Það segir hvergi beint í lögum að unglingar þurfi að hafa náð ákveðnum aldri til að mega stunda kynlíf. Hins vegar er ákvæði í almennum hegningarlögum, þar sem segir að það sé refsivert að stunda kynlíf með einstaklingi sem er yngri en 15 ára. Þetta lagaákvæði miðar fyrst og fremst að því að vernda börn og unglinga fyrir misnotkun sér eldra fólks, sem vill nýta sér þroska- og reynsluleysi barnanna. Þetta segir í lögunum, en það er síðan annað mál, að enginn ætti að byrja að stunda kynlíf með öðrum fyrr en hann er tilbúinn til þess sjálfur og gerir sér grein fyrir afleiðingum þess andlega og líkamlega.

Það er 14 ára aldurstakmark inná þetta áhugamál og viljum við vekja athygli á því að þegar fólk á þeim aldri er að leita sér upplýsinga um fyrstu skrefin í kynlífi þá er ekki það rétta að svara þeim með að þau séu of ung. Við, Stjórnin, lítum svo á að það sé ekki rétt að segja kynferðislega virkum einstakling að stunda skírlífi, enda er það ekki svar við hverju sem gæti verið spurt um. Við viljum hvetja til ábyrgrar hegðunnar í kynlífi og að okkar mati er það óábyrgt að neita fólki um upplýsingar sökum aldurs.