Þekki coupeinn ekki. 406 sedan er prýðisskemmtilegur bíll og Coupe er næstum jafn skemmtilegur víst. Mér finnst bara ekki passa við bílinn né verðið að hann sé ekki kraftmeiri…

Ef þú getur teygt aðeins á verði veit ég um tvo mjög ólíka en mjög girnilega sem gætu verið í boði:

Toyota MR2 '00 hefur sést á tilboði á 1.7 millur. Þetta er það sem ég myndi kaupa ;)
Fiat Coupe Turbo 20v hef ég séð með ásett verð 1750þ. svo þú ættir að geta prúttað hann niður um jafnvel slatta. MJÖG flottir bílar með hrúgu af sjarma og gaman að keyra þá víst líka. Held að aftursætið sé jafnvel fólki bjóðandi! Svo hefur hann það fram yfir 406 að vera með túrbó fimmu sem skilar afli á við Impreza Turbo. (Gætir líka skoðað eldri Imprezur!)

Svo er til slatti af Citroën Saxo VTS. Færð varla sneggri og snaggaralegri nýlegan bíl fyrir svona lítinn pening.

Ég veit ekki hvort þessi eina Ford Puma 1.7 sé enn til sölu en hann var á þínu verðbili og ábyggilega brilliant bíll. Ég myndi hiklaust taka hann fram yfir Saxo og myndi skoða hann alvarlega gagnvart hinum tveim.<br><br>Viltu lesa meira af <a href="http://thisgeeksworld.blogspot.com“target=”blank">nöldrinu</a> mínu?

* FIRST I MUST SPRINKLE YOU WITH FAIRY DUST *

Vinnufélagi minn er á svona 4 cyl og eina sem hann hefur út á hann að setja er máttleysi og benzíneyðsla. Sá bíll er sjálfskiptur og segist hann vera að eyða ca 15 innanbæjar.<br><br>[SPD]Séra Jón

Þakka þær pælingar sem hafa komið fram!

Sýnist 406 bíllinn vera c.a. það sem ég bjóst við - semsagt ágætis bíll sem vantar upp á aflið. Það er bara það sem ég er að leita að næsta sumar, vantar bíl sem er já á bilinu 1-1,5 milljón. Þarf að eiga hann í eitt ár og eiga síðan tiltölulega auðvelt með að losna við hann til að fara upp um milljón í bíl.

Freistingarnar sem settar hafa verið hérna fram eru töluverðar, þ.e.a.s. ef maður teygir sig smá varðandi verðið. Málið er bara það að ég vil frekar kaupa tiltölulega eyðslugrannan bíl sem ég nýt þess þó að einhverju leyti að keyra og fara síðan upp í bíl sem mig virkilega langar í sumarið eftir.

Þá erum við að tala um bíla eins og MR-2 sem er að fá hreint út sagt brilliant dóma (hlýja mér enn við lesturinn úr Evo) eða Miata (bíll sem hefur alltaf heillað mig) og kaupa þá mjög nýlegan bíl - frekar en að vera að versla frekar aldraða *hóst*gula*hóst* slíka bíla núna strax á viðráðanlegu verði.

Einhverjir (þó ekki hér) hafa bent mér á að versla bara Opel Astra, VW Golf, Polo, Toyota Corolla eða eitthvað sambærilegt þangað til næsta ár en það kemur svo engan veginn til greina! Einhver innkaupkerra er ekki eitthvað sem ég ætla mér að rúlla um á í heilt ár og er ég því að leita að einhverju millistigi þangað til maður getur farið að láta drauma rætast - finnst 406 Coupe uppfylla ýmislegt til þess og ég hef alltaf verið dálítið svagur fyrir því franska, skemmir ekki fyrir ;)

Bebecar - ég samhryggist þér mikið fyrir að þurfa að selja bílinn! Þetta er æðislegur bíll og þvílíkt eintak hefur maður varla séð.

Þakka ráðin og held áfram að pæla í þessu, læt ykkur vita um stöðu mála síðar eða jafnvel kem með frekari spurningar varðandi aðra bíla. Eitt er víst - fyrr en síðar mun maður láta sjá sig á einhverju afturhjóladrifnu með tuskutoppi sem fær blóðið til að renna ;)