Það er búið að breyta þessum rallýbílum allt of mikið til að geta borði þá saman við venjulega umboðsbíla, önnur fjöðrun, annar gírkassi, annar undivagn, annað rafkerfi, aðrar innréttingar, aðrar bremsur, aðrar felgur, önnur lengd, önnur breidd, önnur þyngd,

ef þú skoðar t.d. samanburð á Subaru Impreza WRC venjulegs bíls og rallýbíls þá sérðu að engar tölur eru eins, ekki einu sinni lengd og breidd á bílnum,

Þarna ertu kominn með mjög svo ólíka flokka af bílum. Viper, Camaro, Corvette og whuteva eru bílar sem væru í GT keppnum (Le Mans) og væru með hátt í eða rúmlega 700bhp. Hins vegar rallý bílar í WRC eru allir 4cyl max 300bhp Turbocharged 4WD bílar. Kannski ekki rétt að bera saman bíla sem eru í GJÖRólíkum flokkum og aðstæðum við keppnir. Eini bílaframleiðandinn hérna heima sem býður upp á Semi-Rally version af bíl er Subaru með Impreza GT og nú WRX. Ég sjálfur á GT ´00 og skemmti mér konunglega á honum en ég hef leikið mér líka á 450bhp Camaro SS Supercharged og mér þótti það heldur ekkert leiðinlegt. Mundi heldur ALDREI fara með Viper, Camaro, Corvette eða amerískt muscle á möl, því ég veit að það mundi ekki enda skemmtilega fyrir mig. Eins og ég segi, gjörólíkir bílar í gjörólíkum flokk. Einnig má segja annað. Hvað gætu WRC bílar í Le Mans? Ekki neitt! Hvað geta Le Mans bílar í WRC? Ekki baun! Svo að þessi samanburður og mælikvarði á bíla (WRC) er ekki réttur. Far from it. WRC er kannski ágætis mælikvarði á bíla sem fást hérna og eru til rallý útgáfur í WRC. Það reynir mjög mikið á WRC bíla og ökumenn en það gerir það líka í GT/Le Mans, þó svo að menn detti meira út í WRC vegna öðruvísi álags á bíl og ökumenn. Í WRC eru menn hoppandi og skoppandi yfir hólar og hæðir, í gegnum snjóskafla og yfir ár, handbremsubeygjur niður á við í drullu með 150m klettabarð í utanverðri beygjunni. Í GT/Le Mans hins vegar er það eins og Formúlan. Einn stór hringur, hring eftir hring. Enda eru bílarnir þar með hámarkshraðann vel yfir 300 en WRC fara þeir ekki mjög oft í 200, ef það. Persónulega finnst mér þetta ekki réttur samanburður og ekki rétt að segja að WRC sé réttur mælikvarði á bíla. Bílaframleiðendur læra ROSALEGA mikið af reynslunni í WRC en þeir gera það líka í GT/Le Mans. Anyways, þetta er bara mitt álit :)

vanmeta Hyundai já en ég játa að Pony er drasl frá helvíti sem getur ekki hætt að bila en hafið þið skoða vélaspec sem WRC bílar hafa… ég fæ svitaköst við að sjá venjulega bíla með þannig vél… einhver sem vil spyrna við Accent? með 300 bhp og 2700 og eitthvað cc ;) verst að það er ekki rétt drif eins og Accent kemur með (ekki með Framhjóladrifi)

ef mig minnir rétt þá eru þessi bílar smíðaðir frá A til Ö aðeins í svona rally keppnir svo það væri ekki beint rétt að segja að þessir bílar eiga eitthvað sameigilegt við Verksmiðjubíla sem við kaupum en verkfræðingar og þessir menn þeir kunna sitt fag af reynslu með verksmiðjubíla og þá kemur ekki á óvart að þeir geta gert almennilega Rallý bíla sem eru í toppsætum.

Að mínu mati er rallý eitthvert skemmtilegasta akstursíþróttin sem hugsast getur. Ef ég ætti að velja akstursíþrótt til þess að stunda væri það annaðhvort torfæran eða rallý. Það er svo mikil fjölbreytni í þessu andstætt F1 og slíku þar sem lítið breytist nema í mesta lagi á 15min fresti og nóg er að kíkja á startið, fara svo út og sjá síðustu 2-3 hringina.

Vúúúúúúhaaaaa, loksins ralltengd grein ;)

Það er kannski ekki beint sanngjarnt að bera saman Viper, Camaro og fleiri Le Mans bíla við WRC bílana. Ástæðan liggur náttulega að miklu leyti í keppnisaðstæðum enda eru GT/Le Mans keppnir allar á lokuðum brautum að ég held en í WRC er keyrt á alvöru vegum. Td í Kenía þá eru vegirnir opnir fyrir almennri umferð og menn geta lent í því að taka fram úr yfirfullum rútum og fleiri farartækjum í þeim dúr í miðri keppni!

Ástæðan að baki þátttöku bílaframleiðenda í mótorsporti eins og WRC er einkum tvíþætt. Í fyrsta lagi er menn að þróa og prufa hluti við extreme aðstæður og hámarksálag með það að marki að geta flutt þá þekkingu yfir í fjöldaframleiðslubílana. Hin ástæðan er svo auglýsingin sem svona keppnir veita bílaframleiðendum en sem dæmi þá varð algjör sprenging í sölu Subaru Impreza GT í UK um leið og Colin McRae varð heimsmeistari ökumanna árið 1995 en áður var Subaru Impreza ekkert sérlega þekktur bíll þar í landi. Enda var ekki skrýtið að Subaru vildi ekki sleppa Richard Burns eftir að hann var meistari árið 2001 enda var auglýsingavirði hans all svakalegt fyrir Subaru og var mælt í einhverjum milljörðum (enda þurfti Peugeot að borga vel undir borðið).

Ég á td nokkrar auglýsingabæklinga frá Subaru og í hverjum einasta þeirra er talað um árangur þeirra í WRC rallinu og að sú reynsla skili sér inn í þá Subarubíla sem maður kaupir í umboðinu. Og það skiptir engu hvor umboðið heitir Ingvar Helgason eða Subaru UK, því þau nota öll þessi rök þar sem það eru svona hlutir sem eiga ma þátt í að selja bíla.

En hinsvegar er langt frá því að maður sé að fá WRC bíl þegar maður kaupir sér bíl af sömu tegund út úr umboðinu.

WRC reglugerðin segir að menn verði að taka þá vél sem er í fjölda framleiðslubílnum og byggja á henni þegar WRC vélin er hönnuð.

Berum saman Subaru Impreza WRX og WRC.

Sama rúmtak vélar (hámark 2000 cm3 í WRC bílum samkvæmt reglum FIA)
Sami fjöldi strokka (hámark 4 í WRC bílum samkvæmt reglum FIA)
Báðir með túrbó (minnir að inntakið megi ekki vera víðara en 34 mm í WRC bílunum)
Sama borvídd

Og þar með skilja leiðir………

Lítum á bremsukerfið
Impreza MY00 er með ef ég man rétt diska sem eru 297 mm í þvermál, man ekki töluna úr MY01 en WRC útgáfan er með diska þar sem þvermálið hleypur frá 305 mm allt upp í 366 mm allt eftir því á hvernig undirlagi er verið að keyra á og þar að auki eru oft notaðar vökvakældar bremsudælur. Sem sagt allt annað bremsukerfi.

Felgustærðir hlaupa frá 15“ - 18” og fer aðallega eftir því hvað þarf að troða stórum bremsudiskum undir bílinn í hverju ralli fyrir sig.

Fjöðrunarkerfi er allt annað og mismunandi eftir því hvernig undirlagi er verið að keyra á, undirvagninn er meira og minna skotheldur enda er ekki verið að keyra við sömu aðstæður og við erum að keyra þegar við kíkjum á rúntinn.

Gírkassinn er einnig allt annar og í raun aðlagaður að aksturstíl hvers og eins ökumanns.

Eins og Gulag sagði þá er eru engar af utanmáls tölum Subaru Impreza WRC og WRX eins. Það er ekki einu sinni sama hjólhaf en þar munar reynda aðeins 5 mm. WRC er 1230 kg en þeir mega ekki vera léttari samkvæmt reglum FIA. WRX er hinsvegar 1365 kg ef ég man rétt.

Og hver er svo niðurstaðan eftir þessa upptalningu?

Jú, þó að WRC bílar heiti Subaru Impreza eða Ford Focus og líti alls ekki ósvipað út og fjöldaframleiðslubílinn og sé í raun byggðir á honum þá eru þetta allt aðrar og háþróaðari græjur enda minnir mig að þessir séu metnir á ca 50 milljónir stykkið á meðan maður fær WRX fyrir “aðeins” 3 millur stykkið.

Peugeot 206 WRC er í raun 2 bílar. Annar er sérhannaður fyrir malbik en hinn fyrir möl. Þeir líta nákvæmlega eins út en eru í raun gjörólíkir. 206 bíllinn sem fæst út í umboði er svo væntalega einhvers konar blanda af því besta úr þessum tveimur bílum.

206, Focus, Impreza og Lancer eru allsráðandi í WRC í dag sem er kannski ekki skrítið þar sem þetta eru þeir framleiðendur sem eru búnir að vera lengst í þessum bransa af þeim sem taka þátt í WRC í dag. Hyundai, Skoda og nú síðast Citroen eru að koma sterkir inn og eru að safna sér reynslu.

Hyundai og Skoda eru kannski ekki beint merki sem maður setur samasem merki á milli og árangurs í rallakstri en markmiðið þeirra með þátttöku í WRC er meðal annars að bæta ímynd sína út á við og Hyundai er nýlega búið að krækja í einn af hönnuðunum hjá Prodrive til að fá enn meiri kraft í lið sitt.

Skoda hefur notað Octavia í WRC en þeir eru byrjaðir að hanna WRC útgáfu af Fabia og mun ætlunin vera að hann taki við af Octavia eftir ca 3 ár og þá samfara aukinni söluáherslu á Fabia í Evrópu. Suzuki hefur einnig hug á að auka vinsældir sínar í Evrópu og horfir stíft á þátttöku í WRC með það að leiðarljósi

Svo eru aðrir bílaframleiðendur sem kjósa að nota Formula 1 til að þróa hluti í sína bíla og auglýsa sig. Gott dæmi er Toyota sem var hér áður fyrr í WRC á Celica og Corolla. Voru reyndar á tímabili reknir úr WRC með Celicuna fyrir einhvert bensínsvindl ef ég man rétt.

Þannig að það er kannski ekki hægt að segja að WRC sé réttur mælikvarði á bíla, alla vegana ekki á meðan allir bílaframleiðendur eru ekki að taka þátt. Hinsvegar er mótorsport almenn að mínu mati góður mælikvarði á getu bíla enda stunda flestir bílaframleiðendur þátttöku í einhversskonar mótorsporti.

Menn geta svo endalaust deilt um hvaða tegund mótorsports er árangursríkast með tilliti til hönnunar á íhlutum í bíla og auglýsinga á bílum. Ég hef persónulega haldið því fram að WRC hafi alla burði til að verða vinsælla sport heldur en Formula 1 og byggi ég það ma á því að það er hægt að kaupa GT eða RS útgáfuna af WRC bílunum út í umboði á meðan það er ögn snúnara að fá sér einhvað sem líkist Formula 1 bíl. Þetta sé því sport sem að standi fólki mun nær en til þess að ná góðum krafti í vinsældirnar þarf að gera það sjónvarpsvænna.

OK ég tel mig ekki vera neitt rosalega fróðan um bíla en eitthvað veit ég samt. Ég er rosalega hrifinn af amerískum bílum, en einnig evrópskum bílum. Málið með amerísku bílana er að þeir eru eiginlega bara gerðir fyrir beina kafla en þessir evrópsku eru gerðir fyrir eiginlega allan akstur. En þetta er svo gjörólíkt ég meina það eru bæði kostar og gallar við alla bíla en ég held að mesti ókosturinn er að kaupa sér amerískan bíl, en þá tala ég um hér á landi, eða reyndar um flest lönd því að það er svo dýrt að reka þessa bíla. En evrópsku eru mun hagstæðari og svoleiðis. Ég sjálfur væri mikið til í að fá mér amerískan kagga en ég myndi bara aldrei gera það nema að ég væri vel ríkur. :) En evrópsku bílarnir eru bara mun hagstæðari í rekstri (þó að það sé aldrei voðalega hagstætt að kaupa sér bíl) En ég er ekki að segja að ameríski bíllin sé eitthvað verri en evrópsku. Málið er bara að það eru kostir og gallar á öllum bílum. Eins og pabbi minn á Ford Explorer og Ford Focus. Málið er að hann keyrir Focusinn mun meir því það er svo dýrt að keyra jeppan, en honum finnst samt skemmtilegra að keyra jeppan. Þarna sjáiði kostir og gallar. :)

það sem er breitt á þessum bílum er að
undirvagnin er styrktur á áhveðnum puntum með því að sjóða stirkingar í boddýið
demparar eru lengdi þar að segja dempara eru lengdir og mígtir með dempara turninum
velin tunuð í 300 hp og einhverjar aðarar
breitingar eins og launch system
einhverskona

það sem er breitt á þessum bílum er að
undirvagnin er styrktur á áhveðnum puntum með því að sjóða stirkingar í boddýið
demparar eru lengdi þar að segja dempara eru lengdir og mígtir með dempara turninum
velin tunuð í 300 hp og einhverjar aðarar
breitingar eins og launch system
einhverskona