Mig langar til að svara flestu því sem hefur komið fram hérna eftir bestu getu og ætla að byrja á kostnaðinum:
Þetta sem þarf að gera fyrir veturinn kostar meira og minna nokkra brúsa af efnum, WD-40 er olía sem má nota á allt meira að segja sem startsprey ef bíllinn er tregur í gang. Brúsinn kostar um 300 kall og sjálfsagðari hlutur í öllum bílum en smjör í ísskápinn. Barkann fyrir pústkerfið er hægt að nálgast á kannski 200 kall og á að endast í 3-5 ár áður en hann byrja að molna og taka falskt, frosið loft. Ísvari kostar 300 kall og 1 brúsi endist út vetur eins og þennann, dekkjahreinsir með pumpu gæti kostað 6-700 kall og veldur því að dekkin grípi í undirlagið. Lásaolía er betri en olía í lásana en ég nota WD-40 án vandræða. Sílikontúpur fást á bensínstöðvum og kosta 2-300 kall. Áberandi dýrasti parturinn eru kveikjuhlutirnir en ef þú skiptir um þá reglulega þá heldurðu mótstöðunni í kveikingunni í lágmarki sem skilar hámarksneista og þessvegna betri nýtingu á bensíninu. Þannig eyðir bíllinn minna, skilar meira og mengar minna. Nauðsyn góðra rúðuþurrkna þarf ekki að tíunda en það er gott að miða allt viðhald við árstíðir. Skipta um kveikju fyrir veturinn þá reynir mest á hana og skipta um rúðuþurrkur 2 sinnum á ári fyrir veturinn og sumarið.
Með akkúrat svona viðhaldi og kannski pínulítið meira til þá ertu að forðast það að bíllinn bili. Það er ekki heldur ódýrt að láta Vöku ná í bílinn upp á heiði af því að það fraus í bensíninu.
Í viðbót við þetta þá er nauðsynlegt að vera vakandi yfir ástandi bremsubúnaðarins og taka upp dælurnar þegar skipt er um klossa. Það eru gúmmíhosur sem verja brensurnar gegn ryki og drullu og það þarf að skipta um þær reglulega. Síðan er feiti inni í hosunum sem mettast af vatni og það þarf að skipta um feitina. Svona sett kosta 3-5 þúsund kall í bremsuparið (fer náttúrulega eftir tegundum bíla og hvernig bremsurnar eru, t.d. kosta dælurnar sjálfar um 1500 kall í Lödu sport). þetta er gert til þess að bremsurnar hreyfist rétt og eru liðugar. Þá er bíllinn ekki að misbremsa.

Ihg “engir strædóar yfir heiðina”?
Þeir heita rútur og ganga að meðaltali 5-7 ferðir á dag. Reyndar eru þeir ekki á sama verði og strædó en ef þú ert 1 á ferð þá borgar það sig að nota þær. Það má líka nefna að ef þú vinnur frá 9-17 á Egilstöðum þá henta flugferðirnar svo vel að þú gætir farið á milli daglega og búið í Reykjavík.

Paddington. Ég geri þetta miskunnalaust af því að ég vil að ef eitthvað gerist þá má þetta ekki gerast óvænt og ég vil ekki að þetta komi á óvart. Hinsvegar reyni ég ekki að fá þá aftaná mig heldur geri ég þetta þannig að þeim bregði við og auki bilið. Ég geri þetta heldur ekki nema þegar ég missi þolinmæðina gersamlega og þá fara þeir líka alltf framúr mér og gera einhver furðulegheit með puttunum.oloo.

babecar, ég er bara þeirrar skoðunar að það á ekki að þurfa að sekta menn fyrir allann fjandann, menn eiga bara að gera þetta óumbeðnir, þetta er svo sjálfsagður hlutur. Löggan á að vera iðin við að taka þá sem eru að brjóta lög.

izelord, nagladekk eru það form dekkja sem er komin mest og best reynsla á og ég virði þá ákvörðun að velja þau. Hinsvegar eru til náttúrulega 2 aðrar tegundir vetrardekkja. Harðkorna og loftbóludekk. Þau eru prýðisuppfinningar en í báðum tilfellum ókláruð. Harðkornadekkin eru sóluð og þá er bannað að setja þau undir 4x4 bíla. Sóluð dekk hafa ekki eins stranga staðla um stærð og þar af leiðandi getur myndast spenna á drifin sem bíllinn getur losað sig við með því að spóla að tilefnislausu. Lofbóludekkin eru bara gróf dekk í óþjöppuðum snjó og valda því að bíllinn eyðir meira í réttu færi. Sogskálarnar eru heilmikið álag fyrir mótorinn. Ef framleiðendur þessara 2 dekkja myndu smeinast þá yrði útkoman sennilega dekk sem myndu slá nagladekkin út á 1 ári. Það eru svo margir kostir við báðar tegundir. Hinsvegar verður gaman að fylgjast með þróuninni. Það er líka misskilningur að halda að heilsársdekk sé nóg. Dekkjafræðin ættu annars heima á sér grein, það gætu kostað mikil og skemmtileg rifrildi.

Mal3, Skiptu um dekk! Ef þú laumast andartak úr saltinu þá er von á hálku hvenær sem er. Á Egilstöðum um síðustu helgi var 2-4 stiga hiti á mæla veðurstofunnar en fljúgandi hálka og hrím á öllum götum. Þegar verður hált þá gerist það mjög skyndilega og saltliðið ekki tilbúið fyrr en löngu sinna.

mystic, “MAÐUR KEYRIR EKKI Á 100 Í HÁLKU!!!”

Þegar þú velur þér hraða sem þú ætlar að ferðast á þá notar þú ekki þá aðferð að keyra örlítið hægar en þegar bíllinn byrjar að skrika. Þú tekur mið af ÖLLUM aðstæðum. Bíllinn minn er sennilega alveg jafnfljótur ef ekki fljótari að stoppa og þinn samt, þrátt fyrir að hafa alla mína ævi sem ökumaður sem hefur keyrt á 6 árum u.þ.b. 230 þúsun kílómetra (eingöngu mína eigin bíla) hef ég, á ósöltuðu undirlagi, bara 1 sinni farið uppfyrir 100 km hraða. Og það með hjartað í buxunum. Viðnámsfletir bíla til jarðar eru alltaf svipaðir. Bara 4 dekk og þá bara smávegis flötur í einu.
Erlendis gerist það líka yfirleitt þannig að ef eitthvað versna aðstæður þá snarhægir á allri umferð. Þar eru líka að keyra á milli staða u.þ.b. 1000 sinnum fleiri bílar en hér og þeir þurfa ekki að venjast því að fá hálku eins og við. Hérna er þetta sjálfsagður hlutur.

Það er hinsvegar alveg rétt að bæði ökumenn og bílar eru misjafnir. ökumenn eru misglöggir á að átta sig á að sleppa því að læsa bremsunum og misiðnir við að rykkja í stýrið til að forðast það að keyra útaf, sem er 2 stærsti þátturinn í því að valda slysum næst á eftir of hröðum akstri miðað við aðstæður. Sumir bílar eru búnir bæði ABS bremsum og jafnvel skrikvörn sem bæta bílana verulega EN það er oft búnaður sem menn treysta á og hugsa “ég er með svona góðann bíl með 4x4 spólvörn skrikvörn og ABS svo að ég þarf ekkert svona góð dekk”. Þá eru forsendurnar horfnar og vel skóaður bíll með venjulegar bremsur hefur styttri stöðvunarvegalengd. Þessi búnaður er heldur ekki hannaður til að maður treysti á hann heldur hrein viðbót til að þú getir brugðist við til að afstýra óhöppum. Svona búnaður er líka jafn hættulegur og hann er góður ef ekki er hægt að slökkva á honum. ABS á lausamöl þýðir það að bíllinn stoppar ekki. Það eru einu aðstæður þar sem er mælt með að klossbremsa. Þá grafa dekkin sig niður og fargið stoppar bílinn.

Ég hef smávegis samviskubit að vera að reyna skrifa svona grein vegna þess að ég er ekki nema 24 ára gamall og hef þ.a.l. ekki nokkra einustu reynslu af akstri miðað við menn sem eru búnir að vera á ferðinni í 40 ár eða meira. Hinsvegar er ég búinn á þessum árum að keyra drjúgt og tölurnar sem ég nefndi eru aflestur af mælum þeirra bíla sem ég hef átt. Þá er óupptalið það sem ég hef keyrt bíla sem aðrir eiga sem er svosum engin ósköp. Ég hef lengi velt því fyrir mér þegar ég er að keyra yfir heiðina í hálku (ég tek fram að ég er á löngum jeppa með mjög grófum nagladekkjum og ég tel að þetta sé 1 af stöðugustu bílum sem ég hef keyrt í hálku) af hverju það taka alltaf framúr mér flottir smábílar með stráka umdir stýri sem eru auðsjáanlega yngri en ég. Þeir geta ekki verið nokkurn skapaðann hlut betur að sér í svona akstri en ég og ef þei skrika eitthvað til við framúraksturinn þá taka þeir mig með. Hvers virði er þá allt viðhaldið á bílnum??

Kv Isan

Já, það er nú akkúrat vandamálið að margir á 4X4 virðast ekki gera sér grein fyrir því að fjórhjóladrifsbílar eru alveg jafn lengi að stoppa og aðrir bílar, þrátt fyrir að þeir séu sneggri af stað.

Ætli það sé ekki kominn tími á skipta á vetrardekkin, veturinn virðist ætla að byrja núna í vikunni.