Ég held að það að lesa fyrir börn verði seint vanmetið!

Lykiatriði í því að mínu mati, þe uppá þroska barnsins, er að lesa alvörubækur. Þá á ég ekki við Glæp&Refsingu, nei ég meina bækur sem eru ekki endilega “barnalegar”. Þeas bækur sem eru á nokkuð góðu máli, td þjóðsögurnar, og fleira. Börin munu nema orðin og orðasamböndin mjög mjög hratt, og lifa á þessu lengi. Bara byrja nógu snemma, og lesa eins flóknar bækur og barnið “þolir”. Ég held að tendens til að hlífa börnum við flóknum hlutum sé enkar slæmur. Ég man að þegar ég byrjaði í sex-ára-bekk var td allar tölur sem lagðar voru saman ekki fleir en fingur annarar handar! Ömurleg vanýting á því hvað börn geta í raun. Ég man það líka að ég kláraði allar æfingabækur í stærðfræði í 7ára bekk, ss kennarinn hafði ekki fleiri bækur til að láta mig klára, en hún (kennarinn) virtist í raun líta á þetta sem vandamál. Það var ekki annað fyrir mann en að slaka á. Hvílíkt skólakerfi!! Kennarar ættu að pikka hæfileikafólk út í upphafi í stað þess að steypa alla í form meðalmennskunnar. Hmmm.. afsakið útúrdúrinn. ;)

Hmm.. ss legðu það á barnið sem það þolir, en alls ekki meir! En bara vera óhrædd við að prufa alskyns bækur.

Kv
VeryMuch

Það var mjög mikið lesið fyrir mig í æsku, alveg frá því að ég man eftir mér (2-3 ára). Mamma las alltaf fyrir mig fyrir svefninn. Ég varð eiginlega bara hálfsvekkt þegar ég var búin að læra að lesa og mér var sagt að ég gæti bara lesið sjálf, það var svo ósköp huggulegt að kúra hjá mömmu og hlusta á sögur. Ég held reyndar að samveran sé ekki síðri hluti í að lesa fyrir börn heldur en bækurnar sjálfar.

Það er oft talað um því fyrr sem byrjað er að lesa fyrir börn því betra. Ég held að það væri mjög sniðugt fyrir þig að byrja bara strax að lesa meira fyrir þau bæði. Það er búið að sýna fram á það með mörgum rannsóknum að börn sem lesið er fyrir er fljótari að ná málþroska og þau ná betra valdi á málinu sem er e-ð sem þau búa að alla ævi.

Núna er ég 19 ára menntaskólanemi og ég les aðallega skólabækur, þó að ég grípi í eina og eina mér til skemmtunar. En ég á mér margar uppáhaldsbarnabækur, fer alltaf í heljar nostalgíukast þegar ég skoða gömlu bækurnar mínar :)

En endilega lestu meira fyrir börnin þín, það á eftir að skila sér margfalt.
Bestu kveðjur,
Xenia

það Á að lesa mikið fyrir börnin sín!!! það var lesið mikið fyrir mig þegar ég var lítil, og þá ekki bara svona barnabækur og svoleiðis heldur margt annað (t.d. einhver sem ég man ekki hvað heitir en pabbi minn dýrkar og er svört skuggamynd af manni framaná! algjör snilld…)

og mér finnst ég hafa frekar gott lag á íslenskri sem erlendri tungu og les alveg slatta! (allaveganna miðað við jafnaldra mína!)

það sem börn þurfta alveg frá blautu barnsbeini eru sögur og tónlist! sögurnar/bækurnar efla málvitundina og búið er að tengja tónlist í æsku við betri skilning á stærðfræði! (ég ólst upp við bæði tvennt… þetta stenst, a.m.k. í mínu tilfelli!)

ég er nú 18 ára drengur og ég les alltaf fyrir svefninn því annars get ég ekki sofnað og ég verð líka að játa að bróðir minn ljónshjarta er uppáhaldssagan mín og ég hef lesið hana trilljón sinnum :)

Sjáumst í nangijala ;)

Já, mér finnst nauðsynlegt að lesa fyrir krakka. Ég lærði að lesa 4 ára og hef ekki getað hætt. Ég dýrka bækur. Og vegna þess hversu ég les mikið þá gengur mér rosalega vel í Stafsetningu og Málfræði og þannig í skólanum. Það skiptir rosalega miklu máli að kunna að lesa vel og lesa mikið. Ég les alltaf fyrir litlu frænku mína sem er 2 ára þegar ég passa hana. Hún hefur rosalega gaman af bókum og vill alltaf láta lesa fyrir sig.

Verð að tjá mig um þetta efni. Það er aldrei of snemmt að lesa fyrir börn. Maður byrjar á plast myndabókaunum sem þau geta nagað. 1 árs geta þau farið að skoða myndir í harðspjaldabókum og fengið útskýringar; kisa,blóm etc.. 18 mánaða til 2 ára geta þau alveg skilið þó nokkuð flókin texta ef maður útskýrir sjaldnotuð orð og orðasambönd. Ég á tvo stráka og báðir vöktu athygli fyrir ótrúlegan orðaforða strax frá því þeir byrjuðu að tala. Hvorugur hefur reyndar stoppað síðan fyrstu orðin komu út. Það var lesið fyrir eldri strákinn jafnvel eftir að hann varð sjálfur læs. Hann hló svo mikið að múmínálfunum þegar pabbi hans las þá fyrir hann, leikandi allar persónurnar mað mismunandi röddum, að hann datt út úr rúminu. Þessi litli er bara rúmlega þriggja ára og vill helst láta lesa fyrir sig í bundnu máli. Við höfum lesið Þórarinn Eldjárn við mikla kátínu, Roald Dahl-Ófreskjur- við dálitla kitlandi hræðslu, Köttinn mað Hattinn og Þegar Trölli Stal Jólunum og allt annað sem við finnum á bókasafninu. Endilega farið með börnin ykkar á bókasafnið. Jafnvel eftir að við fluttum út fyrir Reykjavík förum við í Borgarbókasafnið v/Tryggvagötu. Barnadeildin er stórkostleg með sérstöku lestrarherbergi fullu af stafapúðum og dýnum.
Ég hef þekkt næstum því ólæst fullorðið fólk á Íslandi-Íslendinga. Fólk sem ekki er talandi á nein erlend tungumál. Fólk sem les ekkert umfram Morgunblaðið. Öll börn eiga að fá að njóta þess að láta lesa sig í svefn og dreyma síðan um Snúð og Þengil, Bangsímon og Grislingin, Múmínsnáðann g Míu Litlu etc.