Gulag fyrir 21 árum, 1 mánuði Fjöldi lestra: 6207

Að kaupa nýjan bíl á bílalánum.....

Ég verð að viðurkenna að auglýsingin frá SP fjármögnun, (Landsbankanum) fer alveg óskaplega í pirrurnar á mér, þar er ungt fólk sem skammast sín fyrir að sitja í gömlum bíl.
Ég er búinn að eiga marga gamla bíla, en aldrei keypt mér nýjan bíl þó ég hafi oft haft tækifæri til þess, skilaboðin frá $P fjármögnun eru þau í þessum auglýsingum að sumir hafi það “stolt” að láta ekki sjá sig í gömlum bílum… svei þeim…

Sjáum svo í gamni hvað þetta “stolt” getur kostað einstaklinginn..

Tökum venjulegan Honda Civic frá Bernhard Vatnagörðum,

Civic 1.6i LS VTEC - 4 dyra - 110 hö Verð kr. 1.849.000,-
Hjá SP fjármögnun þarftu að borga kr. 554.700 út í bílnum.
Þú borgar svo rest á 36 mánuðum eða meðalgreiðslu á mánuði kr. 43.082,- (í allt kr. 1.550.966,-)
Þarna er bílverðið komið úr kr. 1.849.000,- upp í kr. 2.105.666,-

Ok, en þar er ekki nema hálf saga sögð..eftir eru afföllin ógurlegu.. (mundu að ég er að benda á hvað kostar að kaupa NÝJAN bíl á bílaláni)
Skv. FÍB eru afföllin á þessum bíl kr. 263.500,- á ári, eða kr. 790.500,- á þessum 3 árum sem þú ert að borga SP fjármögnun bílinn, þ.e. ef þú ætlar að selja bílinn eftir þessi 3 ár máttu gera ráð fyrir að fá kr. 1.058.500,- fyrir Honduna.. !!!!
Og það þarf engan snilling til að sjá að á þessum 3 árum ertu búinn að “tapa” kr. 1.047.166,-..

Nú er spurningin, er ekki gáfulegra að kyngja “stoltinu” og fá sér bíl á þessar 554.000 krónur sem þú borgaðir út í Hondunni og eytt 1.500.000 krónum í eitthvað gáfulegra? ég bara spyr?

það væri nú hægt að fara í allnokkrar heimsreisur fyrir þennan aur… :)

Mal3 fyrir 21 árum, 1 mánuði

Hehe, rólegur á greinunum! Spurning hvort það þurfi ekki bara nýjan kubb handa þér ;)

Annars er þetta bara hið besta mál, vantaði smá líf á þetta áhugamál og þetta eru einmitt greinar til að hleypa lífi í tuskurnar :)

Fyrra álit

Gulag fyrir 21 árum, 1 mánuði

you have awoken an evil spirit… :)

Fyrra álit

siggret fyrir 21 árum, 1 mánuði

Bílalán eru dýriri en fólk almennt gerir sér grein fyrir. Í mörgum tilfellum eru þau dýrari heldur en að taka sér yfirdráttarlán. Þetta stafar af háum lántökugjöldum í upphafi og háu greiðslugjaldi sem greiða þarf mánaðarlega.

Í dæminu hér á undan þá kæmi það eins út að taka yfirdráttarlán ef vextirnir af því væru 13,43%, þrátt fyrir að vextir bílalánsins séu 10%. Forsendurnar fyrir þeim útreikningi eru þær að tekið sé yfirdráttarlán og síðan greitt inn á þann reikning sömu upphæð og greitt er af bílaláninu á hverjum tíma. Í þessu tilfelli er gert ráð fyrir að lánið sé hluti að greiðslujöfnun með 130 kr. greiðslugjald á mánuði. Ef það væri greitt með því að fá sendan gíróseðil heim þá væri það 450 kr. á mánuði. Þá væri bílalánið orðið jafn dýrt og yfirdráttarlán með 14% vöxtum. Hæstu yfirdráttarvextir hjá Netbankanum eru 13,75% og 13,8% hjá S24.

