Dollarinn fyrir 21 árum Fjöldi lestra: 1509

Okurverð á íslenskum bókum !

Þessa dagana hellist yfir okkur auglýsingaáróður bókaforlaganna, þar sem í hönd fer upphitun fyrir vitleysu ársins, jólabókavertíðina. Allt eru þetta “…tímamótaverk, sem lesendur hafa beðið eftir með óþreyju” og þar fram eftir götunum. Svo taka fjölmiðlar gjarnan undir bullið, enda miklir peningar í spilinu. Þeir fjölmiðlar sem leyfa sér hlutlausan dóm á einhverja bókina, fá einfaldlega engar auglýsingar. Svo einfalt er það.
Hins vegar er græðgi forlagana orðin slík að þau leyfa sér að verðmerkja ómerkilegar skáldsögur eins og þær væru gerðar úr gulli og platínu. Kostnaður við prentun bóka er sáralítill. Skáldsögu kostar ekki meir en 300-500 kall að prenta. Svo kemur launakostnaður til höfundar, dreifing, auglýsingar og fleira. Ef við erum rausnarleg í matinu, endum við á sléttum þúsundkalli. Restinni stingur forlagið í eigin vasa.

Þetta jólabókarugl keyrir auðvitað bara jafn lengi og hægt er að telja einhverjum íslendingum trú að þeir séu að kaupa góða vöru. Auðvitað er útúr korti að borga næstum 5000 krónur fyrir einhverjar skruddu sem kostar 1000 kall að framleiða. Skrumið í kringum þetta er fyrir neðan allar hellur. Blöðin stútfull af auglýsingum og lofsöng um hvert “bókmenntastórvirkið” eftir annað. Skrýtið að svona heilaþvottur gangi í nokkra manneskju. Nema íslenskur almenningur sé svona vitlaus.

gthth fyrir 21 árum

Það má reyndar benda á að útgáfukostnaður bóka fer eftir upplaginu, þ.e.a.s. prentunin kostar minna á hverja bók ef upplagið er meira. Svo fer auglýsingakostnaður eftir því hve mikið er auglýst; það er mest auglýst fyrir jólin. Þannig að gera má ráð fyrir að bækur kosti mismikið í framleiðslu. Hins vegar eru bækur sem taldar eru munu seljast drjúgt látnar borga upp útgáfuna á öðrum bókum; þær eru þess vegna oft dýrari en það þyrftu að vera.

En ég held samt að þú hafir aðeins vanmetið kostnaðinn við að koma út bók. Ég hugsa að ef upplagið er 2000 bækur þá megi reikna með að umbrot og prentun kosti um 2 milljónir (ég hef verið að vinna í útgáfu bókar á vegum Háskólaútgáfunnar og þar er reiknað með að 300-500 eintök muni kosta 300.000-500.000 í prentun); segjum að kápuhönnun sé líka með í þessu. Við þetta bætist svo prófarkalestur, ekki minna en 100.000; auglýsingar, ekki minna en 250.000; dreifing, kannski 50.000. Þá er þetta komið upp í 2.400.000 við að gefa út 2000 eintök. Það eru 12 kall á bókina. Ofan á það bætist smáræði á hverja bók fyrir höfundinn; eigum við að segja að það sé 300 kall á bókina? (þá fengið höfundurinn 600 þús. fyrir allt upplagið sem er örugglega ekki gott tímakaup fyrir að skrifa bókina). Þá er eintakið komið upp í 1500. Ofan á það bætist smáræði til útgefanda (hvers vegna annar að standa í bókaútgáfu?), eigum við að segja 200 kall? Eintakið er þá komið í 1700 kall. Ofan á það bætist eitthvað hjá versluninni (hvers vegna annars að stunda verslun?), eigum við að segja 200 kall? Eintakið er þá komið í 1900 kall.

Ég held að það kosti alla vega helmingi meira en þú heldur að framleiða hverja bók. Eftir sem áður er 5000 kall nokkuð mikið. En það eru yfirleitt innbundnar bækur og þær eru vissulega aðeins dýrari í framleiðslu (að vísu ekki 3000 kalli…).

Bækurnar sem ég er spenntastur fyrir fyrir þessi jól eru (eins og svo oft áður) bækur frá Hinu íslenzka bókmenntafélagi, t.d. Framfaragoðsögnin eftir Georg Henrik von Wright og Grundvöllur að frumspeki siðlegrar breytni eftir Immanuel Kant. Þessar bækur kosta um 3000 kall úti í búð. Ég fullyrði að það er ekki óeðlileg álagning enda kostar útgáfa þessara bóka töluvert meira en 1000 kall.

___________________________________

Fyrra álit

Dollarinn fyrir 21 árum

Jólabókaokrið er eitt stærsta bissnisstrix síðustu ára. Í besta Göbbelsstíl er almenningur heilaþveginn um að hér séu á ferðinni góðar og merkilegar bókmenntir, og plataður til að borga 4-5000 krónur fyrir misgóðar dægurflugur. Rithöfundar og gagnrýnendur eru alveg sér á báti. Rithöfundaviðtölin er gullvæg augnablik í íslenskri fjölmiðlasögu. Þarna mæta rithöfundar sem vita aldrei almennilega hvernig á að svara einföldustu spurningum. Eins og ,,hvers vegna skrifaðir þú þessa bók?“ Þá sitja þeir yfirleitt hljóðir og horfa í gaupnir sér og vona að jörðin gleypi þá. Mig verkjar í eyrað við að heyra gagnrýnendur lofa þetta sjónarspil.

Íslenskir forleggjarar eiga voðalega bágt. Enda ströggla þeir ár eftir ár við að hækka bókaverðið og reyna að telja fólki trú um að íslenskar bækur séu þær bestu í heiminum. Enda eru bækur hvergi dýrari en á Íslandi. Hér ríkir miðstýrð verðstefna í besta Ráðstjórnarstíl, þar sem forlagið ákveður verð sem skal vera það sama allsstaðar.

Út frá verðinu, 4-5000 krónur, mætti ætla að allt væri handskrifað á kálfskinn, en staðreyndin er að það kostar milli 300-500 krónur að prenta svokallaða jólabók. Stærsti útgjaldaliðurinn er ítroðslan og áróðurinn sem birtist okkur neytendum í beinum og óbeinum auglýsingum, kynningum og svokallaðri gagnrýni. Allir leggjast á eitt við að viðhalda blekkingunni, enda milljarðabransi. Staðreyndin er að gagnrýnendur nær undantekningarlaust oflofa afurðina. Því hljóta menn að spyrja ,,Hvers vegna?” Jú, til að ýta undir sölu vörunnar. Það er enn hægt að græða góðan pening á Jólabókafárinu, jafnvel þó bækurnar séu seldar á tvö þúsund kall. En af hverju lækka verðið, þegar hægt er að plata inná almenning vörunni fyrir 4 -5000 kall?

Þið skuluð ekki reikna með að fjölmiðlarnir fari í saumana á þessu okurdæmi. Þeir græða einfaldlega of mikið á auglýsingunum.

Bókaverð hér á landi endurspeglar bara okur, og hefur lítið með menningu að gera. “Þetta er hugsjónavinna og fórnarstarf”, segja útgefendur gjarnan þegar einhver spyr hvernig gangi. “Alltaf tap og bara sorg”, bæta þeir svo við. Svona hefur þetta alltaf verið með rekstur á Íslandi. Spyrjið bara olíu- og tryggingarfélögin.

Fyrra álit

drekinn fyrir 21 árum

Þú getur þá kannski líka útskýrt fyrir okkur hvers vegna flest allar bókaútgáfur á Íslandi verða gjaldþrota á innan við áratug? Og hvers vegna þær sem eingöngu gefa út bækur eru alltaf í fjárhagsvandræðum?

Það er alls ekki ódýrt að standa í bókaútgáfu. Bara auglýsingarnar, sem virðast fara svona rosalega í taugarnar á þér, eru gífurlegur útgjaldaliður. Ein heilsíða í mogganum kostar frá 300.000 til hálfa milljón eftir því hvar hún er og hvort hún er í lit.

Mér finnst þú líka ekki hafa mikið álit á íslenskum bókaunnendum, að við séum öll vitleysingar sem elti allt það sem bókagagnrýnendur og forlögin segja! Ef þér finnst íslenskar bækur svona slappar þá er til eitt mjög gott ráð, leiddu þetta hjá þér!

If you start the day doing nothing, when do you know when you've finished?

Fyrra álit

Dollarinn fyrir 21 árum

Mest megnis er um að ræða léttvægar endurminningar og misgóðar skáldsögur í Jólabókaruglinu. En svo er þetta keyrt í gegnum fjölmiðlavinduna og út spýtast þvílíkar lofrullur og englasöngur, að maður spyr sjálfan sig hvort Frelsarinn sjálfur hafi snúið aftur og sé að finna á meðal vor.

“Annars les ég nú mest fagurbókmentir”, er mjög vinsæl setning í viðtölum. Sjálfur les ég aldrei orðið þessar jólabókmenntir, enda engar fagurbókmenntir þar að finna.

Allir sjá þá hagsmunaárekstra sem verða þegar bókaútgáfur gera auglýsingasamninga við fjölmiðla um vörurnar sem verið er að selja. Allir nema bókagagnrýnendur. Sú hefð hefur skapast í íslenskri bókagagnrýni að nánast ekkert slæmt er gefið út af íslenskum bókum. Þegar þessi sama vara er líka okurverðlögð, eiga neytendur rétt á því að vita hvort þeir séu að kaupa feitan kött í sekknum eða ekki. Það á að vera gagn af rýninni, en oftast upplifir maður að rýnt er í gegnum vöruna og soðinn saman einhver venjulegur hástemmdur vaðall sem enginn grundvöllur er fyrir.

Fyrra álit

BenDover fyrir 21 árum

Dollari enn sýnir þú fram á fávisku þína á þessum markaði. Ég hef smá reynslu af þessu og ætla aðeins að fara í gegnum þetta með þér, og vonandi að það takist í þetta skipti að fá þig til þess að skilja.

Hér er dæmi um útgáfu á íslenskri skáldsögu sem er seld á 4500 krónur útúr búð.
Prentuð eru 1500 et (sem er nokkuð mikið). Eintak í prentun kostar 450 kr. miðað við meðallengd.
Bókinni er ritstýrt af útgáfu (langflestar bókaútgáfur hafa ritstjóra) og skulum gefa okkur að það kosti 150.000 krónur eða 100 krónur á bók.

Við hönnum kápu, brjótum hana um og búum til prentunar og skulum gefa okkur að það kosti 180.000 krónur eða 120 krónur per eintak. (kápuhönnun kostar á bilinu 50-100.000)

Bókabúðin tekur frá 30-35% sem gera u.þ.b. 1300 krónur.

Höfundur fá SAMNINGSBUNDIÐ (vona að þú farir að átta þig á þessu) 23% af heildsöluverði sem gerir 590 krónur per eintak.

Dreifing kostar u.þ.b. 15% af veltu sem gerir u.þ.b. 350 krónur per eintak.

Nú er ég ekkert búinn að auglýsa bókina - en við skulum samt taka þetta saman þér til fróðleiks.

Ef þú reiknar þetta þá situr eftir: 4500 mínus virðisaukaskattur mínus 1300 kr. (bókabúð) mínus 450 krónur (prentun) mínus 100 krónur (ritstjórn) mínus 150 krónur (umbrot og kápa) mínus 590 krónur (höfundalaun) mínus 350 krónur (dreifing).
Þá situr eftir: rétt um 1000 krónur. Það sinnum 1500 gera 1.500.000.

Hér á eftir að auglýsa og kynna bókina. Það telst reyndar líka frábært að selja íslenska skáldsögu í 1500 eintökum þannig að það er reyndar mjög erfitt að reikna út frá eintaki - en gerum það núna.

Vonandi að þetta sýni þér að það er enginn að “græða” eða “svindla” eins og þú ítrekað heldur fram. Dæmið hér að framan er bók sem selst upp, hvert einasta eintak.

Alveg ótrúlegt að þú skulir láta svona frá þér ítrekað án þess að kynna þér staðreyndir.

Hér hefurðu staðreyndirnar - ef þú trúir mér ekki geturðu t.d. hringt í Eddu útgáfu og þeir staðfesta þetta vonandi allt í megindráttum.

Njóttu dollari minn og vonandi kaupirðu þér fullt af góðum bókum á góðu verði fyrir jólin.

Ben

Fyrra álit

BenDover fyrir 21 árum

Ég reyndar gleymdi prófarkalestri sem kostar ekki undir 100.000 samtals (m.v. 2-3 lestra).

Eflaust er ég líka að gleyma fleiru … en þetta dugar vonandi (!!!!!) til að sýna þér fram á að þetta er andsk. bull í þér.

Ben

Fyrra álit

Dollarinn fyrir 21 árum

Ben er kominn í gríngírinn og heldur áfram að vorkenna bókaútgefendum, sem lepja dauðann úr skel og gefa neytendum bækur með tapi á 5000 krónur! En þið getið verið alveg rólegir, lesendur góðir. Eftir jólin dömpar útgáfan draslinu í kilju á 1300 kall. Best kaupin eru reyndar þýddar íslenskar bækur í Þýsklandi á 6-8 evrur!!

Fyrra álit

gthth fyrir 21 árum

Reyndar máttu gera ráð fyrir að prófarkalesturinn sé aðeins dýrari, eða um 75.000-100.000 kr. fyrir hvern prófarkalesara.

Ég veit að Hið íslenzka bókmenntafélag notar t.d. tvo til þrjá prófarkalesara auk ritstjórans fyrir hvert lærdómsrit (sem er fyrsti ritstýrði bókaflokkurinn á Íslandi). Því má gera ráð fyrir 225-300 þús. í prófarkalestur fyrir hverja bók hjá þeim.

___________________________________

Fyrra álit

Magnih fyrir 21 árum

Dollarinn er minn maður,hann stendur á samfæringu sinni þrátt fyrir mótlætið,hann minnir mig svolídið á Asavalla sem var bannaður vegna öfgakenndra skoðana sinna um hversu reykingar eru frábæra

Ekkert er leiðinlegra en leiðinleg undirskrift!

Fyrra álit

gthth fyrir 21 árum

Dollarinn:

Þetta er bara alls ekki rétt hjá þér. Það kostar á endanum um 2000-3000 kall að koma bók út og stundum meira (sumar bækur er dýrara að brjóta um) - og þá er eftir álagning verslunarinnar. Þetta veit ég því ég er að vinna í að koma út bók hjá Háskólaútgáfunni og er að vinna að þýðingu á annarri bók hjá Hinu íslenzka bókmenntafélagi.

Ég held þú ættir að kynna þér málið betur.

___________________________________

Fyrra álit

BenDover fyrir 21 árum

Þetta er náttúrulega rétt hjá þér gthth, en ég ákvað að reikna þetta allt í lægri kantinum til þess að þurfa ekki að fá eitthvað enn vitlausara frá Dollaranum.

Niðurstaðan er einfaldlega sú að “svikamyllan” svokallaða er eitthvað sem er einungis í hausnum á Dollaranum.

Hér hefur hann komið fram síðustu daga og gert lítið úr rithöfundum, blaðamönnum, útgefendum og fleirum með slíkum gífuryrðum að mér hefur blöskrað.

Ég ítreka bara þá ósk mína að hann fari í bókabúð og kaupi sér góða bók á góðu verði - það getur hann hæglega gert hér á Íslandi - þótt ótrúlegt megi virðast.

Ben

Fyrra álit

xark fyrir 21 árum

flest eða öll þessi svör dollarans ásamt upphaflegu greininni eru svör annarra notenda um þessi mál á málefnin.com :)
get því ekki annað en vitnað bara líka í spekingana þar einmitt á móti þessari grein:

“En þú einfaldar reikningsdæmið nokkuð finnst mér. Ef þú tekur útsöluverð á bók sem er 3.990 - nokkuð algengt verð - þá er 14% söluskattur af því verði 490 krónur, svo eftir eru 3.500. Bókabúðin fer yfirleitt um 30% af því verði nema þegar um er að ræða umboðssölu, svo þangað fara 1.050 krónur. Þetta er lægra hlutfall en td. vestanhafs. Forlagsverðið er þá 2.450 og af því fær höfundur í laun tæp 20%, eða 490 krónur, svo eftir er greiðsla til forlags upp á 1.960 krónur.

Það er rétt hjá þér að prentun bóka hefur lækkað í verði hlutfallslega, en allt er afstætt, og verðið pr. eintak lækkar fyrst þegar um er að ræða stórt upplag. Eintak af almennri bók getur frá prentsmiðju verið frá 300 og upp í 600 kr. stykkið, eftir stærð og gæðum á pappír og bandi, en þá þarf að hafa í huga að forlagið þarf að borga fyrir prentun á öllu upplaginu, ekki aðeins seldum bókum.

Þumalputtaregla getur verið sú, ef forlagið hefur góða samninga við prentsmiðju, að kostnaðarfæra í prentun seld eintök sinnum 1.33 þegar gert er ráð fyrir góðu söluhlutfalli, en 1.50 ef ekki nást sölumarkmið. Með öðrum orðum. Prentkostnaður á selt eintak gæti verið að meðaltali 600 krónur. Þá er fyrsta framlegð til forleggjara af bókinni 1.360 krónur. Þetta var breytilegur kostnaður. Þá er eftir allur fastur kostnaður.

Rekstur forlags, skrifstofuhald, laun og tengd gjöld, samningargerð við höfunda og umboðsmenn, svo nokkuð sé nefnt, og loks sá liður sem hefur hækkað langmest á síðustu árum; auglýsingar og kynningarstarf.

Það var þumalputtaregla í gamla daga að bók þurfti að seljast í þúsund eintökum til að standa undir kostnaði. Helmingur bóka náði því varla, en metsölubækurnar niðurgreiddu vonarpeninginn.”

:)

Fyrra álit

[Notanda eytt] fyrir 21 árum

tholli er maðurinn

Fyrra álit

Dollarinn fyrir 21 árum

Afskaplega leggist þið lágt í málflutningi ykkar. Reynið að halda ykkur staðreyndir, svo ég þurfi ekki að tyggja þetta ofan í ykkur eins og ungabörn. Eftirfarandi stendur óhaggað sem fyrr:

1. Hvergi í heiminum eru bækur dýrari en á Íslandi.

2. Hvergi í heiminum er bókagagnrýni jafn einlit. Ein regla gildir. Ef það er íslenskt, þá er það gott. Og ef það er jólabók, þá er það bókmenntalegt stórvirki, sem engann lætur ósnortinn. Bók sem færir jörð nær sólu og vaðall í þeim dúr.

3. Hvergi í heiminum er gefið út jafnmikið af innihaldslausum æviminningum.

Restina getið þið reiknað út sjálfir….

Fyrra álit

[Notanda eytt] fyrir 21 árum

sammála þér núna Dollari!! :D

Fyrra álit

[Notanda eytt] fyrir 21 árum

Dollari settu heilann í gang áður en þú skrifar grein !!!!

Fyrra álit

iqbal fyrir 21 árum

Fer þetta ekki að verða komið gott hjá þér núna Dollarinn minn? Þetta er þriðja greinin sem ég sé hérna á tveimur dögum sem fjallar um það hvað íslensk bókaútgáfa sé mikill sori, allar bókaútgáfur hugsi ekki um annað en ofurgróða á kostnað neytenda, sem þú segir vera vitleysinga og kjána upp til hópa, og síðast en ekki síst að íslenskir rithöfundar séu nær undantekningalaust lélegir.

Ég ætla ekkert að banna þér að hafa þessar skoðanir og veit heldur ekkert um hvort þetta sé rétt hjá þér, en ein grein er alveg nóg til að skýra frá þessum sjónarmiðum þínum.

kv. iqbal

Fyrra álit

gsig fyrir 21 árum

gæti ekki verið meira sammála.
kv.gsig

Fyrra álit

Bækur

Bækur

Ofurhugar

Stjórnendur

Hverjir eru inni

Greinar

Okurverð á íslenskum bókum !

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi