givar bendir á að notaðir bílar hjá Brimborg stoppi stutt við og Mal3 spyr hvernig geti staðið á því?

Við viljum meina að það sé ekki tilviljun heldur niðurstaða margra ára vinnu. Forsendan fyrir þessu er sú að við lítum á notaða bíla sem ákveðna vöru, vöru sem er nákvæmlega jafn merkileg og nýir bílar eða eitthvað annað sem við seljum og þjónustum. Því þarf að hugsa jafn vel um þennan markað eins og annan.

Undanfarin 3 ár höfum við unnið markvisst að því að ná þessum árangri og höfum notað ferli sem upprunnin eru frá UK. Breski markaðurinn er einhver sá þróaðasti bæði hvað varðar nýja og notaða bíla. Við tókum þá ákvörðun fyrir þremur árum að fylgja í einu og öllu ferlum sem virka vel í Bretlandi. Niðurstaðan er sú núna að lager Brimborgar í notuðum bílum er í lágmarki(í dag um 70 bílar) þrátt fyrir að sala nýrra bíla hjá Brimborg hafi vaxið gífurlega. Samsetning lagersins er mjög góð og elstu bílarnir eru 2 og voru þeir teknir uppí í ágúst 2002.

Hér koma atriði sem skýra að einhverju leiti þennan árangur:

Notaðir bílar koma jafnt og þétt inn í sölu en stoppa stutt við, allir bílar sem koma í sölu eru yfirfarnir og gert við ef nauðsyn krefur og gæði þeirra þannig tryggð en auðvitað m.v. árgerð og akstur, húsnæði sem var sérhannað fyrir bílasölu og byggt á hagkvæman hátt minnkar kostnað, birgðahaldskostnaður eins og vextir og fleira hefur minnkað vegna hins mikla veltuhraða sem leiðir til þess að við getum boðið viðskiptavinum okkar betri kaup sem aftur leiðir til aukinnar sölu sem leiðir til enn meiri veltuhraða sem leiðir til þess að við getum boðið viðskiptavinum okkar enn betri kaup o.s.frv., o.s.frv.

Þjónusta og umgjörð skiptir líka máli og t.d. er auðvelt að skoða alla notaða bíla innanhúss hjá Brimborg hvort sem um vetur eða sumar er að ræða. Þetta tryggir öryggi viðskiptavina okkar.

Þetta hljómar vel á blaði og sýnist kannski einfalt en krefst stöðugrar yfirlegu og umhyggju en er frábært þegar maður er kominn á leiðarenda (ef leiðarendinn er yfirleitt til í þessum geira). Verðlaunin er aukin sala og ánægðir viðskiptavinir.

Ég vil í lokin nefna að hluti af þessu öllu er rétt verðlagning. Brimborg endurmetur söluverð á notuðum bílum sem eru í sölu hjá fyrirtækinu á hverjum degi og eiga allir notaðir bílar hjá Brimborg að vera verðlagðir í samræmi við Bíló. Þetta er í raun sama hugmyndafræði og hjá Bónus og fleirum í matvörugeiranum þ.e. að vera stöðugt skoða verðlagningu vörunnar okkar. Viðskiptavinir okkar mega t.d. treysta því 100% að ef Brimborg auglýsir útsölu þá er verðlækkunin frá réttu verði í Bíló. Hvet ég alla Hugara til að skoða þetta næst þegar Brimborg auglýsir lækkað verð.

Brimborg
Egill Jóhannsson

HÆTTU! HÆTTU!

Þú drepur mig úr hlátri!!! :D<br><br>Viltu lesa meira af <a href="http://thisgeeksworld.blogspot.com“target=”blank">nöldrinu</a> mínu?

* FIRST I MUST SPRINKLE YOU WITH FAIRY DUST *