Ef keyptur væri ódýrari bíll þá myndi greiðslugjaldið vikta hærra sem hlutfall af greiðslum og bílalánið vera jafngildi yfirdráttarláns með hærri vöxtum.

Þar að auki eru greiðslur mun sveigjanlegri af yfirdráttarlánum en af föstum lánum þannig að hagurinn af því að taka það í stað bílaláns er meiri en þessar tölur gefa til kinna.

Reyndar er þessi útreikningur á láninu hjá SP fjfármögnun með frekar slæman galla því þar er gert ráð fyrir því að fyrsta afborgun sé sama daginn og þú tekur lánið og því engir vextir í fyrstu afborgun. Þannig er þetta að sjálfsögðu aldrei í raunveruleikanum.

Fyrra álit

zazou fyrir 21 árum, 1 mánuði

Gulag kominn úr Gúlaginu ;-)

Fyrra álit

Onoes fyrir 21 árum, 1 mánuði

Já ég er algjörlega sammála Gulag.
Þessi bílalán eru djöfullinn.

__________________________________________________

Fyrra álit

BudIcer fyrir 21 árum, 1 mánuði

Pff, maður kaupir ekki hondur…

Admin@hp since 26. june 2003 - 10:25

Fyrra álit

lhg fyrir 21 árum, 1 mánuði

Eins og þú segir, þá er það frekar slæm fjárfesting að kaupa nýjan bíl, sérstaklega þar sem hann fellur í verði um einhver 5% um leið og þú keyrir hann út af sölunni. Fólk getur þess vegna lent í því ef það fær 100% lán og skiptir um skoðun og vill selja bílinn sama árið að söluverðið dugar ekki til að greiða upp lánið.

Það sem afföllin eru einhver prósenta af verði, þá er það nokkuð ljóst að það eru minni afföll eftir því sem maður á ódýrari bíl.

Fyrra álit

JHG fyrir 21 árum, 1 mánuði

Ég hugsaði einmitt það sama. Þarna er fólk í slagviðri og miskunnsamur samverji stoppar fyrir þeim. Hann er á gömlum bíl, sem mætti sletta smá lakki á, en virtist virka vel að örðu leiti. Hann veitir allavegana skjól, væntanlega hita, og ætti að komast örugglega á leiðarenda (hann er jú búinn að gera það í áratugi).

Ef fólk er svo snobbað að geta ekki þáð hjálp því samverjinn er ekki á nýjum bíl á bílalánum þá eru þetta bjánar.

Hver eru þá skilaboðin í auglýsingunni? Jú, ef þú ert svo snobbaður að þú getir ekki þolað það að fá far í gömlum bíl, þá ættir þú að kaupa þér bíl á bílaláni.

Persónulega skil ég ekkert í fólki sem kaupir bíla að mestu leiti á lánum (allt í lagi að brúa einhvern hluta með þeim). Ef fólk er komið í góða vinnu, með fastar tekjur, þá er það þeirra val að nota hluta af sínum peningum í vaxtagjöld. Mér finnst hinsvegar hörmulegt þegar skólakrakkar láta plata sig í þetta.

Ég veit dæmi um að krakkar hafi orðið að hætta í skóla til að borga af bílalánum.

Ég vann um tveggja ára skeið í fyrirtæki nálægt Fjölbrautarskólanum í Ármúla. Starfsmenn þessa fyrirtækis voru flestir viðskiptafræðingar og voru alls ekki á slæmu kaupi.

Á hverjum degi rölti ég framhjá fyrrgreindum skóla. Bílarnir á skólaplaninu voru almennt dýrari og nýrri en hjá okkur.

Ég hef meiri trú á menntaskólanema sem á sinn gamla bíl en þeim sem er á nýrri loftpressu á lánum.

JHG

Fyrra álit

loviatar fyrir 21 árum, 1 mánuði

JHG
hlutirnir eru enn eins uppí FÁ, er í þeim skóla á dollunni minni en sé daglega MJÖG dýra bíla (fyrir framhaldsskólanema) eins og Impreza WRX STi þá meina ég þennan blá á þessari síðu: http://leit.is/thjonsla/go.aspx?url=http%3a%2f%2fwww.ih .is&id=4771
þegar maður sér þetta þá pælir maður hvenær skólakrakkar hafi byrjað að skíta peningum eða hvor allir eigi svona ríka foreldra? (yfirleiit sömu krakkarnir og eru með 250þús+ fartölvu)
FÁRÁNLEGT.
OK ég skal viðurkenna að mig langar í dýran og flottann bíl að mínu áliti en ég get ekki séð að það sé betra fyrir mig að hrökklast úr skóla í láglaunastarf útaf BÍL en að sitja sveitt yfir bókunum í svona 10 ár í viðbót og fá mannsæmandi laun.
Ég held að bankar/bílalán séu af hinu illa, enda targeta þeir allir fólk frá 17-25 ára.

Fyrra álit

JHG fyrir 21 árum, 1 mánuði

Mig grunaði að það væri ennþá eins, mér finnst það sláandi að skólafólk (oft á tíðum með lágar tekjur) sé á dýrari bílum en fólk sem er komið í góða vinnu.

Það er hryllilegt hversu margir krakkar eru að hætta í námi, ekki vegna námsörðuleika (þó það sé nógu slæmt), heldur vegna lána sem urðu til vegna gerviþarfa.

Alveg sammála þér að bankarnir stíla inná unga fólkið, með gylliboðum sem gefa það í skyn að það sé svo auðvellt að borga af lánunum.

Mér sínist að þú hafir tekið rétta stefnu, ætlar að mennta þig og steypa þér ekki í skuldir vegna gerviþarfa.

JHG

Fyrra álit

[Notanda eytt] fyrir 21 árum, 1 mánuði

Ég er búin að predika þetta núna í nokkur ár. Ég hef ekki haft bílalán á bíl hjá mér síðustu 3 árin en þar áður brúaði ég iðulega hluta verðsins með lánum (40-50%).

Þetta er náttúrulega bara frekar einfalt fyrir mér… Á þremur árum ertu að kosta til rúmri milljón til að eiga nauða ómerkilegan bíl sem er traustur og sparsamur reyndar.

En málið er bara það að ef maður kaupir t.d. góðan bimma eða Benz, eða bara eitthvað annað vandað á hálfa til heila milljón, þá eru allar líkur á að þú fáir lang stærstan hluta verðsins tilbaka með því að halda bílnum við.

Þú færð því meiri ánægju út úr þessu, ert laus undan þeirri kvöð að “þurfa” að skipta um bíl á þriggja ára fresti vegna aldurs eða aksturs. Ekki nóg með það heldur áttu meiri pening.

Ef þú átt meiri pening, þá getur þú keypt þér annan bíl með, jafnvel tekið einhvern sumarbíl sem er eldri en 25 ára og skráð sem fornbíl.

Eftir 10 ár væri maður svo komin með 4 góða bíla í skemmu út í bæ, alla áhugaverða og skemmtilega sem allir halda sér ágætlega í verði.

Mér finnst í sjálfu sér ekkert að því að fjármagna nýjan bíl á lánum ef þú ert með skítnóg af peningum eða með yfir hálfa millu á mánuði í laun. Prívat og persónulega kaupi ég ekki nýjan bíl aftur, þrátt fyrir að hafa farið ágætlega út úr því að eiga nýjan bíl í 2 ár (300 þús í afföll).

Fyrra álit

porschinn fyrir 21 árum, 1 mánuði

Já þetta er rugl að kaupa bíl beint úr kassanum en það er vissulega gaman!

En gáfulegast fynnst mér hjá fólki (fjölskyldum) að kaupa bíl sem er 1 til 3 ára ef (fer eftir pengum) því fjölskyldubíllinn verður helst að vera nýlegur hjá mörgum fjölskyldum þar af segja rúmgóður og nokku öruggur.

