerðar flækjur mynda einskonar undirþrýsting og hjálpa til við að tæma strokkana. Við það þarf ekki að eyða afli í að ýta loftinu út. Einnig er líklegra að það náist alveg að tæma strokkinn fyrir nýja blöndu.

Þegar einhver segir að hann sé með flækjur, tvöfallt 2,5“ púst með H pípu og opna/turbo kúta þá erum við farin að tala um púst sem hjálpar verulega uppá að skila sem mestu af aflinu til hjólana. Á móti kemur að hávaðinn getur verið þónokkur. Þú heyrir oft um þetta kombó í kvartmílunni en þar segist enginn vera með kraftpúst.

Það sem menn hafa kallað ”kraftpúst" hefur ekki komið nálægt þessu pústi í flæði. Oftast byggist það á einum kút með stórum stútum.

Ef við lítum raunhæft á dæmið þá er mjög erfitt að ná miklu afli, eða mikilli aflaukingu úr þetta litlum mótor. Þú getur kannski kreist út 5-10 hp með ærnum tilkostnaði. Þú getur kannski smellt á hann hógværu nítróskoti til að koma þessu eitthvað áfram, en menn verða að fara varlega með Nitróið.

Ég veit ekki hvað þessi vél sem hann setti í Ka-inn hefur verið stór af rúmtaki en ég hef grun um að hún hafi ekki verið svo stór. Ef lítill mótor hefur verið tjúnaður í 350 hp. þá er víst að hann er að skila þessu mjög ofarlega á snúningsvæginu. Þó bíllinn sé örugglega ágætur í spyrnum þá er líklegt að hann sé hundleiðinlegur í venjulegum akstri. Einnig kæmi mér ekki á óvart að ending á þessum mótor verði ekkert sérstaklega góð.

JHG