Það eru reyndar 85% af ökumönnum landsins sem aka yfir hámarkshraða á þjóðvegum landsins. Mönnum ætti því að vera ljóst að hraðinn sem slíkur er ekki ástæða fyrir slysum.

Nei en ég setti hnífadæmið upp til að sýna þér að það er ekki hægt að bera saman bíladæmið og heróíndæmið. Allir sem nota heróín skaðast. Hvað ætli margir sem nota bíla skaðast?

NÁKVÆMLEGA! Ég þorði bara ekki að segja þetta.

Það er nefnilega margt rangt gert með “almannaheill” í huga.

T.d. er vafasamt að nota eftirlitsmyndavélar, neita að tryggja fólk á grundvelli sjúkdóma í fjölskyldunni. Með sömu rökum mætti t.d. hækka skatta eða hreinlega sekta og fangelsa fólk fyrir að gera hvaðeina sem stofnar heilsu þeirra í hættu - t.d. reykingar, offita, ofdrykkja, sjónvarpsgláp eða hreyfingarleysi o.s.frv… Allt myndi þetta bjarga mannslífum.

Droopy sagði:
“hvað ef við gætum mælt blóðþrýsting og hjartslátt…”

Hvað með að sýna smá almenna skynsemi? Hvers vegna er ekki gott að hafa ökurita í gílum sem sýnir ekkert annað en hraða bílsins? Það er enginn að tala um að setja öryggismyndavélar í hvert barnaherbergi, og slík ýkt dæmi hjálpa umræðu um það akkúrat ekki neitt.

Hvers vegna þarf það að vera eitthvað prinsipp mál að setja ekki ökurita í bíla bara af því að þá sé opnað á eitthvað annað? Sem er ekki verið að tala um. Persónulega væri mér slétt sama þó það yrðu settir ökuritar í alla bíla. Þá mundi fólk kanski minnka hraðan. Eða allavega vera auðvelt að sjá að um vítavert gáleysi er að ræða ef einhver lendir í slysi þar sem hann er að krúsa á 130 á þjóðvegi eitt.

Ég er ekki að tala um að ökiritarnir sendu upplýsingar eitt né neitt, bara að það sé hægt að skoða á hvaða hraða bíll sem lendir í óhappi, eða er stoppaður fyrir hraðakstur, var í raun og veru.

Brjánn

Og hvað með akstur í við slæmar aðstæður? Á maður þá samt að geta keyrt á 90 kmh sem er auðvitað stórhættulegt eða á allt í einu að treysta fólki til að lækka hraðann þar?

Jæja… einsog ég sagði að ég virðist hafa eytt mínu þegar ég var svona 15-20 ára…

Eitt sem mætti gera við krakka í dag. Það er að skylda þau að keyra á ís. Það var sem ég gerði bara sem snáði með pabba og svo þegar ég var eldri sjálfur. Það er ágætis kennsla.

Blessaðir drengir slakið á!

Þetta er ekki hlutur sem verður innleiddur næstu 5-15 árin, eftir það verða komnir sjálfstýrðir bílar. Tilraunir með þá ganga vel í USA.

Ekki að ég sé hrifinn af slíku, ég átti '96 módel af rollu sem var svo leiðinlegt að keyra að ég seldi hann og notaði frekar strætó og leigubíla.

Bíll í mínum augum er leiktæki (það þarf ekki að haga sér glæfralega þrátt fyrir það). Þeir sem hafa eytt einhverjum tíma í útlandinu gera sér grein fyrir því að það “þurfa” ekki allir að eiga bíl.

Þó tek ég ofan fyrir markaðsmönnunum að hafa komið inn slíkum hugsunarhætti hjá landanum. Ég gat verið bíllaus í tæpt ár og get enn - Jaguarinn sér til þess annað slagið ;-)

Þarna er ýmsan fróðleik að finna. Ég er búinn að vera að skoða skýrslur um umferðaslys og það er mjög áhugaverð lesning. Ég hefði reyndar haft áhuga á að sjá nækvæmari tölur og nánari upplýsingar um slys þar sem meginorsök er talin vera hraðakstur.

Nokkuð magnað að á síðasta ári voru 92% dauðaslysa við útafakstur eða framanákeyrslu.

Það ætti þá kannski bara að banna skriðstilla? :)

Nei, í fullri alvöru. Það er annars að byrja að koma í bíla að fá skriðstilla með fjarlægðaskynjara (radar) og það er sniðugt tæki sem ætti a.m.k. að koma í veg fyrir einhverjar aftanákeyrslur.

Ég held bara að það hrjái marga að missa einbeitingu þegar þeir keyra á stöðugum 90 km/h, hvort sem það væri vegna innbyggðs takmarkara, skriðstillis eða bara með gamla laginu. Það gæti nú bara verið hættulegt að hafa um of augað með hraðamælinum, eða hvað?

Könnunin varðandi dekkinn er inni á www.umferd.is - ég man ekki betur en að ég hafi vísað þangað.

Brjann segir “Þetta er fáránleg fullyrðing. Bíll sem keyrir á götum er EKKI leiktæki. Hann er farartæki. Ef þú ætlar að nota bílinn þinn sem leiktæki mæli ég með að þú stundir þar til gert sport og haldir þig frá okkur hinum þegar þú ‘leikur’ þér. Þetta er NÁKVÆMLEGA viðhorfið sem allt of mikið af ungum strákum virðist hafa til bílanna, að þetta séu einhver leikföng.
”

Það er afskaplega auðvelt að taka hlutina úr samhengi en ég tók fram að ég ætti mér þá ósk að ég gæti notað almenningssamgöngur dags daglega en átt mitt leiktæki til nota um helgar á þar til gerðum brautum. Það fyrirkomulag er bara ekki til staðar hér en dellan fer ekki þrátt fyrir það.

Ef bíllinn minn væri ekki leiktæki þá væri ég á Yaris - en í stað þess er ég á gömlum sjaldgæfum bíl sem mér finnst vænt um. Hann er dótabíll fyrst og fremst og samgöngutæki þar á eftir.
Það er óþarfi að vera með ofstopa vegna þessarar yfirlýsingar - ég sagði líka að ég væri ekki að leika mér á götunum nema aðstæður leyfðu - eins og þú segir þá held ég mig frá “ykkur” þegar ég leik mér.
Ég er ekki hættulegur á götunum og hef aldrei valdið tjóni eða hættu í umferð og það má kannski bæta við að ég er á fertugsaldri.

Ofstopinn er að fara með þig aftur hér.
“Það er bara ekkert annað. Það er bara lokað fyrir þann möguleika að fólk geti lifað á eigin forsendum í sátt og samlyndi við aðra með því að koma í veg fyrir að það reyni hversu hratt það þorir að keyra. Er ég að lesa rétt? Finnst þér að þú eigir rétt á því að prófa hvort þú þorir að fara upp í 150 eða hvað það nú er á vegunum? Er þá Jói bóndi sem kemur inn á veginn og á ekki von á því að bíllinn sem hann sér í fjarska sé á þvílíkri ofsaferð bara ýkt óheppinn þegar þið drepist báðir ef þú nærð ekki að bregðast við? Af því þig langaði að sjá hversu hratt þú þyrðir að fara?
”

Ég eins og flestir aðrir ökumenn ek á mínum eigin forsendum og mínu eigin mati á aðstæðum. Aðstæður geta vel verið þannig að ég treysti mér til að aka á 150, augljóslega væru aðstæður ekki þannig ef Jói bóndi væri á veginum, eða bóndabær, skuggasvæði eða eitthvað sem rýrir sýn í nánd. Ég tók það líka skýrt fram “við fullkomnar aðstæður”.
Það er marg sannað t.d. í þýskalandi, bretlandi og bandaríkjunum að fólk sem ekur hraðar er vökulla undir stýri og veldur færri slysum en þeir sem aka hægar og á löglegum hraða. http://sense.bc.ca/research.htm

Ég tók skýrt fram að ég stofna ekki öðrum í hættu en þú vænir mig samt um það.

Það að nota bílinn sem leiktæki getur falist í því að upplifa ýmiskonar aksturs ánægju - vel heppnu beygja, létt skrið í beygju, bremsu yfirstýring, undirstýring, lift off yfirstýring og margt fleira - allt er þetta gert á litlum hraða og undir hámarkshraða. Ef ég hefði ekki gaman að þessu myndi ég bara keyra um á Yaris.

Í Skýrslu RNU er talað um alvarleg meiðsl. Og það breytir því ekki að þrátt fyrir hvern 1 sem deyr eru 10 sem örkumlast þá er þessi tillaga um 90 kmh læsingu á bíla ekki neitt betri hugmynd.

Öll hin fyrr rök halda þó slysin séu fleiri - rökin eru þau að þangað til að bílar eru orðnir alsjálfvirkir þá verað ökumenn að hafa hugann við aksturinn, bæta verður vegina og auka þjálfun. Þetta er ég búin að segja allan tímann og varla mótmælir nokkur maður þessu?

Forræðishyggja og hræðsluáróður. Stór orð en sönn hvað þetta varðar. Það bendir allt til þess að slysum muni fækka á Reykjanesbraut ef hámarkshraði verður hækkaður til samræmis við hraðavitund þorra ökumanna. Ökumaður á meiri hraða er vökulli en ökumaður á litlum hraða - þetta er staðreynd.

Mér finnst leiðinlegt ef þér finnst ég vera að rugla en þú dregur fram einstaka þætti og mistúlkar þá. Ég held ég hafi fært næg rök fyrir máli mínu og ég get vísað í margar kannanir þar sem sýnt er frammá að farsælast sé að fylgja hraðavitund ökumanna og þar er notast við 85% regluna - 85% af meðalhraða ökumanna í frjálsri umferð (án takmarkana) er rétti og eðlilegasti hraðinn.

Munið að 90km hámarkshraði á aðeins við ‘við bestu aðstæður’ - þannig er það í lögunum.

bebecar sagði:
“Það ætti engin að keyra á 130-140 neinsstaðar í umferð - ég sé hinsvegar ekkert að því á auðum vegi, einn í bíl og við fullkomnar aðstæður.”

uhhh … en bíddu, nú skil ég ekki alveg! Af hverju má þá ekki setja svona hraðatakmarkara sem kemur í veg fyrir að bílar keyri svo hratt? og þeir sem væru í spyrnu og þess háttar gætu e.t.v. fengið undanþágu frá því að hafa þetta dót í bílnum?

Ég hef ekkert á móti kennslu og þjálfun, en ég skil ekki af hverju þetta má ekki vera líka :S

Kveðja,
Eva