Þeir hafa verið að prófa þennan bíl síðan í febrúar á þessu ári og því ætti að vera komin smá reynsla á hann. En það er alltaf áhættusamt að koma með nýjan bíl í keppni. Það fékk Subaru að kenna í Monte Carlo núna í ár en það var fyrsta keppni þeirra á nýju Imprezunni. Háspennukefli í bílnum hjá Burns bilaði, rafkerfið hjá Martin bilaði og svo ók Solberg aldrei þessu vant út af en reyndar í sinni fyrstu keppni. Bæði háspennukefli og rafkerfi voru hluti af nýjum búnaði og því er þetta alltaf áhætta.
En reglan um gamla og nýja bílinn segir að það megi ekki skipta aftur yfir í gömlu týpuna um leið og þú ert farinn að keppa á þeirri nýju og að sama skapi má ekki keppa á nýju og gömlu týpunni á sama tíma. Peugeot er nefnilega með þrjá bíla í rallinu og var að spá í að vera með eitt eintak af nýju útgáfunni. En það er ekki hægt.