Þessi grein hefði alveg mátt detta inn á vetrardekkjaumræðuna eða korkinn. Svipað með Mazdagreinina sem kom inn í gær.

Svo hefur dálítið borið á því að menn hafa verið að senda inn sömu kannanir og hafa birst seinasta mánuðinn. Svo sem ekkert að því að endurvinna kannanir en eru menn ekki almennt á því að það sé amk hæfilegt að láta líða 2-3 mánuðin áður en þær birtast aftur? Það er allaveganna mín skoðun.

Dekkinn sem þú reifst naglana úr eru vetrardekk og ættu að vera fullkomlega góð í vetrarfærðina ef þetta eru þokkaleg dekk.

Heilsársdekk eru dekk úr efni og með munstri sem er ætlað til að duga bæði við sumar og vetraraðstæður.

Vetrardekk eru ekki bara nagladekk, heldur öll dekk með munstri ætluðu til vetraraksturs og úr efni sem hentar slíku.

Það eru ekki allir sammála um þetta en að mínu mati eru naglar óæskilegir á höfuðborgarsvæðinu. Þeir geta verið varasamir við ýmsar aðstæður og gera ekkert gagn umfram naglalaus vetrardekk nema við akstur á svelli. Ef við keyrum eftir aðstæðum erum við best sett með vönduð og góð naglalaus snjódekk. Augljóslega ef við keyrum eftir aðstæðum förum við MJÖG hægt yfir ef við keyrum á svelli!

Vandamálið er það að ég veit ekki betur en að harðkornadekk fást aðeins sóluð. Virka vel upp á hemlun og spyrnu við slæmar aðstæður en aksturseiginleikar eru ekki merkilegir.