Þó ég hafi ekki farið eftir því þegar ég eignaðist minn fyrsta bíl, þá tel ég að fyrsti bíll ætti að vera sem ódýrastur. Það eru miklar líkur á að nýpróf-isti lendi í árekstri/um fyrstu árin og ekki gott að hafa lagt of mikinn aur í eitthvað sem mun líklegast skemmast.

Það er oft hægt að fá ágætis dósir sem líta kannski ekki vel út en skila þér á milli a og b og eru með allan öryggisbúnað í lagi (skilyrði).

Einnig ættir þú ekkert að vera að velta afli fyrir þér. Keyptu þér ódýrann bíl með litla vél svo þú eyðir ekki of miklum peningum í bensín.

Persónulega er ég kominn á þá skoðun að fyrsta eitt eða tvö árin ættu menn ekki að hafa próf til að keyra aflmikla bíla.

Þegar menn taka próf vegna skotvopnaleyfis þá mega þeir ekki strax skrá á sig stóra byssu. Menn verða að bíða í eitt ár áður en þeir fá réttindi til þess. Ég held að það séu meiri líkur á að menn fari sér að voða á aflmiklum bíl eða að hleypa nokkrum sinnum á ári af riffli með stórt kaliber.

Ég veit ekki hvort að það hafi verið sett í lög en einhverntíma var sagt að það ætti að tvískipta réttinum á stórt bifhjól. Þá áttu menn ekki að mega keyra hjól með stærri mótor en 100hp fyrr en þeir hefðu keyrt í allavegana eitt ár og tekið aftur próf.

Þó ég hafi sloppið við það (fékk ótakmarkað leyfi þegar ég tók prófið) þá skil ég vel rökin á bak við það.

Það er svo nægur tími til að fá sér draumabílinn þegar þú hefur náð nokkuð góðum tökum á akstri og umferð.

Svo máttu passa þig á að lenda ekki í sömu gryfju og ég of miklu fleiri hafa lent í. Þegar ég var 18 ára þá var ég besti ökumaður í heimi (að eigin áliti). Ég hafði fulla stjórn á ökutækinu en það er ekki nóg. Við ráðum ekki alltaf við aðstæður sem skapast. Því er betra að fara aðeins rólegar, horfa alltaf tvisvar áður en maður fer inná götu (ég rétt gjóaði augunum og gaf svo í, alls ekki til fyrirmyndar) og gera sér grein fyrir takmörkunum sínum.

Svo er eitt heilræði sem ég fékk og þú ættir að hafa í huga,

þú átt að haga þér í umferðinni eins og allir séu að reyna að klekkja á þér og treysta engum. Stefnuljós sem gefið er getur hafa logað í langan tíma og verið marklaust. Bíllinn við hliðina á þér getur allt í einu skotist í veg fyrir þig ofl. ofl.

Ef ég tek þetta saman þá ættir þú að:

1) Kaupa “druslu”
2) Hafa hana með litla sparneytna vél
3) Gera þér grein fyrir takmörkunum
4) Vera svolítið paranoid í umferðinni

JHG

Afhverju hættidi ekki ad spá i verd og sonna drasl…ef bilar eru áhugamálin mans þá skipta peningar eingu mali..eg er ad gera upp bil 90 árgerd og það kostar tæpan 400þk en mer er sama etta er mitt hobbí þannig eg gef bara skit i sonna mál;)

Það er skynsamlegt að vera ekki á of aflmiklum bíl fyrsta eitt eða tvö árin. Þó menn haldi annað þá eru flestir ekki góðir bílstjórar fyrst í stað og aflmikill bíll getur komið óvönum í mikinn vanda.

Ef menn eru á ódýrum afllitlum bíl sem eyðir litlu þá eru menn að spara margt. Í fyrsta lagi verður tjónið ekki eins tilfinnanlegt ÞEGAR menn lenda í fyrsta árekstrinum, menn eiga erfiðara að vera með alltof mikla stæla á aflitlum og koma sér síður í vandræði og með því að bíllinn sé sparneytinn þá spara þeir pening fyrir draumabílnum.

Svo er eitt enn. Það er ótrúlega algengt að ungir krakkar kaupi nýlega bíla á fleiri milljónir með allt að 100% lánum. Á þessum árum er fólk að byggja upp fyrir framtíðina og að byrja með svona skuldabagga er rugl.

JHG