Það sem þú gleymir er hver tilgangur laganna átti að vera, þ.e. stuðla að aukinni notkun díselbíla. Ég las einhversstaðar að vörugjöldin hefðu verið stillt sem 37 kr./l á bensín en 35 per dísel. Síðan voru gjöld á dísel hækkuð í 45 (og vsk ofan á þá hækkun). Sem betur fer sáu stjórnvöld að sér og lækkuðu um 5 kr, svo að líter af díselolíu er væntanlega orðinn svipað dýr og bensínlítrinn í stað þess að vera ódýrari eins og algengt er í Evrópu.

Til að yfirlýstur tilgangur (sem ég taldi fyrst að væri raunverulegur tilgangur) nái fram að ganga þá þarf fólk að sjá hag í því að kaupa díselbíl. Díselbíll er mikið dýrari í innkaupum og fólk þarf að spara þann kostnað á þeim tíma sem það á bílinn, sem yfirleitt er um 3 ár. Áður en fjármálaráðherra lækkaði gjöldin um 5 kr. þá var búið að reikna það út að í einhverjum bílum þá næðist ekki að yfirvinna þann kostnað fyrr en eftir 400 þús km. (án þess að taka tillit til fjármagnskostnaðar). Það gefur auga leið að það er ekki hvetjandi.

Þó mér finnist tillaga þeirra sem stóðu að mótmælunum frekar brött, þá finnst mér að FÍB hefði mátt styðja mótmælendur í að ná fram lækkun frekar en að skipa sér í fylkingu á móti. Þeir hefðu getað notað tækifærið til að koma sjónarmiðum um lækkun gjalda á bensín að í fjölmiðlum í staðinn fyrir að vera með allt á hornum sér.

JHG

Díselbílar eru líka miklu dýrari í innkaupum og ef dísellíterinn er dýrari þá er ekki möguleiki að þú náir þeim kostnaði til baka.

JHG

Yfirlýsing ykkar í fjölmiðlum í gær byggðist á því að um væri að ræða mótmæli gegn kerfisbreytingunni og það var með ólíkindum að heyra hlusta á ykkur í fjölmiðlum. Ég las síðu FÍB í gærdag og taldi mig hafa lesið það uppúr ykkar síðu. Síðar um kvöldið þegar ég kíkti aftur þá sá ég ekki sama miskilning eins og greinilega var fyrir hendi hjá ykkur fyrr um daginn.

En ég er ekki sá eini sem hef skilið orð ykkar á þennan hátt. Ég þarf ekki annað ein að vísa til yfirlýsingar formanns 4x4 sem má lesa á síðunni www.f4x4.is:

“Stjórn Ferðaklúbbsins 4x4 lýsir furðu sinni á ummælum fulltrúa Félags íslenskra bifreiðaeiganda um mótmælaaðgerðir gegn fyrirhuguðum álögum á dísilolíu, sem fram hafa komið í fréttum og á vef félagsins. Í umfjöllun FÍB um aðgerðirnar er kosið að rangtúlka og snúa út úr áskorun þeirra samtaka sem að aðgerðunum stóðu, í stað þess að styðja mótmælaaðgerðir gegn óhóflegum álögum á þá bifreiðaeigendur sem nota dísilolíu.

Í umræddri áskorun til fjármálaráðherra er á engan hátt fjallað um þá kerfisbreytingu að taka upp olíugjald í stað þungaskatts. Hins vegar er mótmælt því gríðarlega háa olíugjaldi sem ákvarðað hefur verið og gerir dísilbíla að óhagstæðum kost fyrir íslenska bifreiðaeigendur. Þetta gengur þvert á markmið frumvarps um olíugjald sem var fyrst og fremst að fjölga dísilbílum í umferð og gera þá að hagkvæmum valkost fyrir bifreiðaeigendur. Fullyrðingar FÍB um að í mótmælaaðgerðunum felist stuðningur við núverandi þungaskattskerfi eru því með öllu úr lausu lofti gripnar og ekki hægt að skilja þær öðruvísi en rangtúlkun á innihaldi áskorunarinnar.

Við skorum á FÍB að draga ummælin til baka og standa með okkur í þessu stóra hagsmunamáli fjölmargra bifreiðaeigenda. Aðeins þannig getur FÍB staðið sem hagsmunafélag allra bifreiðaeigenda á Íslandi.

Stjórn Ferðaklúbbsins 4x4”

Það sem ég skil ekki í málflutningi FÍB er af hverju notaði félagið ekki tækifærið til að vekja máls á lækkun gjalda á allar tegundir orkugjafa frekar en að ráðast með ósönnum fullyrðingum um að mótmælin væru gegn kerfisbreytingunni? Í stað þess að vinna með öðrum bíleigendum þá unnuð þið á móti þeim.

Sjálfur hef ég aðallega keyrt bensínbíla. Einnig hef ég verið mjög hlynntur kerfisbreytingunni á díselolíunni en gamla kerfið var meingallað. Mótmælin snerust bara ekki um það, þau snerust um hve hátt gjaldið á að vera. Ég hef sagt það áður í þessum þræði að mér finnist þær krónutölulækkanir sem nefndar voru vera full miklar, en held að það sé ekki óeðlilegt að menn miði við að ná svipuðum verðum og frumvarpið gerði ráð fyrir. Eftir að vörugjaldið var hækkað uppí 45 úr 35 þá var hvarf allur hagur af því að eiga díselbíl.

Ég veit um marga núverandi og fyrrverandi FÍB félaga sem eru saltvondir útí félagið og hef grun um að ef ekkert verði að gert þá muni fyrrverandi félögum fjölga.

JHG

Nú sá ég einhverstaðar að FÍB segir að verð á dísel sé 20 krónum ódýrara en bensín á hinum norðurlöndunum, það á allavega ekki við hérna í Noregi, hér er munurinn oftast 0,8-1,0 norskar pr líter (dísel/92okt) og 1,1-1,3 norskar pr líter (dísel/95okt)

Jújú, ég keyri um á bensínbílum. Ég var mjög sáttur við kerfisbreytinguna því gamla kerfið er mjög ósanngjarnt. Einnig sá ég loks hag í að setja díselvél í jeppann.

Það er spurning hvort maður haldi sig ekki bara við V8 bensínvélarnar :/

Mér fannst það því illa að mótmælendum vegið sem margir hverjir eru með sömu óbeit á gamla kerfinu og ég og eru að mótmæla upphæð gjalda per líter en ekki kerfisbreytingunni þegar ég hlustaði á yfirlýsingu talsmanns FÍB í útvarpinu.

JHG