Ég var tekinn á 106 rétt hjá Blöndósi… Helvítis aulaskapur að hægja ekki meira á sér þar sem að löggan þar er alræmd um allt land! 106 er enginn hraði!

Ps. Mig vantar líka radarvara ;)

Þér hefur ekki dottið í hug að keyra bara á löglegum hraða?

Löggan lætur mann yfirleitt í friði ef maður er minna en 20 yfir þar sem er 60 eða 70, og 15 yfir annarsstaðar.

Þú ert 40,4 sekúndur að fara kílómetrann á 89 km/klst en 36,7 sekúndur á 98, það þýðir að til að græða heila mínútu þarftu að keyra 16 kílómetra…

Hámarkshraðinn er kannski of lágur á þessum stöðum en maður veit náttúrulega hver hámarkshraðinn er og þess vegna veit maður alveg upp á sig skömmina ef maður fær sekt. Þess vegna geturðu ekki sagt að þessar sektir eigi ekki rétt á sér. Þú tókst sénsinn á að keyra hraðar en þú máttir og þeir nöppuðu þig. Passaðu bara að halda þig undir 90 þar sem hámarkið er 70 og þá munu þeir líklega láta þig vera eða alla vega færðu lægstu sekt.

Ég hef sloppið við allar sektir og er það vel. ég ek hinsvegar sjaldan á löglegum hraða, alltaf aðeins yfir. Hins vegar þá eru staðir sem ég passa mig sérstaklega á og þar ek ég hægar. Staðirnir hafa það allir sameiginlegt að ég hef séð löggu mæla þar eða að félagi hefur verið sektaður. Veður spilar líka aðeins inní.

Löggan virðist vera nokkuð föst við þessa staði og því hefur þetta gefist vel en nú er komin ný ógn sem veldur því að enn fleiri staðir koma til skjalanna. Á þessum stöðum eru ekki löggur heldur myndavélar. Þessi tæki vinna sína vinnu vel og í öllum veðrum.

Ómerktir lögreglubílar valda mér samt mestum ótta því þeir sjást illa, geta komið aftan að manni og þeir geta farið allsstaðar. Hef einu sinni verið stöðvaður af Ó.l. fyrir að vera ekki í belti en það er langt síðan.

Þessi löggæslutæki hafa meir og meir valdið mér kvíða og munu á endanum gera mig að mjög öguðum ökumanni en þangað til reyni ég að komast hjá þeim.

P.S. 90 úti á landi! bíll á móti bíl HALLÓ!!!!

Eins og einhver benti á þá er málið bara að fara ekki meira en 20 yfir hámarkshraða (gildir EKKI í Kópavogi) og ekki yfir 100 þar sem má vera á 90.

Það var sagt við mig þegar ég keypti Transaminn (ca 1998) að ég yrði ekki lengi að missa prófið á honum.

Ég hef aldrei fengið hraðasekt (samt nokkrum sinnum verið stoppaður, m.a. eitt sinn á 120 :) en ég hef (að mestu ;) haldið mig við þessa reglu (hef aldrei átt radarvara).

Annars man ég að þegar ég var að keyra leigubíl (oft keyrt hratt í helgakeyrslunni) þá fengum við yfirleitt að vera í friði. Stundum ákvað löggan að minna á sig og þá heyrðist um leið í stöðinni “það er verið að taka leigubíla”. Við það hægði allur flotinn á sér og allir sem sáu löggu að mæla tilkynntu það í stöðina. Við verðum kannski að fá okkur stöðvar ;)

JHG

Ég var tekinn á Nýbýlaveginum fyrir nokkru. Klukkan var rétt rúmlega 12 að miðnætti á laugardagskvöldi og ég var að fara heim. Þegar ég var að koma að Toyota umboðinu eru það félagar mínir sem voru með mér í bílnum sem tóku eftir bláum ljósum ég fattaði ekki strax að þeir væru að taka mig! Ég ver ekkert að spýtta í eða neitt þannig en þeir tóku mig á 77 km/h þar sem hámarkshraðinn er 50km/h. Það kostaði mig 25 þúsund svo var ég með kveikt á kösturum og það gerði 5 þúsund. Þannig að ég fékk 30 þúsund króna sekt fyrir þetta sem er einmitt sama upphæð og lægsta sektin fyrir ölvunarakstur.
Þeir komu til mín og sögðu “Þú finnur kannski ekki fyrir hraðanum í þessum bíl” (BMW 523iA '97) en þú fórst heldur hratt.
Það er spurning af hverju menn eiga að einbeita sér og hvar vandamálin liggja í umferðinni. Ég var frekar fúll að vera tekinn í iðnaðarhverfi seint á laugardagskvöldi af löggum sem lágu í leyni.
Kópavogslöggan er víst mjög slæm í þessum efnum.
Þessi aðgerð lögreglu hefur ekki valdið neinum breytingum í aksturslagi mínu.

Kaupið ykkur vara í guðanna bænum. Varinn þarf ekki nema að vara þig einu sinni við og þá er hann búinn að borga sig.
Ég keyri ekki mjög hratt (miðað við marga aðra(ég veit að það er enginn afsökun)) en ég nota radarvarann alltaf og hef aldrei verið stöðvaður. Málið er að það er hellingur af stöðum þar sem leyfilegur hámarkshraði er of lár og maður keyrir hraðar en leyfilegt er. Þar vill maður alls ekki láta stoppa sig.
Ég mæli með dýrasta Whistler (hann tekur myndavélarnar) frá Aukaraf, nýja Escortinum sem fæst í Nesradio og auðvitað þeim besta: Valentine One frá Benna en hann kostar FREKAR mikið (50 þús.).

Þegar ég las þessa grein í gærkvöldi, hugsaði ég að þið eruð bara eintómir glannar. Ég hafði nefnilega aldrei fengið hraðasekt á 6 árum, samt keyrt oft hratt og ekki með radarvara.

En svo fór ég útá Leifstöð að ná í vin minn sem var að koma frá útlöndum. Ég var á bílnum hans, Toyotu Carina e sem ég hafði verið að passa, og á Reykjanesbrautinni þegar ég var að keyra framhjá sirka Smáralind lá Löggan í leyni, skaut á mig og mældi mig á 97. Það er 70 kílómetra hámarkshraði og kannski hálfvitaskapur í mér að vera að fara svona hratt. En klukkan var 00:30, það var nákvæmlega engin umferð og ég að flýta mér + það að það eru geðveikar græjur í bílnum hans og það hefur eitthvað æst mig upp. Svo var ég með kastarana á, sem Kópavogslöggan þolir greinilega ekki.

Ómerktu bílarnir hræða mig mest útá vegum. Þeir eru með dökkgrænan Legacy og annan dökkbláan. Það má þekkja þá í mikilli nálægð, því það eru blá ljós í grillinu á þeim og mjög dökkar rúður aftur í. Svo eru þeir örugglega með fleiri sem ég veit ekki um. Í Húnavatnssýslunni fer maður ekki upp fyrir 100-105, því þeir eru allstaðar, með Legacy og Trooper. Annarstaðar á landinu er maður bara nokkuð seif, það er bara reynsla mín að sjá ekki löggubíl á landsbyggðinni nema í Húnavatnssýslu. Ég fór hringveginn með fjölskylduna í sumar og vestfirðina líka. Sáum einn löggubíl á Grundarfirði, löggan á honum var innií sjoppu að fá sér pulsu. Svo voru þeir á sveimi í Húnavatnssýslu, maður passaði sig þar. Annars sá ég varla löggu bregða fyrir, nema helst í sjoppum þar sem þeir voru að næra sig.

Annars get ég sagt sögu af Löggunni á Vopnafirði, en þar eru bara asnar að mínu mati. Þjóna Vopnafirði og næsta bæ líka. En svo gerðist það fyrir 2 árum að Löggan fór á Patrol löggujeppanum á Egilsstaði til að sækja frænku sína á flugvöllinn þar, hann valt hinsvegar og eyðilagði löggubílinn. Mjög mikil embættisferð að fara á löggubíl að ná í frænku sína á flugvöllinn :Þ

En að láta taka sig 61 km hraða í Kópavogi það er hlutur sem ég mundi aldrei halda að mundi gerast og koma fyrir mig enn samt það gerðist.
Þar að auki eru flest allir hraðamælar með + - 10-20 km skeggjumörg

Ágætis samanburður hér á radarvörum – Valentine One er ekki að fá of góða einkunn…. http://www.radartest.com/DS4HEM.html

Ég var tekinn á 65 og missti prófið í mánuð, hversu hlægilegt er það? Þetta var í Hamrahlíðinni (rétt hjá MH) en hámarkið þar er 30. Það fyndnasta er að nokkrum vikum síðar kom fréttatilkynning frá lögreglunni í reykjavík ef ég man rétt um það að hún vildi að hámarkshraði yrði hækkaður á ýmsum stöðum í Reykjavík. Ýmsar götur voru taldar upp, og viti menn, Hamrahlíðinn var þar á meðal.
Það ömurlegasta er að mestu geðsjúklingarinir sleppa alltaf (allavega of oft) og þá er ég að vitna í þann sem sagðist ekki geta hægt á sér NEMA niður í 130-140 þegar hann væri á 180-200, komm on!!

hvar er þessi sektartafla löggunar??