JHG fyrir 21 árum, 11 mánuðum Fjöldi lestra: 3078

Aðflutningsgjöld af bílum, skýringar og dæmi

Þar sem að það er alltaf af og til spurt um hvernig á að reikna aðflutningsgjöld bílum þá ætla ég aðeins að fara yfir það.

Aðflutningsgjöld fara eftir lögun nr. nr. 29/1993, um vörugjald af ökutækjum, eldsneyti o.fl. Skv. almennum reglum þá eru aðflutningsgjöld reiknuð af CIF verði vöru m.v. íslenskan afhendingarstað.

Á fólksbifreiðar og önnur vélknúin ökutæki, sem ekki eru sérstaklega tilgreind í 4. gr., skal lagt vörugjald í eftirfarandi gjaldflokkum miðað við sprengirými aflvélar, mælt í rúmsentimetrum:

Flokkur I: miðast við vélar með rúmtak frá 0-2.000 cc og er það 30%

Flokkur II: er fyrir bíla með vélar sem eru stærri en 2.000 cc að rúmtaki og er gjaldið 45%

***

Dæmi:

Ef við tökum dæmi með bíl sem er keyptur í útlandinu, og er með 3.000 cc vél.

Stofn til álagningar vörugjalds:
Þar sem að stofn til álagningar vörugjalds er CIF verð (ísl. staður) þá verðum við að hafa upplýsingar um flutningsgjald og vátryggingu.

Stofninn er því:
Verð úti: 1.000.000 ISK
Flutningskostnaður: 150.000 ISK
Vátrygging: 10.000

Stofninn er því 1.000.000+150.000+10.000=1.160.000 krónur.

Vörugjaldið er því: 1.160.000 x 45% = 522.000

***

Spilliefnagjaldið og úrvinnslugjald eru mjög lítil og skipta ekki máli í heildardæminum (reiknast m.v. t.d. þyngd rafgeymis ofl.)

***

Virðisaukaskattur:
Stofn til álagningar virðisaukaskatts er CIF verð að viðbættum öðrum gjöldum. Stofninn í þessu dæmi (önnur gjöld áætluð) er því:

CIF verð: 1.160.000
Vörugjald: 522.000
Önnur gjöld (áætlun): 5.000
Stofn til álangingar vsk: 1.687.000

VSK = 1.687.000 x 24,5% = 413.315

Opinber gjöld eru því:

Vörugjald: 522.000
Virðisaukaskattur: 413.315
Annað (áætlað): 5.000
Samtals: 940.315

***

Heildarkostnaður:
Kaupverð: 1.000.000
Flutningskostnaður: 150.000
Vátrygginga: 10.000
Vörugjald: 522.000
VSK: 413.315
Annað: 5.000
Samtals: 2.100.315

***

Það er svo hægt að lækka flutningskostnað (og þar af leiðandi gjaldstofninn) með því t.d. að fara út og taka bílinn með Norrænu til baka.

Ég heyrðu svo af einum sem samdi við flugfélag (að mig minnir Flugleiðir) að þeir myndu taka bílinn hans heim þegar það væri laust pláss. Sagan segir að hann hafi beðið í 3 vikur en fengið flutninginn á 100.000 frá Bandaríkjunum sem er mjög gott.

Nánari upplýsingar um aðflutningsgjöld er að finna á www.tollur.is og www.althingi.is

JHG

Mal3 fyrir 21 árum, 11 mánuðum

Jahérnahér.

Las þetta nú ekki í gegn en grunar að það mætti finna þessu betri (og varanlegri) stað en korkinn.

Best að fara að huxa :D Viltu lesa meira af <a href="http://thisgeeksworld.blogspot.com“target=”blank“>nöldrinu</a> mínu?

”I love the smell of Optimax in the morning…" - Richard Meaden, Evo #051

Fyrra álit

JHG fyrir 21 árum, 11 mánuðum

Mér fannst þetta passa undir spurt og svarað. Ég held að þetta sé ekki nógu skemmtilegt málefni til að gera það af grein :/

Annars þá vitið þið best hvað passar hvar :)

JHG

Fyrra álit

Mal3 fyrir 21 árum, 11 mánuðum

En það er búið að tala lengi um FAQ. Ég ætla samt að bíða eftir að heilinn vakni áður en ég fer að hugsa dýpra ;) Viltu lesa meira af <a href="http://thisgeeksworld.blogspot.com“target=”blank“>nöldrinu</a> mínu?

”I love the smell of Optimax in the morning…" - Richard Meaden, Evo #051

Fyrra álit

JHG fyrir 21 árum, 11 mánuðum

Jamm, þá get ég gert copy/paste þegar það kemur :)

JHG

Fyrra álit

Dune fyrir 21 árum, 11 mánuðum

ég hef verið að velta einu fyrir mér í sambandi við innflutninginn. Ef maður kaupir bíl af einstaklingi úti; Hvernig þarf maður að sanna kaupverðið. Ég á ættingja úti sem eiga bíl og voru að bjóða mér að taka hann með heim fyrir lítið. Þetta er Mazda 626, sem keypta var fyrir ári síðan á 7.000 þýsk mörk (þá ca. kr. 300.000) Nú er bíllinn ári eldri og þyrfti ég kannski að greiða fyrir hann 100.000 … Hefur tollurinn hér eitthvað viðmiðunarverð á bílum þegar salan fer ekki fram í gegnum löggilta bílasölu úti?

kveðja
DON ———————————–
clean desk is a sign of a sick mind

———————————–

Fyrra álit

JHG fyrir 21 árum, 11 mánuðum

Þú þarft að sína einhverja pappíra frá þeim sem þú keyptir bílinn af. Það eru alltaf gerðir kaupsamningar hvort sem það er einstaklingur eða fyrirtæki.

Tollurinn fær sendar bækur frá erlendum tollyfirvöldum og fyrirtækjum sem sérhæfa sig í að taka saman tölur yfir meðalverð nokkrum sinnum á ári. Ef verðið er mjög frábrugðið þá leita þeir af skýringum, það gæti verið að bíllinn væri skemmdur, hafi verið stolinn og keyptur af tryggingarfélagi eða eitthvað þvíumlíkt.

Það borgar sig allavegana ekki að fara með einhvern skáldskap sem er alveg útúr kortinu (er alls ekki að segja að þetta dæmi sé svoleiðis, gildir almennt) því að þeir sem fara yfir tollpappírana vita hvað þeir eru að gera.

JHG

Fyrra álit

Einzi fyrir 21 árum, 11 mánuðum

Þú virðist vera vel að þér í þessum innflutingsreglum JHG.

Endilega skrifðu grein. Hér er nokkuð sem hægt væri að taka fyrir. Leggjast yfir lagabókstafinn og grúska ;)

1. Hvaðan?
Ef menn vilja notaðan Amerískan eða Þýskan þá er svarið augljóst en ef ætlunin er að flytja inn japanskan. Hvar er besta verðið. Hvar eru bílar ódýrastir, Í hvaða landi eru lægstir tollar og innflutingsgjöld á performance bíla. (Þar ættu þeir væntanlega að vera ódýrastir samanber að bílar eru dýrir í Danmörku því þar eru há gjöld)

2. Flytja inn nýjan.
Ef maður er svo nutz að ætla að kaupa nýjan. Er ekki hægt að kaupa bíl Taxfree einhversstaðar úti og flytja hann sjálfur inn og kannski spara einhvern aur. Lítil umboð eins og hérna heima smyrja svo á þetta.

3. Flytja inn bíl sem er tjónaður til að setja á götuna.
Ef það er ætlunin þá borgar maður toll og skatt af bílum eins og venjulega en er ekki komið inn að maður þarf líka að borga vörugjald af áætluðum kostnaði við að laga bílinn á Íslandi.
Vinur minn þurfti þess. Það hljóta að vera til reglur um þetta.

4. Flytja inn bíl sem er tjónaður til að nota í varahluti.
Hvernig er tollur og skattur af bílum sem ætlunin er að fari ekki á götuna hér. Fellur það inn í flokk með notuðum varahlutum eða… T.d. er ég að hugsa um í þessu tilviki möguleikann á að flytja inn haugveltan STi og henda draslinu yfir í 1800 GL boddý eða eitthvað svoleiðis. Eða grófara eins og einhver gerði. Flutti inn tvær corvettur, eina vel haugaða að framan og hina að aftan. Fékk þær á slikk og skeytti þeim saman í eina ;)

5. Ef maður hefur átt bíl úti í meira ein ár þá má maður flytja hann heim tollfrjálst. Er það ekki?. Hverja eru reglurnar í þessu.
Hverjar eru reglurnar hér. Þarf maður að hafa lögheimili úti eða má maður geyma bílinn hjá einhversstaðar úti og kíkja í heimsókn á hann og fara á track-viðburði og svoleiðis og flytj'ann svo heim að ári loknu.

6. Ef maður fer með bílinn út með Norrænu og kaupir í hann tjúnndót, felgur, dekk og annað namminamm. Er maður þá að svíkja toll og skatt í þröngum skilningi þegar komið er heim úr “fríinu” með góssið ? Bíllinn er notaður og nýju varahlutirnir notaðir og orðnir hluti af bílum eða hvað má ganga langt í þessu. Á með réttu að borga af virðisaukningu bílsins eða hvað??

Man ekki meir núna.

kveðja
Einzi

Fyrra álit

JHG fyrir 21 árum, 11 mánuðum

Ég hef nú ekki svör við öllum þessum spurningum en ég svara því sem ég get.

3. Tjónabíll, þegar bíll er fluttur inn tjónaður þá fer hann í ákveðinn skattflokk í Ekju hjá Umferðarstofu. Til að losna við þann flokk þá þarf að skila inn aðvinnsluskýrslu og borga opinber gjöld af aðvinnslunni. Án þess að ég hafi kynnt mér það sérstaklega þá hef ég grun um að bíllinn komist ekki á skrá fyrr en hann fer úr þessum flokk.

4. Það á að vera hægt að flytja bíla inn sem varahluti, sá bíll (þ.e. það framleiðslunúmer) getur ekki fengið skráningu sem ökutæki hér á landi.

5. Tollfrelsi, þetta er ein langlífasta þjóðasaga um gjöld af notuðum bílum. Hún er ekki rétt. Ef þú kaupir bíl úti og átt hann í eitt ár þá mátt þú fyrna kaupverðið um ákveðna prósentu á mánuði (man ekki hve mikið).

6. Ef því er ekki framvísað þá er í raun verið að smygla vörunni inn. Sama ef þú ferð í frí með flugi og tekur græjur yfir að mig minnir 18 þús í handfarangri og ferð með það í græna hliðið.

Hinsvegar er það nær ómögulegt fyrir tollyfirvöld að ganga úr skugga um það hvort bíllinn hafi verið á þessum dekkjum og felgum, hvað þá að hann hafi verið með forþjöppu.

Strangt til tekið ætti að borga af þessum hlutum eins og þeir væru fluttir inn sér og lenda þeir því ekki í sama gjaldflokk og ökutækið sjálft.

JHG

Fyrra álit

Bílar

Bílar

Ofurhugar

Stjórnendur

Hverjir eru inni

Korkar - Spurt & svarað

Aðflutningsgjöld af bílum, skýringar og dæmi

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi