Refur98 fyrir 23 árum, 5 mánuðum Fjöldi lestra: 699

"Ruslbókmenntir"

Hér er ég að tala um bækur eins og “Rauða Serían” og
“Ísfólkið” (nú verða MARGIR ósammála mér, en ég vil taka
það fram að ísfólkið er langtum betra en besta
rauðuseríubók). Þessar bækur eru líka kallaðar
afþreyingarbækur, kellingabækur eða rómantískar bækur (?)
og flokkast almennt undir ódýrar og formúlukenndar bækur.
Oftast eru þær mjög stuttar, minna en 200 bls. og nær alltaf í
kiljuformi.

Ég hef gerst sek um að lesa nokkrar rauðuseríubækur og 13
ísfólksbækur og ég man ekki eftir einni þeirra í smáatriðum.
Söguþráðurinn var alltaf eins: Falleg kona í e.k. hættu, skilin
við manninn eða í þá áttina. Hún hittir myndarlegan mann
(dularfullur, framandi, lögga, spæjari, ríkur, …) sem henni
finnst ömurlegur í fyrstu en svo heillast hún af honum því hún
þráir svo að “hvíla í öruggum faðmi karlmanns” (gubb!). Að
lokum verða þau ástfangin, njóta ásta (=geraða) og giftast
eða byrja allavega að búa saman.

Frægasti höfundur þessara bóka er auðvitað Barbara
Cartland, en yfir 800 bækur eftir hana hafa verið gefnar út. Að
meðaltali skrifaði hún 2 bækur á viku, held ég, og varð forrík,
klæddist alltaf bleiku og málaði sig svakalega mikið allt þar til
hún lést níutíuog eitthvað ára gömul.

Ég mæli með að geyma allavega eina svona bók á salerninu.
Gott er að grípa til þeirra þegar þarf að hægja sér, því þessar
bækur veita afþreyingu, en það er engin hætta að maður
dveljist langdvölum á klósettinu við að lesa hana. Mjög
auðvelt er að leggja þessar bækur frá sér þegar maður er
hálfnaður og maður saknar einskis frá þeim.
Manneskja með meðal leshraða ætti að geta klárað eina
svona bók á rúmlega klukkutíma og því eru þær tilvaldar ef
maður hefur ALLS ekkert annað að gera og leiðist.

Afþreyingarbækur af þessari tegund eru ofboðslega mikið
lesnar um allan heim, og mikill meirihluti lesendanna eru
konur. (Ef einhver veit um karlmann sem hefur lesið “Rauðu
seríuna” má hann vinsamlega láta mig vita svo ég geti orðið
hissa). Helsti kosturinn er auðvitað hversu auðveld lesning
þær eru og auðmeltanlegar en á móti kemur að þær eru alls
ekki eftirminnilegar. Ég vona að ég hafi engan móðgað sem
er aðdáandi ísfólksins og mæli með þessum bókum, allir
ættu að lesa a.m.k. eina til að víkka bókmenntahringinn hjá
sér.
Refu

Að sigra heiminn er eins og að spila á spil

Lois fyrir 23 árum, 5 mánuðum

Mér finnst hræðilegt til þess að hugsa að konur séu stæzti hópurinn sem les þetta rusl. Eru þær svona heimskar, eða hvað er málið?

Fyrra álit

RoMpEr fyrir 23 árum, 5 mánuðum

Konur eru ekki heimskar tegar tear eru ad lesa tessar beakur! Tad er alveg naudsynlegt svona stundum ad slokkva a heilanum og tessar beakur eru alveg tilvalar til ad gera tad. Tessar beakur krefjast mjog farra heilaselna nema kannski til ad lesa stafina, hitt kemur ad sjalfu ser.

En Refur98 gleymdi einu. Tad eru lika til annars konar ruslbeakur sem menn lesa alveg lon og don og tad eru beakur eftir hofunda eins og John Grisham og Sidney Sheldon. Tear eru kannski ekki alveg eins sleamar en tegar tu hefur lesir um trjar beakur eftir sitt hvoran hofund ta ertu buin ad lesa tear allar. Tetta heita fearibandabeakur. Hofundarnir vita ad teir geta skrifad tetta og tad er alltaf verid ad bydja um nyjar tannig ad teir skrifa tetta a fearibandi.

Eg er ekki ad segja ad tessar beakur seu allar omulega og folk eatti ad halda sig fra teim. Alls ekki. Tetta er bara ein grein af bokmenntum og tear eru alveg tilvaldar til ad taka med ser i ferdalagid eda til ad slaka a eina kvoldstund (tad er timinn sem tad tekur ad lesa eina svona bok:)

RoMpE

Fyrra álit

Rapunzel fyrir 23 árum, 5 mánuðum

ég er sammála commentinu um að hafa svona bækur við höndil á klósettinu….þær hafa án efa hægðalosandi áhrif!!

Fyrra álit

daxes fyrir 23 árum, 5 mánuðum

Jamm…ég hef lesið Star Wars bækurnar í flugvélum, X-Wing flokkinn sérstaklega, það er ágætt því þá getur maður slökkt á heilanum og látið tímann líða.

kv,
DaXes

Fyrra álit

Erba fyrir 23 árum, 5 mánuðum

hmmm gleimst hefur ad minnast á tildaemis morgan kain baekurnar sem er um einmanna kúreka sem bjargar deginum og faer fallegustu konuna en endar samt einn (thad eru um 30 baekur til um hann) og er staersti leshópurinn menn ég held bara ad thad sé ágaett stundum eftir langann dag thegar thig langar ad lesa og slappa af en nennir ekki ad hugsa út plottid ad setjast nidur med einfalda bók sem ekkert tharf ad vera ad paela í ;) thad finnst mér allavegana;)

Fyrra álit

selene fyrir 23 árum, 5 mánuðum

Ég er ein af mörgum konum sem hef lesið Ísfólksbækurnar. Allar. Til að byrja með var þetta fínt… jújú, vissulega er þetta alltaf sama formúlan með fyrirsjáanlegum enda, en það er nú ekkert sem á að koma manneskju á óvart sem á annað borð er að lesa svona bók. En svo verða þær leiðinlegri og leiðinlegri, af því að hversu góður sem rithöfundurinn er þá er ekki hægt að skrifa yfir 40 skemmtilegar bækur! Maður fær það heldur á tilfinninguna að höfundurinn hafi bara bullað eitthvað í síðustu 15 bókunum til að klára samninginn sinn.

Annað sem fór óendanlega mikið í taugarnar á mér er að bækurnar eru uppfullar af stafsetningarvillum! Meira að segja framan á kiljunni eru villur. Svona óþarfi leiðist mér.

En fyrir konur, eða karla.. sem langar að lesa eitthvað sem krefst ENGRAR hugsunar þá mæli ég með bókunum. Eins og höfundur greinarinnar bendir á eru þetta afþreyingarbækur og þjóna þannig tilgangi sínum ágætlega.

Fyrra álit

odinng fyrir 23 árum, 5 mánuðum

það er nauðsin að eiga 2 svona bækur þá verður maur ekki uppiskroppa með les efni ég man að ág las stundum til skiptis 2 morgan kane bækur þegar ég var krakki og strax daginn eftir var ég búinn að gleima söguþræðinum þannig að ég gat byrjað uppá nýtt en hefði ekki getað bjargað lífi mínu með að vitna í þessar bæku

Fyrra álit

Mal3 fyrir 23 árum, 5 mánuðum

“Morgan Kane skaut frá mjöðm.” Dugar þetta? Var það ekki í hverri einustu bók hans? :)

Fyrra álit

Lilu fyrir 23 árum, 5 mánuðum

Einhversstaðar heyrði ég það að þessar svokölluðu ruslbókmenntir og þá einna helst ástarsögurnar, gegndu sama hlutverki fyrir konur og klámblöð fyrir karla. Þjónar nokkrum tilgangi að tengja það við heimsku?

There is no sin but stupidity. (Oscar Wilde)

Fyrra álit

chrysler fyrir 23 árum, 5 mánuðum

Ég mæli með bókinni Hlustar einhver á Mozart? eftir Auði Haralds. Bókin er sosum
ekkert snilldarleg, en þar eru drepfyndnir kaflar um konu sem er að lesa svona
Rauðu seríu-dót, bók sem heitir Leyndarmál hjúkrunarkonunnar ungu eða
eitthvað svoleiðis, þar sem er einmitt þetta með þessar endalausu stafsetningarvillur
og villur einsog þegar fyrst kemur setningin “nóvembersólin skein miskunnarlaust
á ljóst hár ungu hjúkrunarkonunnar” og stuttu seinna “á morgun var fyrsti júní,
vissi hún, og þá átti hún að borga húsaleiguna”. Í alvöru, þessar bækur eru hrein
snilld, maður getur skemmt sér konunglega yfir þeim!
Þetta með Ísfólkið…ég á hrúgu af vinkonum sem hafa lesið uppí bók fjörutíu og
fimm eða hvað þær eru nú margar, og sögurnar sem maður hefur heyrt eru
dásamlegar. Stelpu með yfirnáttúrulega krafta er nauðgað af djöfli í mannslíki
sem hún seinna drepur með heygafli - þetta slær Charmed út!
Húrra fyrir Barböru Cartland og öllum öðrum rauðum rithöfundum!

Fyrra álit

larandaria fyrir 23 árum, 5 mánuðum

Ég er einlægur aðdáandi ruslbókanna!!! Ég lifði og hrærðist í ísfólkinu (trúið mér, ég er frelsuð núna) á þær allar (fékk allar í einu) og kann hverja einustu utanað. Hef lesið alla seríuna svona fimm sinnum og stakar bækur allt að 35 sinnum. Ég átti ekkert líf. Nefnið karakter, atriði eða setningu og ég mun mjög líklega geta sagt í hvaða bók það var, númer hvað hún var og rakið ættartölu viðkomandi, næstum því með ártölum. Ég get endursagt alla söguna með tilvitnunum og stafsetningarvillum þar að auki. Ekki málið að telja upp allar bækurnar í röð!!! Ég hef líka lesið galdrameistarann (fyrir fáfróða; næsta sería á eftir, ekki um sama fólkið) en gafst upp þegar ég var búin með svona 13 bækur af ríki ljóssins (serían þar á eftir sem blandar saman karakterum úr ísfólkinu og galdrameistaranum og gerist í miðju jarðar). Þá nennti ég þessu ekki lengur.

Ég get þó sagt eitt gott við ísfólkið: ég lærði sænsku á þeim og tala hana (nánast) reiprennandi núna, með stúdentspróf upp á 8 og allt en hef aldrei lært almennilega sænsku og verið samtals um mánuð í svíþjóð!!! Sem fór að mestu í það að lesa ísfólkið og sofa.

Og já, rauða serían er líka snilld.

Daddy, don't ever die on a friday! It can seriously damage your health!

Fyrra álit

Lilu fyrir 23 árum, 5 mánuðum

Ég heyrði fyrir mörgum árum um keppni þar sem keppt var í Ísfólkskunnáttu. Hún var víst haldin í Noregi og sigurvegarinn var stelpa sem þekkti sögurnar svo vel að hún gat meira að segja leiðrétt höfundinn. Mér fannst hálffúlt að það hafi ekki verið haldin þessháttar keppni hér því að ef það var eitthvað sem ég var sérfræðingur í á árum áður, þá var það Ísfólkið.

Ég hef oft velt því fyrir mér hvað það hafi verið sem gerði það að verkum að Ísfólkið heillaði svona marga upp úr skónum og rúmlega það.

There is no sin but stupidity. (Oscar Wilde)

Fyrra álit

GaRuna fyrir 23 árum, 4 mánuðum

ísfólkið eða rauðu ástarsögurnar veruleikafyrrtar bókmenntir. Er það ekki málið. Ef maður vill raunveruleikann beint í æð þá les maður dv eða morgunblaðið….hell kíktu á textavarpið……en ef þú vilt lesa um eitthvað annað….hvort sem það er væmin ástarvelluheimur eða dularfullur galdraheimur er það þá bara ekki fínt mál. Sjálf hef ég lesið ísfólkið og fannst fyrstu bækurnar bara alveg ágætar. Rauðu ástarsögurnar hafa ekki heillað mig en það er kannski af því ég hef ekki lagt mig í líma við að lesa þær. Þessi árátta að kalla reyfara og spennusögur sem hafa náð vinsældum, lágmenningu er að verða svolítið hallærisleg, Hvað finnst fínu bókmenntafræðingunum um ævintýrabókmenntir….er það líka hallærislegt??….Þetta er svona svipað eins og með fínu mússíkina….sumt er of “hallærislegt” fyrirgefiði en mér finnst hallærislegt að dæma fólk eftir hvað því finnst gaman að lesa.
———————————————-
———GaRuna úr lágmenningarstétt————

Fyrra álit

Mal3 fyrir 23 árum, 4 mánuðum

Þetta var prýðisinnlegg hjá þér GaRuna. Ég hef einmitt oft velt fyrir mér hvar á að draga línuna um hvað eru “bókmenntir” og hvað ekki. But then, skiptir það einhverju máli? Ég vill hiklaust segja að Philip K. Dick hafi skrifað bókmenntir og a.m.k. ein bók James Crumley's hafi verið það líka. Dashiel Hammett væri móðgun að flokka ekki undir bókmenntir að mínu mati. En, breytir það einhverju?

Fyrra álit

GaRuna fyrir 23 árum, 4 mánuðum

Sjálfsagt breytir það ekki nokkru :) En það má alltaf reyna.
Ég er búin að vera lesa nokkrar greinar eftir bókmenntafræðingana hér og verð satt að segja að ég er svolítið hissa. Er einhver hérna sem þorir að viðurkenna að hann/hún lesi vinsælar bókmenntir sem ekki eru viðurkenndar af bókmenntafræðingum. Og finnist það bara djöfull skemmtilegt.
Ég er að lesa bók eftir John Grisham núna. Hann hefur fengið ruslbókastimpilinn hérna á Hugi. Og ég verð bara að segja það að þessi bók “The runaway jury” á alla mína athygli þegar ég er að lesa. Eins er ég að fara að byrja á Necroscope seríu ruslbókunum eftir Brian Lumley. Hvernig væri að fá álit ykkar á þeim bókum svona áður en ég byrja:)
———————————————–

_———-GaRuna Goldfish———————-

Fyrra álit

chrysler fyrir 23 árum, 4 mánuðum

Ég hef líka lent í þessum vandræðum. “Hvað, segja þeir að þessi bók sé rusl, mér fannst hún ágæt…”.
Mörgu fólki finnast allir reyfarar og sakamálasögur vera rusl (ekki bara Mary Higgins Clark, sem ég verð
að játa persónulega að finnst hörmuleg), meira að segja það sem ég kalla snillinga; Raymond Chandler,
Dashiel Hammett, Agöthu Christie og P.D. James (ólíkar deildir, en samt). Maður verður bara sár! Afhverju
fær maður ekki sjálfur að ákveða hvað manni finnst vera rusl?

Fyrra álit

Mal3 fyrir 23 árum, 4 mánuðum

Raymond Chandler er náttúrulega bara stofnun (ég meina þetta sem hrós!) en öllu frekar finnst mér Dashiel Hammett vera spæjarahöfundurinn sem aðrir ættu að skoða. Frábærlega ofinn söguþráður sem kemur manni að óvörum en er ekki endalaust að spretta fram með ólíkindaþróanir til að halda uppi dampi. Söguhetjurnar eru líka frábærar, hafa mótíf fyrir hegðun sinni sem eru oft ekki beisin (eins og í “real life” sko). Þetta eru down'n'dirty spæjarabókmenntir sem draga ekki úr, harðsoðinn stíll og snaggaralegar lýsingar.

Fyrra álit

talbina fyrir 23 árum, 4 mánuðum

Ég er mjög sammála þér um þessar bækur en þú gleymdir einum flokki sorpbókmennta. T.d. bókum eftir Stephen King, Clive Cussler og fleiri spennu hrollvekjum sem fara flestar eftir mjög ákveðinni formúlu.
Ekki má gleyma Nancy bókunum og flestum bókum eftir Enyd Bliton (þetta er ekki rétt skrifað).
Yfsilon, Blautir kossar, Tár bros og takkaskór þetta eru líka sorpbókmenntir eins og reyndar flestar unglingabækur því miður.

Talbína

Fyrra álit

GaRuna fyrir 23 árum, 4 mánuðum

hvað nákvæmilega finnst þér að unglingar eigi að lesa…….??

————————————————–

Fyrra álit

Bækur

Bækur

Ofurhugar

Stjórnendur

Hverjir eru inni

Greinar

"Ruslbókmenntir"

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi