Ég ætla að halda lan heima hjá mér út allan desembermánuð og bjóða 500 BF spilurum að koma. Þið skráið ykkur með því að senda mér e-mail á joli51@hotmail.com.

Dagskráin er á þá leið að þið mætið (helst 1. desember), við setjum upp tölvurnar og byrjum að spila BF, eða hvern annan þann leik sem hugurinn girnist. Mamma ætlar að baka smákökur, piparkökur, þýska “stollen” og aðrar jólakökur (ykkur er velkomið að koma með uppskriftir sem hægt er að prófa). Borðað verður klukkan 12:00, 16:00 og 19:00 og þar inni á milli. Síðan ætlum við að reyna að eyða alla vega hálfri klukkustund á dag fram að jólum í að syngja jólalög saman (Kannski á TS bara?).

Á aðfangadag sjálfan söfnumst við svo allir saman inni í borðstofu á slaginu 18:00 og borðum saman jólamatinn (og þið megið auðvitað koma með fjölskyldurnar ykkar, pakkana og jólatréin með ykkur). Í matinn verður hamborgarhryggur, lambalæri, kalkúnn, gæs og pekingönd eins og þið getið í ykkur látið og svo verður náttúrulega möndlugrautur með veglegri möndlugjöf (Nýrri Alienware Area 51 vél). Eftir matinn fjölmennum við inni í stofu og opnum jólapakkana saman, syngjum saman, hlæjum saman og borðum konfekt þangað til við fáum illt í magan.

Á jóladag munum við einungis spila “jólasveinamoddið” mitt fyrir BF sem ég hef verið að vinna að síðastliðið árið. Á jóladagskvöld skundum við svo allir heim til hennar ömmu minnar í jólaboð (hey, some things never change). Svo verður bara spilað áfram á milli jóla og nýárs.

Á gamlárskvöld förum við allir upp á Hamarinn í Hafnarfirði og sprengjum flugelda. Þá verða einnig gefin verðlaun fyrir besta heimatilbúna flugeldinn. Á nýársdag sofum við og annan janúar pökkum við saman og haldið verður heim á leið. Ef vel tekst til verður sami pakkinn aftur næstu jól.

Með von um góðar viðtökur,<br><br>[I'm]Jolinn

I wouldn't venture out there, fellas. This sniper's got talent!