Eg las Raiju bækurnar fyrir mörgum árum og elskaði þær. Frábærar bækur. Varð reyndar svolítið svekkt af því að mér fannst þær ekki enda nógu greinilega. Það var eins og það ætti að vera eitthvað meira. Svo í skólaferðalagi til Noregs kemst ég að því að það eru ekki bara 12 bækur eins og voru gefnar út á ‘Islandi…. nei heldur 39. Þá hafði ég ekki efni á að kaupa það sem vantaði upp á. En núna er ég nýflutt til Noregs og er að fara á morgun til þess að kaupa nokkrar. (Fyndið að þessi þráður skyldi birtast á Huga). Planið hjá mér er að kaupa allar 39 bækurnar á norsku og lesa. Það tekur kannski samt nokkra mánuði. Mér finnst það bara nokkuð lélegt hjá þeim heima að hætta í miðri seríu af því að þeir voru ekki að græða nóg. ’Eg held að Noregur sé draumaheimur fyrir fólk sem elskar seríur. Það er alveg hellingur af þeim hérna og það er fullt af þeim sem mig langar að lesa.

En allavega, ég ætla nú ekki að hræða neinn frá því að lesa Raiju bækurnar en bara vara fólk við. Það er alveg þess virði að lesa bara fyrstu 12. Kannski verð ég rosalega dugleg og set upp útdrætti úr hinum bókunum fyrir þá sem vilja vita hvað gerist eftir bók númer 12 á vefsíðuna mína. 'Eg leitaði lengi á netinu að einhverjum sem hefði gert eitthvað svoleiðis en fann engan.

Vona bara að þið njótið Raiju bókanna. Þær eru alveg frábærar.
Ggogsi