næs ég er einnig að lesa chamber of secrets :)

síðan er ég að berjast við snorra-eddu og inn á milli kíki ég í manstu mig? eftir sophie kinsella sem ég er orðin ástfangin af, ferð eiríks til jötunheima og nú brosir nóttin sem er ævisaga langalangaafa míns… ég hef bara ekki verið að lesa svona mikið síðan ég var 10 ára og hafði ekkert betra að gera

Mér líst vel á þig, það er skylda að rifja Harry Potter bækurnar upp af og til =)
Ég las síðustu fjórar bækurnar á ensku í fyrra og maður finnur mikinn mun. Mér finnst þær vera mikið fullorðinslegri á frummálinu.

Þýddar fantasiubækur eru það reyndar oft, núna er ég að lesa Brisingr, þriðju Eragon bókina af fjórum, á ensku, og það er mikill munur á henni og annarri bókinni, Eldest, sem ég las á íslensku.
Mig grunar að þýðendur séu gjarnir á að halda að fantasíubókmenntir séu einungis fyrir börn.

Einnig var það stefnan í páskafríinu að lesa kjörbókina sem ég valdi mér í skólanum.
Það hefur samt gengið mjög upp og ofan. Upphaflega setti ég markið hátt og ætlaði að lesa Don Kikóta, sem ég hef alltaf verið spennt fyrir, enda mikill aðdáandi riddarasagna. Síðan sá ég ekki fram á að geta komist nógu vel inn í söguna til að geta haldið um hana kynningu og hætti við það. Hún situr enn á skrifborðinu mínu.

Þá skipti ég yfir í Galdrastelpuna eftir Celiu Rees. Hún er mjög góð og ég mæli með henni. Mér fannst hún aftur á móti ekki nógu efnismikil fyrir kynningu, þótt hún sé ágætis skemmtilestur.

Þá ætlaði ég að lesa Söguna endalausu eftir Michael Ende. Kom þá upp sá vandi að ég fann hvergi eintak, og var ég frekar leið yfir því.

Aftur á móti fann ég aðra bók eftir hann, sem mig rámar meira að segja í að hafi verið lesin fyrir mig þegar ég var lítil, bókina Mómó, (fullu nafni Skrítin saga um tímaþjófana og barnið sem frelsaði tímann úr klóm þeirra og færði hann mannfólkinu á ný) og ég ákvað að lesa hana, enda minnti mig að ég hafi notið hennar.
Það er einkennandi fyrir verk Michaels Ende að maður getur lesið þau bæði sem barn og fullorðinn. Þegar maður er barn getur maður í sakleysi sínu notið þess parts sögunnar sem sagður er berum orðum en sem fullorðinn getur maður lesið svo miklu meira í þær.

Nú hallast ég aftur á móti að því að gera þessa grábölvuðu kynningu bara um Brisingr, ég get bara alls ekki slitið mig frá henni, jafnvel ekki fyrir Mómó. =)

Vá, gangi þér vel með þýsku smásögurnar. Dáist að þér. Ég er með nokkrar þýskar bækur í “eftir að lesa” hillunni hjá mér. Ég á að vera þokkaleg að lesa á þýsku en ég geri allt of lítið af því og þá er virkilegt átak að byrja…

Annars er ég með allt of margt í gangi eins og hefur verið undanfarna mánuði. Ég er að rembast við að lesa Frú Bovary eftir Flaubert og er ekki í stuði til þess. Í staðinn datt ég ofan í Southern Vampire Mysteries eftir Charlaine Harris. Er í bók fjögur núna.
Til hliðar glugga ég í bók sem fjallar um það að skrifa ástarsögur og bókmenntafræðiritgerðir um mismunandi skáldsögur.

Ég þyrfti eiginlega að skipta Frú Bovary út fyrir Dauðinn á Níl eftir Agöthu Christie sem ég vona að verði athyglisverðari.

Ég er að lesa Dagbók Önnu Frank.
Er reyndar frekar löt við að lesa núna þar sem ég las mjög mikið á tímabili.

Úff, ég á svo mikið af námsbókum að komast í gegnum svo ég er að lesa þær, meira að segja í páskafríinu. Þar af leiðandi er ég alltaf að byrja á öðrum bókum inn á milli sem ég er lengi að klára en núna er ég að lesa:

a. Kirkja Hafsins eftir Ildefonso Falcones. Byrjaði á henni um Jólin og er ENN að, enda búin að lesa margar aðrar inn á milli.

b. Byrjaði um daginn á Colour of Magic eftir Terry Pratchett. Hef enn ekkert komist almennilega inn í hana en gott að hafa svona litla kilju að lesa í strætó og svona.

c. Hef í nokkurn tíma verið að lesa Saga Tímans eftir vísindamanninn Stephen Hawking og glugga í hana bara inn á milli.

d. Auður er á náttborðinu þar sem ég er með hana í láni en ég ætla mér ekki að byrja á henni fyrr en ég er búin með Kirkju Hafsins.

Sem sagt margt og mikið í gangi þessa dagana, á döfinni eru svo u.þ.b. 50 bækur uppi í bókaskáp, nýkeyptar og enginn tími til að lesa þær. Ég býð bara spennt eftir sumrinu, þá taka Don Kíkóti, Metamorphoses, Laxness og annað eins við. Vonandi einhverjar stórar líka sem er gaman að glugga í við tækifæri, eins og Saga mannsins o.fl.

Bækurnar sem ég er að lesa eru;

-Korkusaga (er reyndar að lesa hana í annað sinn =D)
-Hrafninn
-Baneitrað samband á Njálsgötunni.

Yfirleitt eru þær nú fleiri, bókasafnið er bara lokað yfir páskanna :'(
Baneitrað samband á Njálsgötunni er sjúklega fyndin, mæli sko með henni! Ég grenja oft úr hlátri á kvöldin :), annars mæli ég bara með þeim öllum ;)

Rawls, R.A. Salvatore og Dostoevskij eru þeir höfundar sem liggja á náttborðinu mínu eins og er.

Ég var að klára að lesa Spilin á borðið í dag eftir Agöthu Christie … svo er ég eitthvað smá að lesa Twilight upp á grínið.

Ég er að lesa 3 bækur líka, Change of Heart eftir Jodie Picoult, Shiver eftir Maggie Stifvater og Pride & Prejudice eftir hina einu sönnu Jane Austen. Reyndar hef lesið Shiver og Pride & Prejudice áður, er bara að lesa aftur því ég elska bækurnar mínar. =]
Næst fer ég í það að klára Percy Jackson bókaflokkinn(tók fyrstu 3 á viku eða eitthvað og fékk svo bara ógeð) svo er það All the Things We Never Said eftir Sara Shepard.

Importance of Being Earnest eftir Oscar Wilde

Beyond Good and Evil eftir Friedricht Nietchse

Er að lesa síðarnefndu bókina í sjötta skiptið, er ekki ennþá að ná að skilja hana fullkomlega. Virkilega erfitt mál og hugtök.