Mal3 fyrir 23 árum, 8 mánuðum Fjöldi lestra: 302

Hvað um fornbíla?

Ástæðan fyrir skrifum þessarar greinar er sú að mig langar til að heyra hvað ykkur hinum finnst um “fornbíla”. Ástæðan fyrir gæsalöppunum er sú að skilgreiningin á fornbíl er bíll sem er orðinn 25 ára og ég á erfitt með að kalla VW Golf GTi fornbíl. Hvað um það, ef einhver hefur betra hugtak látið það flakka! Sjálfur hef ég engan sérstakan áhuga á fornbílum, ég hef bara áhuga á góðum (sport)bílum og það vill svo til að sumir eru gamlir. Ég ætla þess vegna að henda hérna upp stuttum lista með þeim 10 fornbílum sem mig langar mest í þegar þetta er skrifað. Hverflyndur, ég? Það skal taka fram að þessi listi er mjög snöggsoðinn, endilega segið hvað ykkur finnst, ég hef örugglega gleymt einhverju draumatryllitæki. Listinn er í engri sérstakri röð, það væri ALLT OF erfitt!

1. Ferrari Daytona - Fallegasti FR Ferrari-inn!
2. Lotus Elan - Getur ennþá sýnt nútíma bílum nokkur trix!
3. Porsche 911 2.7 RS (eða 2.8 RSR) - Hreinni, hrárri, hraðari!
4. Jaguar XJ6 4.2 - Fallegasti sedan. Snöggur og hlaðinn sjarma.
5. Datsun 240Z - Fallegasti japanski bíllinn, sigurformúla.
6. Ferrari 308GTB - Fallegasti MR Ferrari-inn, ljúfur.
7. Volksvagen Golf GTi - Sá fyrsti, hrein klassík, hreint fjör.
8. Citroen SM - Maserati V6 í geimskipi á fjórum hjólum.
9. (Ferrari) Dino 246 - Eee… sama og 308?
10. Lotus Cortina/Ford Cortina Twin Cam (MkII) - Eee… mig langar?

Þessi listi bendir kannski til þess að ég sé yfirborðskenndur þar sem útlitið heillar við flesta bílanna. Þeir eru hinsvegar allir á einn eða annan hátt rómaðir akstursbílar þannig að kannski er listinn (og ég) dálítið einsleitur. Einn bíll sem komst ekki inn finnst mér ég verða að nefna og það er Mini Cooper, algjör snilld. Ég gæti haldið áfram: Jaguar E-Type… en þannig er náttúrulega svindl. Það sem hinsvegar vantar áberandi inn á listann er tvennt: Annarsvegar “alvöru” stór GT eins og t.d. Jensen eða Monteverdi. Ég er bara veikur fyrir stælnum og miklum mælaborðum með svona mörgum flugvélarofum í… Hinsvegar alvöru amerískan fleka eins og t.d. Buick Riviera vegna þess hve mikinn sjarma þeir óneitanlega hafa.

Hvað finnst ykkur um gömlu “hræin”?

forvitninn fyrir 23 árum, 8 mánuðum

Mér finnst þeir vera flottustu bílarnir. Það eru að mínu mati ekki til flottari bílar en fornbílar.

Fyrra álit

jois fyrir 23 árum, 8 mánuðum

ég er alveg sammála þér og er sérstaklega ánægður með að sjá gamla mk1 golf gti sem kom öllu þessu hot hotch af stað á listanum hjá þér.
Ég held það væri mjög flott að fá þannig bíl fyrir bara 10-20 þ krónur og gera hann algerlega upp með nýrri vél, þessi bíll er rétt yfir 800 kg. Svo það þyrfti ekki mörg hö og þessi bíll mundi vera virkilega hraður. Og þessir bílar eru sko “sleeper”, ekkert skemmtilegra en að vera á bíl sem lítur ekkert út fyrir að vera þetta hraður og síðan taka civic vti og halda við eða taka imprezu turbo. Munið, það sem gerir bíl hraðan er ekki bara hestöfl, það er frekar þyngd. Sjálfur á ég tjúnaðan Mk2 Golf Gti 16v og sá bíll er virkilega hraður, spurning hvort hann sé ekki svipað hraður og impreza, kannski örlítið hægari. Persónulega finnst mér þessir gömlu golfar virkilega fallegir og eru miklu hrárri og þar af leiðandi skemmtilegri í akstri en þessir nýju sport 3 dyra hlaðbakar. Eina ástæðan fyrir að ég á líklegast ekki eftir að gera þetta er að þetta tíðkast ekki á íslandi, ég kann heldur ekkert á þetta, að skipta um vélar og þannig og það mundi vera svo dýrt á ísl., þ.e.a.s. að taka ca. 20 ára gamlan 3 dyra þýskan bíl og gera upp. Fólk mundi halda ég væri geðveikur, aftur á móti í öðrum löndum er þetta mun algengara, kannski bara vegna meiri íbúafjölda.

Fyrra álit

Mal3 fyrir 23 árum, 8 mánuðum

Já MkI & II Golf GTi eru einu Golfarnir sem ég fíla. Ég myndi samt ekkert vera að fikta við þá. Ég held að þú þurfir að gera ansi mikið við Golf GTi til að hafa í Impreza. VR6 Golf myndi vera saltaður ofan í tunnu af venjulegri GT Impreza.

Fyrra álit

jois fyrir 23 árum, 8 mánuðum

það er örugglega rétt hjá þér með imprezu gt en ég hef spyrnt við þannig og haldið sæmilega í þannig og einu sinni unnið, kannski hefur hann verið með fullan bíl, sá ekkert inn í hann vegna filmna.
Ég skil aftur á móti ekki hvað þú meinar með að það sé ekki sniðugt að fikta í þessum gömlu golfum, þetta eru ekki dýrir bílar og eru hannaðir að vissu leiti til að tjúna og eru rosalega léttir, því léttari bíll því færri hö. þarftu að fá til að gera bílinn sneggri.

Fyrra álit

Mal3 fyrir 23 árum, 8 mánuðum

Þú hefur lög að mæla, þetta er bara minn smekkur en engin djúp speki.

Fyrra álit

[Notanda eytt] fyrir 23 árum, 8 mánuðum

hei, jois: áttu svartan eða vínrauðan golf, og ert oft í hafnarfirði? það eru tveir svolítið tjúnaðir golfar í umferð hér..
hvað ertu búinn að setja í hann og hvað er hann í hestöflum?

Fyrra álit

lucifer665 fyrir 23 árum, 8 mánuðum

Vantar fyrir mig. DB5, Corvett 57? minnir mig og Mustang 64-66. Bara smá!

Kettir eru fremur viðkvæm dýr sem geta þjáðst af ýmsum kvillum. Ég hef þó aldrei vitað til þess að köttur ætti erfitt með svefn. Joseph Wood Krutch

Fyrra álit

clinton fyrir 23 árum, 8 mánuðum

Hvernig er þetta mal3 hvernig hefur kvikmyndasjóðurinn það er búið að gera eitthvað af stutt myndum til þess að vinna upp í sponsið eða eru þið bara búnir að vera að boða pizzur út að þetta sem að þið kallið að fá styrki hjá hinum og þessum og það er tala ð um að þú skuldir pening út allan bæ hjá hinum og þessum fyrirtækjum!!!!!Það er ekki skrýtið þó að þú ætlir að selja þessa boru þína til að borga skuldir þínar!!!hahaha verður mér hent út núna fyrir að sega þetta við þig heheheheheh!!!!!!!!!!!!!

Fyrra álit

stakka fyrir 23 árum, 8 mánuðum

maður ælir við tilhugsunina!
kommon þá myndi ég heldur kjósa fiat uno 45.
Skemmtilegri akstureiginleikar í þeim.

Fyrra álit

lucifer665 fyrir 23 árum, 8 mánuðum

Um hvað í ósköpunum ert þú að tala krakki?? Skuldar pizzur, Bora, hvað kemur þetta fornbílum við? Annars ætla ég að láta Mal3 svara, ef hann nennir!

Kettir eru fremur viðkvæm dýr sem geta þjáðst af ýmsum kvillum. Ég hef þó aldrei vitað til þess að köttur ætti erfitt með svefn. Joseph Wood Krutch

Fyrra álit

Mal3 fyrir 23 árum, 8 mánuðum

clinton: ertu að tala við mig? Ef svo er, hver í helv… á ég að vera?

Fyrra álit

[Notanda eytt] fyrir 23 árum, 8 mánuðum

í sambandi við fornbíla..
ég hef það alltaf á tilfinningunni að þegar talað er um skemmtilega akstursbíla, þá sé miðað við skemmtilega akstursbíla á þeim tíma. er ennþá hægt að fá almennilegt kikk útúr gömlu bílunum? sumir tala um gamla bíla, sem eru ekki einusinni með synchroníseruðum kassa, sem skemmtilega akstursbíla..

ég hefði haldið að karakterinn væri aðalmálið hjá þessum bílum

Fyrra álit

jois fyrir 23 árum, 8 mánuðum

Stakka:Þú hefur greinilega ekki keyrt Gamlan Golf GTi 16v. Ef þér finnst hann vera ljótur og þar af leiðandi finnst þér hann óskemmtilegur, þá bara þú um það. Það er bara þín skoðun.

HelgiPalli: þessi er hvorkii svartur né vínrauður, heldur grásanseraður.

Fyrra álit

stakka fyrir 23 árum, 8 mánuðum

þeir voru báðir með bilaðan gírkassa, lélega kúplingu. og ömurlegar bremsur. og þegar að þú ert að keyra þetta þá taka þeir svo mikinn vind á sig að þeir eiga til að hendast til og frá á götunni. Og í ákveðinni árgerð af golf að ef þú klesstir harkalega að framan þá fór málmplata úr mælaborðinu niður í gólfið og klippti lappirnar af.

Og ætlastu til þess að ég fari að segja að þetta séu frábærir bílar miðað við þessar staðreyndir.
jú ok mér finnst nýji golfinn æði og gamli ´87 gti en 93 útlitið er forljótt. Og því miður með þetta 87 bíl þá varð það hann sem klippir í sundur á þér lappirnar. Og ef þú átt svoleiðis og búinn að taka þessa plötu. laga kúplinguna, bremsurnar og gírkassann þá er hann kannski flottur hjá þér!

Fyrra álit

Mal3 fyrir 23 árum, 8 mánuðum

HelgiPalli, þetta er örugglega rétt hjá þér að vissu marki. Ég t.d. grein í evo þar sem þeir prófa gamla bíla á móti nýjum og Ford Focus sló Jaguar E-Type út í gripi! En aksturseiginleikar er svo margþætt hugtak.

Á listanum mínum (ekki eins og ég hafi keyrt þessa bíla) held ég að allir bílarnir yrðu kick í akstri. Ég held að Gordon Murray (McLaren F1) hafa sagt að Elan gæti haldið í við Elise á réttum vegi. Elstu bílarnir þarna eru baru u.þ.b. 35 ára hvort sem er.

Samt væri gaman að prófa eitthvað eins og Bugatti Type 35 þótt að hann sé frá því í kringum 1930 (man ekki nákv.) hefur hann samt hröðun sem slær velflestum bílum í dag við. Hvar eru öryggisbeltin? :)

Fyrra álit

Stinni fyrir 23 árum, 8 mánuðum

Já mér finnst gömlu amerísku drekarnir flottir eins og 62“ Corvette, 69” GTO, 68“ Shelby Mustang Fatback, 67” AC Cobra, 73" Trans Am. Samkvæmt bifreiðaskrá er verður fornbíll að vera orðinn 26 ára, 1975 model. Þannig að áttatíu og eitthvað af Golf Gti eða hvað sem það nú er telst ekki sem fornbíll.

Fyrra álit

Mal3 fyrir 23 árum, 8 mánuðum

Stakka, fyrsti kom 1975, ég rannsaka röflið í mér!

'63 Sting Ray corvettan sallar niður gamla bílinn með hásingunni, sérstaklega small block 327 cid m/innspýtingu (sjá mynd!). Hinsvegar er ca '65 fastback Mustanginn einn fallegasti ameríski bíll fyrr og síðar. Sjáið bara Bullitt ef þið hafið ekki trú á þeim. :)

Fyrra álit

Mal3 fyrir 23 árum, 8 mánuðum

Ég meinti að sjálfsögðu að Golf GTi kæmi 1975, frumkvöðull. En VW varð svo að þola að fransmaðurinn stappaði yfir þá á skítugum skónum. Renault GT5 Turbo og Clio Williams, Peugeot 205, 106 og 306. Ekki að það dragi úr Golfinum það þurfti serious firepower og það ýtir honum ekki útaf topp 10 heldur bara aðeins niðureftir.

Fyrra álit

jois fyrir 23 árum, 8 mánuðum

stakka: ég veit ekki í hvernig formi þessir golfar voru sem þú hefur prófað en golf gti er lækkaður og með miklu stífa fjöðrun svo það ætti ekki að vera vandamál…síðan ef þú vilt lækka þá enn meira þá er það lítið mál, það gefur miklu betri stýrisaksturseiginleika, síðan eru bílarnir með 239 mm diska að framan fyrir ‘87 og 256 mm diska frá og með ’87, það er alveg nóg til að stoppa 900 kg bíl á örstundu og síðan er lítið mál að fá 280 mm diska af Corrado. Fæstir gömlu Golf gti eru með vökvastýri sem er kannski slæmt þegar maður er að leggja í stæði en miklu betri tilfinning fyrir veginum í háum snúningum og miklum hraða, þar sem þessir bílar eru nánast alltaf. Ekki ruglast á Golf GTi 8v og golf gti 16v, þetta eru ansi ólíkir bílar.

Helgipalli: þú nefndir frönsku bílana eins og, 205 gti og renault 5 gt turbo, ég held þú vitir alveg hversu skemmtilegir þeir bílar eru, en þeir bila endalaust oft og endast í miklu skemmri tíma heldur en Golfarnir.

Fyrra álit

[Notanda eytt] fyrir 23 árum, 8 mánuðum

wha? ég sagði ekkert um franska bíla :)

samt er ég mikill franskbíla fan, snillingar og vitleysinga

Fyrra álit

jois fyrir 23 árum, 8 mánuðum

þessu átti að vera beint til mal3

Fyrra álit

misajoe fyrir 23 árum, 8 mánuðum

fornbílar eru með skemtilegri bílum
frændi minn á GMC jimmy 76 v8 það er gott power í honum .
flottasti sportbíll ever er corvette sting ray 63
þetta er allavena mitt álit

Fyrra álit

GST fyrir 23 árum, 8 mánuðum

Ég sé að hópurinn er soldið skiptur, ég verð að segja að ég er báðum megin, ég elska að hlusta á Dodge Challenger 440 Magnum R/T , það er alveg dýrlegt, ég fíla ´78 Vettuna vel, í sambandi við ´75 Golf Gti, þá er þetta bíllin sem startaði öllu þessu tjún æði sem er í hámarki, Renault GT 5 er ein af geðvekustu bílum ever, þetta er hægt að fikta í og setja í 350hö, golfin er enn gríðarlega vinsæll í UK,
Fornbílar er 25ára og eldri, staðreynd.
Til að sýna hvernig Golfinn er aðallin, berið saman Hondu Civic ´78 og ´78 Golf,
Mér hlakkar til að vera 50ára og setjast uppí bimman minn og setja hann í gagn eftir harðan vetur, það verður alveg dýrlegt,

Listi(Styttur).

1.´78 Golf Gti,
2.´32 Ford Roadster,
3. Bimmin minn, ´87 325i Blæjubíll, ekki enn fornbíll
4. Jaguar E-Type
5. GTO, eins og í Dazed and Confused,
6. Ferrari Dyno,
7. Porsche Spyder,
8. Lamborghini Miura
9. Merc. Gullwing (Silfur), aðall allra aðla,
10. Oldsmobile 4-4-2

Þetta væri góður bílskúr,
GST
Íslandi

Fyrra álit

Mal3 fyrir 23 árum, 8 mánuðum

Talandi um mun á bílum eins og Golf og Civic ‘78.

Á fornbílasýningunni fékk maður að sjá muninn milli USA og Evrópu. Mér finnst þessir ’50s flekar flestir viðbjóðslegir (undantekningar eins og T-Bird og ‘Vette en hún er ekki fleki). Á meðan sá maður snilld eins og Citroen DS og Jaguar MkII sem virtust ekki bara vera frá annari tíð heldur hreint og beint öðrum heimi. Hugsa sér muninn á t.d. Chevy Bel-Air ’57, Citroen DS ‘55 og Jaguar MkII ’59.

Oh, well, kaninn kunni þó allaveganna að smíða mótora, synd að þeir settu þá aðallega í hótellobbý á hjólum.

Fyrra álit

bowtie fyrir 23 árum, 7 mánuðum

Í Bullitt var enginn 65 Mustang en hins vegar voru þar á ferðinni 67 og 68 390ci fastback mustangar (8 stk voru við gerð myndarinnar) en gallinn var sá að chargerinn stakk alltaf mustanginn af!

Fyrra álit

MUERTE fyrir 23 árum, 8 mánuðum

Persónulega er ég mikill Camaro maður, draumabíllinn er Chevy Camaro árg
1970, þetta er ekki neitt Z-28 eða ss, hann heitir eingöngu Camaro. Þessi
afmælistýpa var aðeins framleidd í nokkrum hundruðum eintaka (Held 600 og
eitthvað) og er líka þekkt sem árgerð 70 1/2 (Komu tvær týpur árið 1970)

Fyrra álit

Atlantis fyrir 23 árum, 8 mánuðum

Margir af fornbílunum eru flottir en það eru alltaf einhverjir nýir á leiðinni frá ferrari maclaren
eða einhverjum öðrum stór fyrirtækjum svo að mínu mati er algert rugl að gera lista af því að
hann breytist svo fljótt gamlir bílar fara brátt út hjá þér og einhverjir nýir koma í staðinn en hjá
mér eru jaguar í fyrstu 10 sætunum

Fyrra álit

Mal3 fyrir 23 árum, 8 mánuðum

Lista plz! Þetta gæti verið spennandi.

Fyrra álit

Bílar

Bílar

Ofurhugar

Stjórnendur

Hverjir eru inni

Greinar

Hvað um fornbíla?

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi