brimborg fyrir 21 árum, 10 mánuðum Fjöldi lestra: 308

Heimsmeistarakeppnin í ralli

Peugeot sigrar sænska rallið. Citroën í forystu í heimsmeistarakeppninni. Ford setur nýtt met.

Sænska rallið var haldið nú um helgina en það er hluti af heimsmeistarakeppninni í ralli og setti mikill snjór mark sitt á keppnina. Marcus Grönholm á bíl frá franska framleiðandanum Peugeot varð hlutskarpastur. Að lokinni þessari annarri keppni í heimsmeistarakeppninni er ljóst að Citroën er í forystu bílaframleiðanda með 24 stig en á eftir þeim kemur Peugeot með 22 stig og Ford er í þriðja sæti með 15 stig.

Í keppninni um heimsmeistaratitil ökumanna deilir Sebastian Loeb efsta sætinu með Colin McRae en þeir aka báðir Citroën Xsara bifreiðum. Í þriðja sæti er síðan Marcus Grönholm á Peugeot.

Ford setti nýtt met í sænska rallinu núna um helgina en þetta var 16 keppnin í röð sem Ford Focus RS skilar sér í mark í sæti sem gefur stig til heimsmeistaratitils.

Virðingarfyllst,
Brimborg
Egill Jóhannsson

KITT fyrir 21 árum, 10 mánuðum

Gríðarskemmtilegt rall og gaman að sjá hvað Citroen koma sterkir inn núna í fyrsta sinn sem þeir taka þátt í öllum röllum ársins.

En hvort halda Brimborgarmenn nú með Citroen eða Ford :)

Fyrra álit

brimborg fyrir 21 árum, 10 mánuðum

Nú er manni vandi á höndum og ekki síst vegna þess að bæði Ford og Citroën gengur mjög vel. En ætli maður verði ekki að halda með báðum.

Undanfarin tvö ár hefur maður þó frekar litið til Ford enda Citroën aðeins verið að þreifa fyrir sér í rallinu. Colin McRae var minn maður þó maður hafi nú verið farinn að líta alltaf meira og meira til Sebastian Loeb enda að gera frábæra hluti.

Því var manni vandi á höndum þegar fréttist að Ford ætlaði að láta Colin McRae fara og snúa sér frekar að ungum og upprennandi mönnum. Það var því nokkuð skondið að hann skildi fara yfir til Citroën. Og að Sainz skyldi síðan fylgja á eftir.

Ég las um daginn viðtal við framkvæmdastjóra Citroën liðsins sem sagði að það hefði verið tilviljun að Sainz hefði líka komið til Citroën. Með McRae og Loeb voru þeir búnir að ráðstafa því fjármagni sem þeir höfðu til að greiða ökumönnum en Sainz kom með öflugan styrktaraðila með sér sem heitir Telefonica sem fjármagnar veru hans hjá liðinu.

Með kveðju
Brimborg
Egill Jóhannsson

Fyrra álit

Dune fyrir 21 árum, 10 mánuðum

Ég er einn af þeim sem fylgist náið með WRC, aðalllega í gegnum wrc.com en þar er hægt að fylgjast með keppninni nánast upp á sekúndu. Ég er reyndar hvorki Citroen né Ford maður …:-) en vona framar öllu að keppnistímabilið verði jafnt og spennandi.

Mér finnst íslenskir fjölmiðlar, og þá á ég helst við sjónvarp, ekki vera að sýna WRC nægilega mikla athygli. SÝN var með þætti fyrir að ég held 2 árum um WRC en ég held að það sé ekkert í gangi núna.

Eru Brimborgarmenn ekki til í að sponsora þátt um WRC, t.d. á SÝN. Ég held að það sé mikill áhugi fyrir þessu …. ég a.m.k. er að fá smá leið á formúlunni

kveðja
DON ———————————–
clean desk is a sign of a sick mind

———————————–

Fyrra álit

Mal3 fyrir 21 árum, 10 mánuðum

Ég get varla verið ánægðari. Á skammtímalistanum yfir draumabíla hjá mér er Citroën CX þannig að það er fullkomið að uppáhaldsökumaðurinn minn, McRae, sé hjá Citroën og að raka inn stigum.

Mikið væri gaman að geta séð rall á imbanum… Tilvitnun: <hr>"On two occasions, I have been asked [by members of Parliament], ‘Pray, Mr. Babbage, if you put into the machine wrong figures, will the right answers come out?’ I am not able to rightly apprehend the kind of confusion of ideas that could provoke such a question.“
– Charles Babbage (1791-1871)
 <hr>
Viltu lesa meira af <a href=”http://thisgeeksworld.blogspot.com">nöldrinu</a> mínu?

Fyrra álit

KITT fyrir 21 árum, 10 mánuðum

Íslenskir fjölmiðlar sýna WRC enga athygli. Sýn var með WRC þættina keppnistímabilið 2001 og voru þeir þá sponsoraðir af B&L ef ég man rétt. Einhverra hluta vegna voru þeir ekki áfram á dagskrá árið eftir.

Það er algjört möst að fá þessa þætti aftur í loftið hér á landi. Hrein brakandi snilld……….

Fyrra álit

KITT fyrir 21 árum, 10 mánuðum

“Báðum”……mjög dipló svar :)

En þú verður þó að viðurkenna að Citroen er hinsvegar með miklu skemmtilegri ökumenn enda er Colin McRae að mínu mati skemmtilegasti ökumaðurinn í WRC í dag. Og er reyndar búinn að vera það alveg frá því að hann var hjá Subaru.

Þess má og geta að Telefonica, sem er spænskt símafyrirtæki, var einn aðalsponsor Fordliðsins þar til samningurinn við Sainz var ekki endurnýjaður og hann fór yfir til Citroen og með Telefonica með sér.

Fyrra álit

brimborg fyrir 21 árum, 10 mánuðum

Þessir þættir sem sýndir voru á SÝN voru mjög góðir og við hjá Brimborg skoðuðum það mjög að styrkja þá á sínum tíma. Upphæðin var að vísu gríðarlega há þar sem mér skilst að þessir þættir séu seldir mjög dýrt. Sama veit ég reyndar að á við um F1. Og því sögðum við pass á þeim tíma.

Á þessum tíma var hrunið að hefjast á bílamarkaðnum(salan féll um 46% 2001) og því fórum við ekki út í þetta og eflaust hefur það verið erfitt fyrir SÝN að fá styrktaraðila úr bílgreininni í fyrra í miðri kreppunni.

Ég verð líka að nefna að önnur umfjöllun fjölmiðla er mjög bágborin af WRC. Ég hlustaði sérstaklega eftir þessu í dag. Ekkert var sagt á Bylgjunni, ekkert á Stöð 2 eða RÚV sjónvarp og örfáar sekúndur fóru undir þetta hjá RÚV útvarp. Og þar var aðeins sagt frá úrslitum í sænska rallinu en ekkert hvernig staðan er í WRC. Það er eins og fréttamennirnir viti ekki alveg út á hvað þetta gengur? Þó má textavarpið eiga það að þeir eru duglegir að uppfæra stöðuna í hverju ralli en minnast þó ekki á stöðuna í WRC í heild.

mbl.is minntust örlítið á þetta en visir.is sem voru áður þokkalega öflugir minntust ekkert á þetta. Reyndar voru síðustu fréttir á motorsport síðunni þeirra frá því síðastliðið haust.

Eru virkilega svona fáir áhugamenn um mótorsport á Íslandi að miðlarnir leggja litla sem enga vinnu í þessa hlið íþróttanna?

Með kveðju
Brimborg
Egill Jóhannsson

Fyrra álit

KITT fyrir 21 árum, 10 mánuðum

Ef WRC væri boltaíþrótt væri sýnt frá þessu, þannig virðist forgangurinn vera.

Textavarpið stendur sig best af íslenskum miðlum. Virðast þó ekki alltaf skilja reglurnar miða við frétt sem birtis hjá þeim í gær um að Grönholm hefði verið heppinn að halda forystunni eftir að Duval dreifði fjöðrunarkerfinu úr Focusinum sínum yfir SS5.

Fyrra álit

Moen fyrir 21 árum, 10 mánuðum

1. Marcus Gronholm FIN Peugeot 206 WRC 3:03:28.1
2. Tommi Makinen FIN Subaru Impreza WRC 2003 3:04:18
3. Richard Burns GB Peugeot 206 WRC 3:04:46
4. Markko Martin EE Ford Focus RS WRC 02 3:05:13
5. Colin McRae GB Citroen Xsara 3:05:43
6. Petter Solberg N Subaru Impreza WRC 2003 3:05:47
7. Sebastien Loeb F Citroen Xsara 3:06:42
8. Toni Gardemeister FIN Skoda Octavia WRC Evo 3:06:47
9. Carlos Sainz E Citroen Xsara 3:06:52
10. Freddy Loix B Hyundai Accent WRC 3:07:04
11. Mikko Hirvonen FIN Ford Focus RS WRC 3:09:33
12. Kristian Sohlberg FIN Mitsubishi Lancer WRC 2 3:09:45
13. Armin Schwarz D Hyundai Accent WRC 3 3:10:49
14. Roman Kresta CZ Peugeot 206 WRC 3:11:18
15. Kristian Kolberg N Hyundai Accent WRC 3:11:48
16. Tomasz Kuchar PL Ford Focus RS WRC 02 3:14:02
17. Janne Tuohino FIN Ford Focus WRC 3:15:05
18. Didier Auriol F Skoda Octavia WRC Evo 3:16:14
19. Tord Linnerud N Toyota Corolla WRC 3:18:05
20. Jari Viita FIN Ford Focus RS WRC 01 3:18:33

Fyrra álit

KITT fyrir 21 árum, 10 mánuðum

Þess má einnig bæta við að Tommi Makinen var valinn Inmarsat’s Star of the Rally og fékk bikar og 5000 punda ávísun.

Fyrra álit

Bílar

Bílar

Ofurhugar

Stjórnendur

Hverjir eru inni

Korkar - Umræður um bíla

Heimsmeistarakeppnin í ralli

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi