Það eru ekki birtar tölur um sæti áhugamála, en það eru birtar tölur um flettingar á áhugamálunum og hlutfall þeirra af flettingum inni á Huga.is.

Það er ekki búið að birta tölur fyrir águstmánuð enn þá en í júlí voru 4901 flettingar á bókaáhugamálinu og var það 0,10% af heildarflettingum á Huga. Í fljótu bragði sýndist mér Bókaáhugamálið vera í 90. sæti á listanum.

Flettingar á áhugamálinu hafa verið álíka margar frá því í febrúar (3749 í júní, 4116 í maí, 4924 í apríl, 4413í mars, 4584 í febrúar) en voru 10.204 í janúar og aldrei færri en 5000 síðasta ársfjórðung 2004 (7473 í desember, 6669 í nóvember, 5317 í október).

Ég giska á að fjöldi flettinga sé í réttu hlutfalli við fjölda greina sem sendar eru inn. Fátt hefur jafnmikil áhrif á virkni áhugamála og greinafjöldinn. Þess vegna væri frábært að fá fleiri greinar, en líka kannanir og myndir og tengla o.s.frv.

Varðandi bókaorminn: Ég sá um þennan lið frá upphafi en undir lokin fór að bera mjög á því að bókaormar sendu ekki inn svör þegar að þeim kom; höfðu þá kannski ekki kíkt inn á Huga í langan tíma og búnir að gleyma þessu. Þetta einfaldlega hætti að virka. Ég hef boðið hinum stjórnendunum að taka þennan lið að sér ef þeir hafa áhuga, en ekkert hefur gerst. Það er einfaldlega of mikil vinna að vera endalaust að minna notendur á að senda inn svörin sýn, fara yfir þau, setja inn html tög o.s.frv.

Kannski væri hægt að finna aðra lausn, útbúa nyjan kork þar sem hver og einn getur sent inn eigin svör og fengið viðbrögð. Hljómar það vel?

Þess má geta að tölur yfir ágústmánuð voru að koma inn og skv. þeim voru flettingar á áhugamálinu 3543 talsins en það var 0,07% af heildarflettingum á Huga.is. Áhugamálin eru ekki númeruð á þessum lista en mér sýnist í fljótu bragði að áhugamálið sé í 105. sæti, en flettingar á áhugamálinu hafa ekki verið færri á þessu ári og raunar ekki síðan fyrir september 2004 en það eru elstu tölur sem ég hef aðgang að.