Fyrra álit

BlackMOOn fyrir 21 árum, 1 mánuði

já, rúmgóður og nýlegur en ég held að fjölskyldufólk sé aðalega að leita eftir áreiðanlegum og sparneyttum bílum og fari þessvegna í nýlegri bíla.

ég hef persónulega aldrei átt bíl sem ég hef verið með á lánum.
en það gæti breist fljótlega, því miður.

Fyrra álit

JHG fyrir 21 árum, 1 mánuði

Ef mig vantaði rúmgóðan bíl þá er betra að fá sér gamlan amerískan fleka :)

Draumabíllin hér áður (og horfi alltaf dreymandi á eftir þeim) var alltaf Chevrolet Caprice Classic. Ég efast um að ég kaupi svoleiðis bíl í náinni framtíð (vegna plássleysis) en það er aldrei að vita hvað maður gerir þegar plássið eykst :)

Það er eitt sem ég held að margir líti framhjá (viljandi eða óviljandi) og það er að bílar eru neysla en ekki fjárfesting. Að greiða niður bílalán myndar því ekki eignaaukningu því bíllinn lækkar ekki minna en sem þeirri eignaukningu nemur (ólíkt t.d. fasteignum).

JHG

Fyrra álit

[Notanda eytt] fyrir 21 árum, 1 mánuði

Og fyrir þá sem horfa aðeins í bensínksotnaðinn þá má skoða ýmsa aðra “fleka” einsog t.d. frá evrópu en þeir fást margir með hóflegri vélarstærð eins og gömlu S Benzarnir.

Fyrra álit

JHG fyrir 21 árum, 1 mánuði

Hvað er verið að blanda bensínkostnaði í þetta ;), það er ekki “miles per gallon” sem skipta máli heldur “smiles per gallon” :)

JHG

Fyrra álit

[Notanda eytt] fyrir 21 árum, 1 mánuði

LOL - þessi var góður!

En, það er nú alveg hægt fá smiles per gallon á aðeins sparneytnari bíl - það er auðvitað auðveldara á sleggjunum…

Ég hef því miður ALDREI keyrt amerískan bíl með stórri vél - ég held ég verði bara að prófa það…

En ég hef keyrt nóg af öðrum stórum vélum af öllum mögulegum gerðum - allt nema Boxer 6 strokka :(

Fyrra álit

JHG fyrir 21 árum, 1 mánuði

Þú verður endilega að prófa það. Að keyra bíl með big block mótor er ótrúlegt. Transaminn hjá bróður mínum er með 455 cid.

Þegar maður gefur í þá fær maður sömu tilfinningu og í flugtaki. Maður sekkur í sætið og heldur svo alltaf áfram að sökkva.

Sem betur fer eru sætin það sterk að maður endar ekki aftur í skotti ;)

Svo er frábært að keyra þessa gömlu sem lyfta sér vel upp að framan. Keyrði einu sinni Buick með 465 en það var óborganlegt að horfa til himins þegar maður tók vel af stað :)

JHG

Fyrra álit

[Notanda eytt] fyrir 21 árum, 1 mánuði

Hvernig er hröðun á svona 455 - hve snöggur er hann t.d. í 100 kmh og kvartmíluna….

Já, ég er farin að hallast að því að rekstraleiga sé mun skynsamlegri.

Fyrra álit

JHG fyrir 21 árum, 1 mánuði

455 vs 455. Transam með 455HO eða 455 Super duty rúlluðu kvartmíluna á lágum 13 spólandi megnið af leiðinni (á dekkjum þess tíma sem voru langtum verri en dekk nútímans).

Hann hefur ekki farið með sinn á brautina en ætli hann færi ekki lágar 12, jafnvel betra á slikkum (einn fyrri eigandi segjist reyndar hafa farið 10.90 á honum hér í den en mér þykir það frekar lágt). Undanfarin ár hefur bíllinn bara legið inní skúr en peningarnar fara í húsbyggingar og barnauppeldi.

