siggiandri fyrir 22 árum, 7 mánuðum Fjöldi lestra: 980

BIFREIÐATRYGGINGAR

Mér er farið að leiðast þessi rányrkja sem að tryggingafélögin eru með gagnvart þeim tjónlausu ökumönnum sem nú aka um göturnar. Ég er einn af þeim sem er með flekklausan feril hjá tryggingafélugunum en samt er maður látinn borga 130 000 krónur af tveimur litlum bílum á ári eftir 15ára tjónlausan feril. Og svo er reynt að telja manni trú um það að ég sé með hæðsta mögulega bónus sem fáanlegur er eða 75%. Hvað ef ég væri að tryggja bíl í fyrsta sinn væri þetta þá fleiri hundruð þúsund ég bara spyr. Auðvitað er eðlilegt að maður borgi tryggingar eins og aðrir en er ekki líka eðlilegt að fólk sé verlaunað ef að það hefur tjónlausan feril að baki í svona langan tíma. Mig langar endilega að fá fleiri í lið með mér og kanna hvort ekki megi semja við tryggingafélag ef að við mætum nógu mörg héðan af huga.is. Ég tel allavega rétt að láta á það reyna og endilega ef að einhver sem hefur faglega þekkingu bæði á trygginga málum og eins á neytenda málum og les þessa grein þá væri vel þegið að fá álit hinns sama nú og auðvitað sem flestra hér inni. Takk fyrir mig. SIGGIANDRI

Partytruck fyrir 22 árum, 7 mánuðum

Tryggingafélögin hafa víst verðlaunað tjónlausa ökumenn!!!!!

Pabbi var tjónlaus í 10 ár og fékk sjúkrakassa fyrir. Þvílík og önnur eins vitleysa að verðlauna fólk fyrir að lenda ekki í slysun eða óhöppum með því að láta það fá sjúkrakassa til að gera að sárum sínum eða annara. Þetta er eins og að segja “til hamingju með tjónlausann akstur taktu þennan sjúkrakassa með þér það verður keyrt á þig hérna á planinu fyrir utan”. Ég hugsa það að það hefði fallið í betri farveg hjá kallinum ef hann hefði fengið 10% afslátt af tryggingum á bílnum. Ég er ekkert nema sammála þér siggi en það er víst ekkert við þessu að gera nema að fara til þeirra og semja aðeins betur. Og svo sakar ekki að þekkja einhvern innanhús.

Fyrra álit

demonz fyrir 22 árum, 7 mánuðum

Partytruck: “Og svo sakar ekki að þekkja einhvern innanhús.”
Það er akkurat þetta sem maður hatar, ef einhver fáviti hefur lent í 7 slysum á sama ári þá er það bara allt lagi því að hann þekkir einhvern innanhúss.
Maður á ekkert að þurfa að þekkja einhvern innanhúss til þess að vera verðlaunaður.

Fyrra álit

lhg fyrir 22 árum, 7 mánuðum

Ég var með heimilistryggingu, húseigandatryggingu, bílatryggingu og kaskó á litlum bíl og þegar mér ofbauð reikningurinn á síðasta ári þá sagði ég upp tryggingunni minni og lét bjóða í mig. Allt í einu gat meira að segja gamla félagið mitt farið að bjóða mun betri kjör líka þegar þeir sáu að ég ætlaði að labba út. Reikningurinn lækkaði um 20%.

Ég mæli með að fólk geri þetta á hverju ári. Passa bara að þetta séu sambærilegar tryggingafjárhæðir og sjálfsábyrgð sem er verið að bera saman.

Fyrra álit

viceroy fyrir 22 árum, 7 mánuðum

(svo þú vitir fyrirfram þá er þetta svona smá ræða :D ekki meint til þín persónulega, heldur allra sem horfa á hlutina svona :) )

Skelltu þeim skuldum á ungu fíflin sem keyra eins og hálfvitar, þykjast kunna að keyra og hafa allt vald á bílnum sínum, sem er by the way bölvað kjaftæði.
Þetta er þessum gaukum að kenna. Allir að flýta sér, það er ekki hægt að keyra bara eins og fólk á að keyra.
Ef það væri gert þá yrðu mun minna um slys í umferðinni og þar af leiðandi ættum við að geta krafist þess að tryggirnarnar yrðu lækkaðar á þeim forsendum að slys hafi farið MJÖG fækkandi.
Á meðan þetta er svona, skaltu þú bara bíta í hið súra og borga þínar krónur eða taka strætó.
En svona verður þetta á meðan fíflin aka um götur borgarinnar.

ViceRoy

Fyrra álit

Elektra fyrir 22 árum, 7 mánuðum

Jamm, mamma hefur verið tjónlaus í 30 ár og hún fékk viðurkenningu.. svona límmiða fá Sjóvá-Almennum sem stendur á “fyrirmyndarökumaður” og 5 stjörnur.

Svona 2 vikum seinna fór í gang leikur hjá Sjóvá-Almennum og Olís og allir gátu fengið samskonar miða til að setja á bílinn sinn nema að í staðinn fyrir stjörnurnar 5 var Olís-merki.

Jamm, þeim er umbunað sem eru tjónlausir ;)

En án gríns þá er ég sammála.. þetta er fáránlegt kerfi.

Elektra Katz

Fyrra álit

lhg fyrir 22 árum, 7 mánuðum

Foreldrar mínir fengu eldvarnarteppi sent frá TM. Þau voru ekki einu sinni búin að hengja það upp kannski viku seinna að það kviknaði í sjónvarpinu og það kom í góðar þarfir :)

Fyrra álit

[Notanda eytt] fyrir 22 árum, 7 mánuðum

Ég er búin að vera tjónlaus í 13 ár, en konan mín hefur lent tvisvar í smá nuddi. Tryggingafélögin taka þig gjörsamlega í ra…..ið ef þú ert í órétti. Maður borgar formúgu í tryggingar og ég tel mig vera að borga fyrir ákveðna þjónustu sem tryggingafélögin veita svo ekki. Tryggingaskilmálarnir eru gjörsamlega einhliða og maður hefur ekkert um það að segja. Ég veit ekki betur en að einhliða svo ég tali nú ekki um samhljóða samningar á milli viðskiptavina séu ólöglegir. Þetta er sama og með bankana, og það var verið að gefa þeim bágt fyrir það.

Ég ætla að taka ábendingunni um að láta bjóða í mig. Heildarpakka á tryggingum, það hjálpar þá að vera ekki með bílalán hjá tryggingafélaginu;)

Fyrra álit

JHG fyrir 22 árum, 7 mánuðum

Verð á tryggingum er óheyrilega hátt hér á landi.

Þegar FÍB bauð bílatryggingar töluvert undir verði hinna þá lækkuðu hin félögin sig mikið. Hvað gerðu neytendur? Þeir brugðust hraparlega. Í staðinn fyrir að fylkja sér á bakvið FÍB tryggingu þá héldu þeir áfram hjá sama félagi þar sem að það var nú farið að bjóða svipuð kjör.

Svo dettur FÍB trygging út, hvað gerist, allt í einu snarhækka tryggingar.

Ég tryggi tvo bíla sem eru væntanlega í háum áhættuflokk vegna vélarstærðar. Fyrir þessa tvo bíla borga ég 112.000 á ári (ekki kaskó) og það er með 75% bónus og 10% afslætti. Ég borgaði ~35.000 hjá FÍB og var þá með lægri bónus, háum áhættuflokk vegna ungs aldurs og enginn afsláttur.

Ef neytendur hafa ekki vit á að styðja við virka samkeppni þá ferst þeim ekki að kvarta.

JHG

Fyrra álit

[Notanda eytt] fyrir 22 árum, 7 mánuðum

Ég er alveg sammála þér í þessu. En t.d. eins og þegar FÍB kom í þessi tryggingamál, þá var það ósk mín að geta skipt, en þar sem ég var með bílalán á bílnum mínum frá mínu tryggingafélagi þá var það hægara sagt en gert. Lánið er bundið því að maður sé með kaskó tryggingu hjá þeim. Núna hvílir hinsvegar ekkert á núverandi bíl þannig að ég get farið hvert sem ég vil. Einnig held ég að svona hópar eins og við sem erum að spjalla hér eða t.d. L2C ættu að semja við FÍB fyrir hönd félaga sína. Þetta apparat virkar nefnilega nokkuð vel hjá þeim í FÍB. Og mér finnst þeir hafa staðið sig með ágætum í gegnum tíðina.

Fyrra álit

stakka fyrir 22 árum, 7 mánuðum

Það sannast bara aftur og aftur í fákeppni leifist okur.

Þið vissuð kannski ekki að Sjóvá á stóran hlut í TM tryggingum?

Fyrra álit

lhg fyrir 22 árum, 7 mánuðum

Ég vissi það ekki en samt eru þetta þau félög sem buðu best í mig í fyrra. Þeir hafa væntanlega eitthvað þak eða öllu heldur gólf sem þeir mega ekki fara niður fyrir en annars eru þetta sölumenn sem reyna að selja sem flestar tryggingar og fá líklega einhvern bónus í vasann ef vel gengur. Þeir hugsa ábyggilega ekki þannig að það skipti engu máli þegar þeir missa kúnna vegna þess að fyrirtækin hafa sömu eigendur.

Fyrra álit

Partytruck fyrir 22 árum, 7 mánuðum

Welcome to Iceland demonz.

Svona er þetta nú bara og sama hvað þú vælir undan klíkuskap þá breytist þetta aldrei og það eru ekki bara tryggingafélögin sem þetta á við.
Við erum því miður svo nýlega flutt úr torfkofunum að það verða mörg ár í það að það verði gert eitthvað í þessu.

Annað dæmi:
Þú labbar inn í varahlutaverslun og ert að kaupa spliff í bílinn þinn. Þú kannast aðeins við sölumannin af því að þú seldir harðfisk fyrir sama fyrirtæki og hann og þið hittust alltaf um mánaðarmótin. Hann setur á þig auka-afslátt frá FÍB og Ferðaklúbbnum 4x4, hvað gerirðu.
Reyndu ekki að sannfæra neinn um það að þú sért svo samviskusamur og heiðarlegur að þú afþakkir afsláttinn, svo kemur gaurinn sem lennti 7 sinnum í tjóni á einu ári og fær ekki neinn afslátt.
Þetta er bara svona þannig að það er ekki til neins að væla yfir þessu.

Fyrra álit

JHG fyrir 22 árum, 7 mánuðum

Það er alltaf gott að fá “fjölskylduafslátt” :)

Stundum fær maður svo líka 19,68% afslátt…. :D

JHG

Fyrra álit

krabbi fyrir 22 árum, 7 mánuðum

það er svolítið gaman af þessum tryggingum og þessu “bónuskerfi” svokallaða, það eina sem þetta blessaða bónuskerfi bíður upp á og er alþekkt að fólk stingur af vettfangi,ef það bakkar á eða eitthvað svoleiðis smotterí.´“úpps þarna missi ég bónusinn minn það sá mig enginn best að láta sig hverfa”

Fyrra álit

[Notanda eytt] fyrir 22 árum, 7 mánuðum

Hvað er hægt að gera við t.d. hurðarskellum, það borgar sig ekki að láta laga þetta því maður fær fljótlega næsta skell, bíllinn hefur talsvert látið á sjá í vetur, tveir skellir í farþega hliðina og mér sýnist verstu stæðin vera þau sem liggja skáhallt á hlið. Fólk virðist gleyma sér sérstaklega mikið í þannig stæðum.

Sjáfur reynir maður alltaf að passa upp á þetta, en ég hef tvisvar misst hurð í bíl og í bæði skiptin þá stöðvaðist hún á speglinum á hinum bílnum sem skemmdist ekki en ég fékk dæld í mína rétt ofan við hurðaropnararnn.

Fyrra álit

siggiandri fyrir 22 árum, 7 mánuðum

Það má ýmislegt gera til að lækka tryggingakosnað. Það má til dæmis taka mið af þvi hvort maður aki um á 4 miljóna króna bil eða bara 2 til 3 hundruðþúsund króna bil. Þó að það tjón sem að ég gæti valdið öðrum sé mjög mikið sé ég á mjög ódýrum bíl þá lækkar allavega kosnaðurinn mjög mikið ef mitt ökutæki skemmist þvi það er svo ódyrt jú. Dæmi ef að 2 ökutæki lenda i árekstri hvort við annað og samanlagt verðmæti þessara bila er 4 miljónir þá er það nú annsi mikið tjón ef að borga þarf þessi ökutæki út ekki satt. Tökum annað dæmi 2 ökutæki lenda i árekstri og verðmæti þessara bila er ekki nema 800.000 þá er kosnaðurinn við að borga þessa bila út einungis um fimmtungur þess sem ég sýndi framm á með fyrra dæminu. En auðvitað er ég ekki að tala um líkamlegt tjón sem auðvitað getur alltaf átt sér stað við svona aðstæður heldur bara það tjón sem ökutæki verða fyrir. Mér þykir allveg eðlilegt að ég borgi helmingi lægri tryggingar af t.d. 1988 toyota heldur en 1998 toyota þvi ef að ég lendi i tjóni t.d. við nýan bens þá þurfa tryggingarnar jú alltaf að borga miklu minna fyrir tjón af eldri bilnum. Málið er sem sagt að ég get eyðilegt nýan bens á minni gomlu toyotu og þá þarf að sjálfsögðu min trygging að greiða það tjón. En ef við snúum þessu nú við og bensinn eyðileggur mina toyotu þá þarf hanns trygging að borga binn bil sem er takið eftir um það bil að verðmæti sem nemur tryggingar iðngjaldi ens árs með fullum bónus eða um krónur 60.000. þetta sýnir bara framm á það að það er miklu hagstæðara fyrir tryggingafélogin að ég aki um á mjög ódýrum bíl það lækkar jú áhættuna á mjóg dýru tjóni um helming. Svona kemur þetta mér fyrir sjónir allavega en eflaust eru nú sumir á öðru máli. siggiandri.

Fyrra álit

JHG fyrir 22 árum, 7 mánuðum

Það er logík í þessu nema sem nemur líkamlega tjóninu (sem er það dýrasta).

Ef þú hlýtur varanlega örorku þar sem að gamla Toyotan var ekki með líknarbelgi eða annan öryggisbúnað þá erum við farnir að tala um milljónir fyrir tryggingafélagið sem hefði KANNSKI verið hægt að komast hjá með dýrari bíl.

Ef við sleppum líkamlegu tjóni úr jöfnunni þá gengur þetta nokkuð vel upp.

JHG

Fyrra álit

taxi4you fyrir 22 árum, 7 mánuðum

Eitt langar mig að skjota inn i umræðu um tryggingafélögin her a klakanum.

Þannig er mal með vexti að eg geri ut rutur og leigubil og er tryggður hja Sjóvá með rutuna en Verði Akureyri með leigubilinn, einkabilinn og heimilið.

Vörður tekur ekki Rútur i tryggingar vegna hás endurtryggingaverðs

Ég var i makindum a rutunni i áætlunarferð en ekki með farþega þegar 75 ára gömul kona svínar fyrir mig (tryggð hja TM) og var hun heppin að það var abs i rutunni þvi eg næði að stýra örlítið frá henni þannig að ég lenti a framenda bils hennar en ekki i miðri hlið þannig að hun hefði sjalfsagt geispað golunni ef ekki hefði bjargað abs-ið. hun var a subaru legacy (þekkti hann a merkinu a skottinu) hun var buin að vera rettindalaus i nokkra manuði.
allt i lagi eg fekk leyfi til að leigja sambærilegan bil fra TM og gerði eg það vegna skyldu minnar að halda áætlun.
Ég fékk nákvæmlega eins bil á leigu og borgaði ég 550.000.- í leigu fyrir þessa 18 daga sem það tók TM að meta hvort þeir ættu að borga bílinn út eða gera við hann tjónið var metið á 1.500.000.- plús. í þessari millitíð buðu þeir upp bílinn sem þeir áttu ekki ennþá , væntanlega til að sjá viðbrögð kaupenda og til að minnka tap sitt á viðskiptunum með því að bjóða í bílinn skv því. fyrst buðu þeir í bílinn skv matsverði en vildu fá 10% staðgreiðsluafslatt því hafnaði ég svo buðu þeir 160.000.- uppí 550.000.- reykninginn vegna bilaleigunnar því hafnaði eg lika og sagðist fara i lögfræðing . Já gerðu það bara þú hefur ekkert út ur því sagði Árni (vinur) minn yfirmaður tjónadeildar hjá TM. Þess má geta að áðurnefndur Árni gerði út á að rífa kjaft og vera leiðinlegur þrátt fyrir að ég héldi mig á mottunni.
Málin enduðu þannig að ég fékk bilinn a matsverði og um 650.000 í dagpeninga með lögfræðikostnaði og öllu saman.

Lögfræðingurinn minn hafði eftir öðrum að tryggingafélögin hefðu menn eins og Árna á svimandi háum launum til að rakka niður fólk í þeim tilgangi að þurfa að borga minna í tjónabætur því þó allir strunsi út og segist fara með málið í lögfræðing þá geri það ekki nema einn af hverjum 10 í mesta lagi og það sem sparast í fyrstu 9 er bara brot af því sem fer í kostnað við þann 10 sem fór alla leið svo gott fólk látið ekki vaða yfir ykkur ef þið eruð í 100% rétti leitið lögfræðiaðstoðar eyðið ekki orku og þolinmæði í svona vitleysinga. lögfræðiaðstoð er ódýrari en þú heldur.

Munið bara þið báðuð ekki um áreksturinn og bíllinn var ekki til sölu afhverju þá að vera að tapa stórfé á honum.

Fyrra álit

taxi4you fyrir 22 árum, 7 mánuðum

þess má geta að ég borga 270,000 í tryggingar af rútunni á ári hjá Sjóvá og þegar ég leitaði til þeirra eftir hjálp var bara sagt við viljum ekki stríð við önnur tryggingafélög við erum ekki bótaskyldir talaðu við TM

takk fyrir ekkert fyrir 270.000.-

Fyrra álit

[Notanda eytt] fyrir 22 árum, 7 mánuðum

Ég er ansi hræddur um að ég sé einn af þessum 9 sem gefst upp. Ég hef lent í svipuðu með gaur hjá sjóvá sem var bara dóanlegur og með hótanir. Ég því miður tók þá ákvörðun að ég nennti ekki að standa í þessu. Ég mun hinsvegar skipta um tryggingafélag (veit ekki hvort það skiptir máli, en ég myndi vilja FÍB tryggingu ef hún byðist).

Fyrra álit

taxi4you fyrir 22 árum, 7 mánuðum

mæli með að fólk tryggi hjá tryggingafélagi sem heitir vörður á Akureyri 60 ára gamalt tryggingafélag sem hefur eingöngu verið með bátatryggingar þar til fyrir skemmstu. þeir eru m.a. með útibú í Keflavík og er mjög þægilegt að eiga við umboðsmanninn þar hann heitir Rúnar. síminn hjá honum er 421-6070 sem dæmi fór ég með leigubilinn til hans átti að borga 220.000 hjá sjóvá með fullum bónus en borgaði þá 146.000.- hjá verði er reyndar komið uppí 170.000.- núna en það þýðir 24ö-250 hjá sjóvá

Fyrra álit

[Notanda eytt] fyrir 22 árum, 7 mánuðum

Tryggja þeir eitthvað meira en bara bíla, semsagt fjölskyldu, hús og líf o.s.frv.?

Fyrra álit

taxi4you fyrir 22 árum, 7 mánuðum

allann pakkan eins og hann leggur sig

Fyrra álit

Bílar

Bílar

Ofurhugar

Stjórnendur

Hverjir eru inni

Greinar

BIFREIÐATRYGGINGAR

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi