Halló, ég er í svolitlum vandræðum. Þannig var að tölvan mín (iMac 2007, m. Leopard kerfinu) fraus meðan ég var að horfa á mynd og var ekki hægt að koma neinu viti í hana. Ég hélt power takkanum inni til þess að force slökkva á henni. Eftir það beið ég í svolitla stund og kveikti svo aftur, þá kom bara upp grái skjárinn með apple merkinu og litla tannhjólinu þarna fyrir neðan og svo ekkert meir. Ég prófaði að bíða í cirka 20-30 mínútur en ekkert fleira gerðist.

Ég með mínar gömlu Windows rætur hélt að hún hefði bara crashað og ég þyrfti að setja upp MacOs aftur þannig að ég fór í það. Ákvað að byrja bara alveg upp á nýtt og valdi Erase and Install möguleikann í uppsetningunni. Með tölvunni fylgdi Tiger uppsetningardiskur og svo Leopard Upgrade diskur, þannig að ég setti upp Tiger, komst reyndar ekki inn á þráðlausa netið, en það skipti svo sem ekki máli því að ég setti svo Leopard diskinn í keyrði þá uppsetningu. Þetta gekk allt saman eftir og ég komst á þráðlausa netið hjá mér, þannig að ég fór bara að sofa og taldi mig nokkuð góðann bara.

Daginn eftir þegar ég kom heim úr vinnu, gat ég ekki ræst tölvuna upp, það kom bara sami skjár með apple merkinu og tannhjólinu, ég lét þetta ganga í um 20 mínútur og ekkert fleira gerðist. Ég er nú ekki mjög þolinmóður þannig að ég fór svo í að setja upp MacOs aftur og núna ætlaði ég að prófa að setja upp Tiger og kannski nota það bara, tölvan fraus meðan ég var að keyra software update og ég þurfti að slökkva á henni, þegar ég svo keypti aftur, heyrðist hljóðið góða, og svo kom strax upp skjár um að ég þyrfti að restarta tölvunni, þetta var náttúrulega ekki nógu gott, þannig að ég fór í að enduruppsetja eina ferðina enn og það virðist ekki hafa gengið upp.

Eins og sjá má, hefur þetta ekki gengið neitt alltof vel hjá mér og reyndar eru eflaust einhverjir ykkar sem hrista hausinn og hugsið: afhverju gerði hann þetta svona? og eitthvað þvíumlíkt, en ég er óþolinmóður, hvatvís og fljótfær og þess vegna er staðann hjá mér svona núna. En gott væri að fá einhver viðbrögð og kannski ráðleggingar, ég er svona að láta mér detta í hug að harði diskurinn sé kannski bilaður eða ónýtur jafnvel. Haldiði að það gæti lýst sér svona? Svo virðist viftan alltaf vera á fullum snúningig eins og það sé eitthvað mikið að gerast þegar það er kannski ekkert að gerast.

Með fyrirfram þökk,
Reyni