Aflið í 455 er yfirdrifið, það þarf bara að koma því til jarðar :)

JHG

Fyrra álit

[Notanda eytt] fyrir 21 árum, 1 mánuði

Þú ættir að fara og kíkja á Cadillac Coupe deville uppí Bílahöll sem er til sölu - fallegur gripur en engin spyrnugræja!

Fyrra álit

JHG fyrir 21 árum, 1 mánuði

Ég þarf endilega að kíkja á hann, blæju Cadillac frá þessu tímabili er einn af draumabílunum.

JHG

Fyrra álit

[Notanda eytt] fyrir 21 árum, 1 mánuði

Þú átt eftir að falla fyrir þessum - fjólblá nælon innrétting! Ég væri alveg til í einn svona til að fara í leikhús og svona;)

Fyrra álit

JHG fyrir 21 árum, 1 mánuði

Hugarar verða bara að slá saman og kaupa hann ;)

Fyrra álit

siggiandri fyrir 21 árum, 1 mánuði

Hvada árg. er tessi Trans Am og hvad er búid ad gera vid vélina í honum? Tessi tími sem tú talar um (lágar 12 sec. er ekkert edlilega gódur ef rétt reinist).Jafnvel tad gott ad íslandsmetid í mc. flokki í kvartmílu er í stórhattu ef ad tessi bíll matti tar og taki á. Mig er farid ad langa í tennan bíl og er ég nú Fordari í húd og hár.

Fyrra álit

JHG fyrir 21 árum, 1 mánuði

Þetta er 1974 árgerð. Ég var nú bara að skjóta útí loftið, þar sem að ég hef ekki mælingu á hann.

Vélin er lítið keyrð eftir uppgerð, boraður (010), er með heitari ás (man ekki gráðurnar), kveikjumagnara, flækjur, opið púst, 12 bolti læstur ofl. ofl.

Ég var nú að miða við það sem ég heyri að þessir bílar fari í ameríkunni (hvort sem það er ýkt eða ekki), en þar eru brautaraðstæður reyndar oft betri.

En bíllinn hefur ekki verið mældur eftir að vélin var tekin í gegn og því má vel vera að hann nái þessu ekki, og allar pælingar eru bara ágiskanir (enda sagði ég “ætli hann…”).

JHG

Fyrra álit

siggiandri fyrir 21 árum, 1 mánuði

Já ekki efast ég um vinnsluna í honum. Er sjálfur ad grúska med 1981 árg. af Trans Am hérna úti, hefur best farid háar 13 sec. á mílunni.
( Og 3 girinn biladur sko)

Fyrra álit

JHG fyrir 21 árum, 1 mánuði

Hvaða rokkur er í Trans AMinum þínum? Hvað er búið að gera fyrir hann?

Ég er mjög hrifinn af 2nd gen, og ef ég hefði pláss þá myndi ég eflaust redda mér einum svoleiðis til að dunda mér í.

Sjálfur er ég með 1986 Trans AM sem er núna í viðgerð (var dúndrað aftaná mig), og í skúrnum er 400 sbc (verður 406) sem er á leiðinni í kistufell í útborun ofl.

JHG

Fyrra álit

siggiandri fyrir 21 árum, 1 mánuði

Tad er 400 sbc. vél í honum med ýmsu gódgati. Bíllinn allur tekin í gegn tegar núverandi vinnuveitandi minn og vinur keypti hann fyrir nokkrum árum. Bíllinn er eins og nýr ad utan og innan og kom orginal med 301 v8 turbo. Vid erum ad glíma vid ýmis smávandamál t.d. fá 3 gírinn til ad vinna rétt tá meina ég ad skypta sér á réttum tíma úr 2 gír, tarf sennilega ad fara í blondunginn (sem er demon, vona ad sé rétt stafad) driflasingin er ad svíkja og svona smotterí. En vid attum ad hafa aflid til ad fara á svona mjog háum 11 sec.

