Ég skil nú ekki alveg hvað þú ert að fara. Þetta áhugamál heitir ekki Bókmenntir og listir og hefur aldrei heitið það. Þetta áhugamál heitir Bækur. Kannski hefurðu ætlað að senda þetta inn á Bókmenntir og listir en óvart sent það hingað. En hvað um það.

Vissulega má til sanns vegar færa að ákveðnar bókmenntir eiga meira upp á pallborðið hér en aðrar. Annað væri eiginlega óhugsandi, þ.e.a.s. að allar bókmenntir væru jafnvinsælar. Þrátt fyrir það sé ég ekki tilganginn með því að breyta um heiti áhugamálsins. Bækur er ágætt nafn sem gefur til kynna að hér megi fjalla um bækur af hvaða tagi sem er. Og ekki viljum við banna þeim örfáu sem vilja fjalla um aðrar bækur en fantasíu- og vísindaskáldskap eða Harry Potter að gera það, eða hvað?<br><br>_____________________________________
Aut tace aut loquere meliora silentio.

Ég skil ekki alveg hvað þú átt við….

eru fantasíur og sci-fi ekki bókmenntir, ekki listir?? Ég held að þú þurfir aðeins að íhuga þetta nánar…

T.d. Dune, þessi bók er flokkuð sem vísindaskáldsaga, en er engu að síður mikið og stórbrotið bókmenntaverk. Eiga bækur að líða fyrir umhverfið sem þær gerast í!!

Og svo er enginn að segja að eitt eigi meira upp á pallborðið en annað hér á þessu áhugamáli sem heitir BÆKUR, fólk bara kýs að setja inn greinar um það sem það vill, enginn stoppar neinn sama hvort hann er að tala um ísfólkið, Hringadróttinssögu, Dostojefskí eða Andrés önd. (ef það eru bækur.)

þetta er OPIÐ og það er enginn tilgangur í að breyta neinu nafni!