Á því tímabili sem þú nefnir varðandi S-Type var E-Type augljóslega öflugasti Jaguar bíllinn.

BMW gefur 5,3 sek upp í hundrað fyrir M5 en ég hef séð tölur niður í 4,8 og tel ég því R-typuna ekki flengja neinn. Auk þess eru drög (fyrir arið 2004) að nýjum M5 sem mun vera með V-10 450 bhp (F1 technology) og einnig verður smíðuð ný grind úr áli sem verður í M5 og M6. Þetta bendir til þess að BMW-menn séu áhyggjufullir því R-type og audi rs6 eru ansi efnilegir.

Ég verð að taka undir það með ykkur hugverjar góðir að S-týpan er gullfalleg bifreið. En það eru nokkur atriði sem er hægt er að setja útá við hann, en það eru líka allmargir kostir í þessum bíl þannig að þetta jafnast allt út og útkoman er þessi glæsikerra sem við sjáum á myndum því að ekki eru þeir margir á götum Reykjavíkur.
Ég bý erlendis, og þar sem ég bý er sennilega eitt mesta samasafn af glæsilegum og dýrum bílum í heiminum, og á meðal þessarra bíla eru allnokkrar S-týpur. Það vill svo skemtilega til að mamma vinar míns á svona bíl, með V-8 vélinni.
En það sem ég vildi setja út á þennan bíl er ford V-6 vélin, þetta kemur óorði á svona lúxusbílaframleiðendur að vera með einhverjar svona Amerískar Plastvélar undir húddinu á bíl þar sem hvert smáatriði er útpælt. Mér finnst það að Jagúar ætti að bjóða bílinn bara með V-8 kostinum, Audi, Benz og BMW ættu líka að gera það. Fólk sem er að fá sér svona Jaguar með litlu vélinni út af því að það hefur ekki efni á stóru vélinni á einfaldlega ekki að kaupa sér Jaguar. Eins og maðurinn sagði, “ef þú þarft að spurja hvað bíllinn kostar(Jaguar í þessu tilfelli) þá hefuru ekki efni á honum”. Það er ansi mikið til í þessu, og þess vegna finnst mér það vera ein mestu mistök Jaguar fyrr og síðar að koma út með X-týpuna og reyna þarmeð að höfða til yngri og breiðari hóps. Þetta tekur allan sjarmann af bílnum. Hvernig mindi þér líða ef þú værir nýkominn á Jaguar XKR og einhver unglingur á X-týpu væri við hliðina á þér á ljósunum? Mig mindi langa til þess að fara og skila XKR bílnum mínum. Mercedes-Benz hefur gert þessi mistök með nýja C-coupe bílnum, en sá bíll er ljótur í þokkabót, ber þess einkenni að vera mazda.
En svo ég haldi nú áfram að setja út á S-týpuna er það að aftursætin eru pínulítil, miðað við keppinautana, þ.e. Audi A6 og MBenz E-class og BMW 5-series þá eru þeir með mun meira pláss í aftursætunum.
Annað er hvað hann eyðir miklu í hraðbrautarakstri, þú átt að geta gírað svona bíl lágt og þar með snúið honum hægt til að spara bensín á langferðum. Þetta atriði væri hægt að laga með því að setja stóran bensíntank, en Jaguarmenn klikkuðu á því og settu frekar lítinn tank.
En ég vil taka það fram aftur að Mér finnst Jaguar S-type vera gullfalleg kerra og það eru mun fleiri kostir en gallar við bílinn. Þetta voru bara þeir fáu ókostir sem ég sé við bílinn. Þegar maður er að tala um bíla verður maður að horfa á þá frá öllum hliðum og ekki forðast það að tala um ókostina og hvað mætti betur fara.
Lifi Jaguar.

Þetta er alveg geðveik kerra en ertu viss að hann flengi AMG bensann??