Fyrra álit

JHG fyrir 21 árum, 1 mánuði

400 sbc virðist vera að verða hálfgerð tískuvél í USA um þessar mundir. Það er kannski ekki skrítið þar sem að hún togar vel og með réttum heddum getur hún skilað rosalegu afli. Þessvegna er ég einnig að fara þá leið (loksins fylgi ég tískunni ;).

400 sbc eru mikil framför frá 301 turbo, mér skilst að það sé vél sem menn vilja helst gleyma.

Ef það er við blöndung er það þá ekki bara stilling á kickbarkanum (vacumið hlýtur að vera í lagi)? Ég þurfti að stilla minn, en það var mjög fljótlegt.

JHG

Fyrra álit

siggiandri fyrir 21 árum, 1 mánuði

Sko bíllinn er búinn ad standa nokkud lengi inná verkstadi og líklega eru pakkningar ordnar turrar og nálar standa á sér. Tad tarf ad fá tetta allt til ad vinna rétt saman. Ég tók eitt runn á móti 97 corvettu sem er búid ad eiga adeins vid og var ég svona hálfri bílleingd á undan, vorum bara
a einum áttunda tad kvoldid og ég spyrnti í driveinu, var ad skypta sér í svona 6000 rpm en vid erum med útsláttarkupp sem slar út í 8000 rpm. tannig ad ég á eitthvad inni enntá.

Fyrra álit

sammidavis fyrir 21 árum, 1 mánuði

sko það er ekki til 1.6i vtec sem er 110 hestöfl
það er bara til 1.6 dohc vtec sem er 160 hestöfl
110 hestafla hondu vélin er ekki vtec

bara leiðrétta þig ;Þ

Fyrra álit

zazou fyrir 21 árum, 1 mánuði

Getur ekki verið að hún sé SOHC VTEC eins og forverinn 1.5?

A.K.A. vítekk tjúnað til sparaksturs fremur en afreka.

Fyrra álit

Gulag fyrir 21 árum, 1 mánuði

þú verður þá að leiðrétta Bernhard, (Hondu umboðið) því ég tók þetta orðrétt af síðunni þeirra… :)

http://www.bernhard.is/default.asp?cat_id=183

Fyrra álit

Zolly fyrir 21 árum, 1 mánuði

Bara galli með eldri bíla.. viðhaldskostnaðurinn..

ZZZzzzz

Fyrra álit

zazou fyrir 21 árum, 1 mánuði

Hann má nú vera umtalsverður til að slaga upp í fjármagnskostnað nýrra ;-)

Fyrra álit

JohnnyB fyrir 21 árum, 1 mánuði

Ósköp ná þeir fáum hestöflum úr þessari vél.

_ _ _ _ _ _ _ _ _ _ _ _ _ _ _

Fyrra álit

maxbox fyrir 21 árum, 1 mánuði

mér finnst nú lang sniðugast ef menn vilja vera flottir á því og vera á nýjum bílum að taka bíl á rekstrarleigu! þú borgar álíka mikið á mánuði eins og ef þú myndir kaupa bílinn og þú færð fría smurþjónustu og síðan eftir 2 ár skilarðu bara bílnum aftur án þess að þurfa að láta hann standa á sölu og reyna að losna við hann. þú tapar þannig séð ekkert á bílnum því afföll eru engin! þú getur síðan bara farið á annan bíl eftir þetta! að mínu mati lang hagkvæmast þetta rekstrarleigudæmi! þó þetta séu ekki alltaf bílar beint úr kassanum, þá geturðu fengið 1-2 ára gamlan bíl, sem er nú ekki svo slæmt!

þessi bílalán eru bara rugl, svo er ekkert að því að vera á gömlum bíl svo lengi sem hann skilar manni milli staða!

Fyrra álit

Bílar

Bílar

Ofurhugar

Stjórnendur

Hverjir eru inni

Greinar

Að kaupa nýjan bíl á bílalánum.....

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi