held það sé hálf tilgangslaust að vera með einhverja voða bensíndælu fyrr en að maður sé kominn með almennilegt púst, loftsíu og kambása og svo fram vegis.

veit ekki með þessii kerti, 1, 2 hp kannski
væri ekki frekar málið fá sér almennilegt háspennukefli?<br><br>“sex should be like driving a
Honda…slow, obscene and loud
enough for the neighbors to hear.”

Sæll Refur,

eins og aðrir hafa nú þegar sagt er lítið að græða á nýjum kertum. Bensínadæla mundi ekki gera neitt fyrir þig heldur, hún færi ekki að koma að gagni fyrr en þú værir búinn að gera ýmsar aðrar breytingar áður.

Afl vélar ræðst af því hversu miklu af bensíni og lofti hún getur dælt í gegnum sig. Lofti og bensíni er blandað í réttu hlutfalli, afl vélarinnar ræðst svo eins og áður segir af því hvað þú getur neytt hana til að brenna miklu af blöndunni. Það sem ég mæli með sem fyrsta skrefi er stærra pústkerfi, og þá er ég ekki að meina einhvern stóran hljóðkút aftast í kerfið sem gerir ekkert nema auka hávaðan af pústinu. Best væri ef þú gætir fengið ca. 1 - 2cm víðara pústkerfi frá pústgreinum. Þar sem bílinn er ekki með forþjöppu þá færiru að tapa afli á lágum snúning ef þú ferð að stækka pústið mikið meira en þetta. Hvarfakútar eru dýrir, og hvarfakútar sem hafa litla mótstöðu (high flow) eru eflaust ennþá dýrari. En ef þú ætlar að koma Benzanum í gegnum skoðun þá verður þú að hafa hvarfakútinn undir. Þú getur því fengið þér pústkerfi þar sem auðvelt er að taka hvarfakútinn undan og setja hljóðkút (eða beinan stút) í staðinn. Þannig gætir þú sett gamla kútinn undir þegar þú ferð með bílinn í skoðun, og tekið hann svo aftur undan til að fá aflið. Ég vil þó taka það fram að þetta er ólöglegt.

Þegar þú ert kominn með stærra púst er kominn tími til að huga að innönduninni. Nú þekki ég ekki vélina í bílnum þínum, en í flestum bílum er hægt að gera einfaldar breytingar til að minka mótstöðu í loftinntakinu. Þetta er til dæmis hægt að gera með víðari leiðslum að og frá loftsíu. Margir hafa einnig farið út í að setja óvarðar keilulaga (e. cone) síur á loftinntakið og losa sig alveg við boxið sem upprunalega loftsían situr í. Ef þú gerir þetta þá skaltu samt passa að loftsían sitji á stað þar sem kalt loft leikur um hana, því kalt loft er mun þéttara en heitt og er því hægt að blanda það meira bensíni=meiri kraftur.

Þar með eru auðveldu og ódýru breitingarnar búnar.

Ef þú átt meiri peninga og vilt halda áfram, þá mundi ég byrja á að finn mér góðan tölvukubb. Þeir eru frekar dýrir, en skila sínu. Sá tölvukubbur sem nú er í bílnum þínu er hugsaður fyrir meðal bílstjóran sem vill að bensíneyðsla sé í lágmarki og vélin er því langt frá því að vera að skila því mesta afli sem hún getur í þeirri uppsetningu sem hún er í núna.

Áður en lengra er haldið mundi ég ráðleggja þér að bæta fjöðrunina og kanski fá þér öflugri bremsur, svona til að ráða við kraftinn. Alltaf að vera viss um að maður sé fljótari frá 100 í 0 en frá 0 í 100.

Næst mundi ég segja að væri um tvennt að velja, heitari knastása, eða að porta heddið (bæði betra samt). Þegar hingað er komið er rétt að athuga hvort bensíndælan ráði við svona mikið aukið bensínflæði. Þessar breytingar eru samt mjög dýrar og það borgar sig engan veginn að fara í þær á bleikum A160 benz. Þú færð aldrei þá peninga til baka sem þú leggur í þetta ef þú ætlar að selja hann einhverntímann. Ef þú hinsvegar ætlar þér að eiga bílinn og keyra hann út, þá segi ég bara gangi þér vel.

Að lokum vil ég benda þér á að það að tjúna bíla (auka aflið) hefur ýmsa fylgikvilla. Aukna bensíneyðslu, aukið slit á dekkjum og bremsuklossum, (og þegar lengra er komið) brotna gírkassa, ónýtar legur í drifbúnaði og almennt helling af ófyrirséðum kostnaði. Svo er það líka ávanabindandi og alveg rosalega skemmtilegt.<br><br>———————————————-
Fat bloody fingers are sucking your soul away