Þessi stefna ríkisins með dísilbíla er vægast sagt undarleg.

Þungaskattur er eins og nafnið gefur til kynna SKATTUR. Hér á landi er það sama olían sem fer á bíla og skip. Ég held að þetta hafi ekkert með olíufélögin að gera. Erlendis er olían nálægt bensínverðinu, þ.e. það er ekki eins mikill verðmyunur á olíu og bensíni. Til stendur að breyta þessu hér á landi (ég held á næsta ári) þannig að olíulítrinn kosti kannski um 85 kall á meðan bensínlítrinn kosti um 95. Þá verður skatturinn settur oná olíugjaldið eins og er um bensínverðið. Þá verður olían lituð þannig að menn geti ekki farið niður á höfn og fyllt bílinn fyrir skipaolíu sem kostar kannski 20-30 kall lítrinn.

kv.
DON<br><br>———————————–
clean desk is a sign of a sick mind

Það er mismunandi hvar þú borgar bensín eða díselgjaldið. Hvað díselbíla varðar þá borgar þú gjaldið annað hvort sem fast árgjald eða miðað við ekna kílómetra meðan að þú borgar sama gjald við dælu ef um bensín er að ræða.

Ríkið hefur lengi stefnt að því að breyta þessu fyrirkomulagi. Það hafa margar nefndir skilað áliti en olíufélögin hafa verið á móti þessu. Það er kannski skiljanlegt þar sem að þau þurfa að borga bensíngjaldið fyrirfram og innheimta það síðar fyrir ríkissjóð. Það er um verulegar fjárhæðir að tefla og vextir af þessum peningum gætu numið ansi mörgum milljónum. Olíufélögin gætu einnig þurft að leggja í kostnað því talað hefur verið um að hafa bæði litaða og ólitaða olíu. Þeir þyrftu því að fjölga töknum og dælum.

Það eru margir atvinnuaðilar, t.d. bændur og trillusjómenn, sem eiga ekki að borga þennan skatt. Skatturinn er m.a. ætlaður til lagningu vega og ekki sanngjarnt að útgerð smábáta (sem nota sína olíu útá sjó) kosti það. Því þarf að aðgreina þá olíu sem notuð er til þeirra nota.

Erlendis hefur það m.a. verið gert með litun. Nú er komið bakslag í það þar sem að litunarefnin sem notuð hafa verið á norðurlöndum eru víst krabbameinsvaldandi. Olíuflutningamenn í Danmörku neituðu að flyjta þetta efni svo það er ekki notað eins og er í danaveldi. Félagi minn sem þar býr er farinn að nota kyndiolíu á bílana sína og spara sér verulegar fjárhæðir, en um leið svindlar hann á stjórnvöldum.

Svo er spurning hvað verður með stéttir eins og leigubílstjóra. Afkoma þeirra hefur verið léleg undanfarin ár og þeir geta tæpast bætt á sig auknum kostnaði. Ekki er hægt að láta þá fá sér litaða olíu því þeirra bílar gætu seinna orðið einkabílar.

Þetta er því ekki auðvellt viðfangs. Fyrir rest fá menn örugglega að borga gjaldið við dæluna en það þarf að leysa mörg vandamál áður en það er gert.

JHG

P.s. tillögur voru um að verð á dísellíter yrði mitt á milli verðs á 95 og 98 oktana bensíni.