appel fyrir 20 árum, 1 mánuði Fjöldi lestra: 918

Olían, upphafið að endalokum?

Fyrir einu og hálfu ári síðan skrifaði ég grein hér á Huga um komandi olíukreppu, “Komandi olíukreppa - stærsta vandamál heimsins!”, lesið hér: http://www.hugi.is/deiglan/articles.php?page=view&contentId=885258

Í þeirri grein ritaði ég:
“Á hverju ári eykst eftirspurnin eftir olíu um 7%. Þetta þýðir að árið 2013 mun eftirspurn eftir olíu verða tvöfalt meiri en er í dag. Er þessi 7% tala reiknuð miðað við síðastliðin 10 ár, og þá er ekki tekið tillit til væntanlegrar iðnaðaruppsveiflu í Kína, Indlandi og fleiri löndum í Asíu. Eftirspurn eftir olíu þar mun aukast um tugi prósenta á næstu árum.”

Nú er svo komið að olíuverð heldur áfram að hækka, eftirspurnin heldur áfram að aukast og framboð á olíu heldur áfram að minnka þrátt fyrir að framleiðsla hafi verið aukin.

Ekki þarf olía að hækka mjög mikið til viðbótar að það verði í raun óhagstætt að notast við olíu sem orkugjafa. Hversu erum við, íslendingar, tilbúin til að borga mikið fyrir lítrann af olíu? Fyrir mig persónulega þá er þetta komið í efri mörkin nú í dag.

En margir segja e.t.v. að olían er langt í frá að verða búin. Það er satt, nóg er af olíu, ennþá, og því ættum við ekki að hafa stórlegar áhyggjur af þessu, a.m.k. ekki í heil 50 ár!

Þjóðfélagslega eru 50 ár stuttur tími, fyrir okkur einstaklingana er þetta heil lífstíð. En við þurfum að átta okkur á að eftir 50 ár þá munu það vera börnin okkar, barnabörn sem munu kljást við þetta vandamál.

Spurning er, á að leysa þetta vandamál þegar það kemur upp, eða á að leysa það áður en það kemur upp?

En það má bíða betri tíma, ekki satt?

Nú vil ég segja, svo ég geti vitnað í þessa grein aftur eftir eitt og hálft ár þá vil ég segja:

Vandamálið varðandi olíuna mun ekki koma upp eftir 50 ár, það er nú byrjað að láta vita af sér í dag.
Vandamálið mun jafnt og þétt aukast til ársins 2050 þar til við stöndum einfaldlega frammi fyrir því notkun á olíu er ekki raunhæfur möguleiki.

Olían verður einfaldlega orðin of fágæt, og aðeins örlindir af olíu munu standa eftir sem gætu aldrei staðið undir þeirri notkun sem er á olíu í dag.

En ekki er allt svart, vonandi eigum við eftir að sjá vetnisbíla hér á íslandi innan nokkurra ára, til hagsbóta og velsældar fyrir íslendingar.

lain fyrir 20 árum, 1 mánuði

Sleppa þessu vetnisveseni, bara drífa sig beint í kjarnorkuna, það er svarið við orkukreppum.

Fyrra álit

Fuckface fyrir 20 árum, 1 mánuði

jább en þá gæti orðið slys os allir menn mundu deyja eða veikjast allvarlega.OG ÞÁ MUNDU KAKKALAKKARNIR TAKA YFIR HEIMIN

Fyrra álit

Kreoli fyrir 20 árum, 1 mánuði

Hey vá ég er með svarið. Plumba milljón kjarnorkuverum á suðurskautslandið og leggja feitar rafleiðslur á meginlöndin! Öllum væri sama þótt þar væri allt geislavirkt!

Fyrra álit

OBhave fyrir 20 árum, 1 mánuði

“Sleppa þessu vetnisveseni, bara drífa sig beint í kjarnorkuna, það er svarið við orkukreppum.”

sko þetta “vetnisvesen” er ekki leið til að *framleiða* orku heldur frekar til að geyma hana í litlum, léttum, efficient pakka sem er hægt að leysa hana út á litlum tíma (sem sagt, mikil orka á sekúntu = mikið AFL).

Kosturinn við vetni vs. bensín er að allir geta búið til vetni ef þeir hafa aðgang að orku í einhverju formi (sólar-, vatnsfalls-, vind-, kjarnorku…) og þar með er vandamálið með einokun olíu leyst. ALLIR geta búið til vetni, þú gætir verið með rafgreinningar græju í BÍLSKÚRNUM hjá þér sem þú stingur í samband og framleiðir vetni… það myndi samt örugglega borga sig að fara á vetnisstöðvar frekar en að allir ættu rafgreini en ég tók þetta bara sem dæmi.

Framfarir í hreinum orkugjöfum, plús hugsanleg beislun kjarnaSAMRUNA í framtíðinni gæti þýtt lausn á orkuvandanum… so verða vetnis “power cells” notaðar fyrir hluti eins og t.d. bíla sem þurfa mikla orkulosun á sek (mikið afl), þangað til eitthvað betra verður fundið upp, auðvitað…

Fyrra álit

lain fyrir 20 árum, 1 mánuði

Sæll.

Þetta er samt vesen, kjarnorkan er þegar til staðar. Hætta að lifa á einhverjum vonum og draumum, kjarnorkan mun laga þetta allt saman.

Mundu að kaupa kjarnorku-rafgreiningarbúnaðinn þegar við fáum kjarnorkuver á Kópaskeri!

Fyrra álit

OBhave fyrir 20 árum, 1 mánuði

Kjarnorkan er heldur ekkert svo slæmur kostur núna… kjarnasamruni verður varla innan seilingar okkar nema eftir einhverja áratugi en þegar við náum því fram má gera ráð fyrir að það verði mesta og besta orkan.

En þangað til… jú kjarnorkan hefur hugsanlega öðlast nýtt líf með breytingum sem menn voru að leggja til að henni sem á að geta gert meltdowns ómöguleg… með því að láta úraníumið í pínulitlar, einangraðar kúlur (á stærð við blýantshausa) í staðinn fyrir þessar stóru stengur sem eru notaðar í dag.

Sem sagt “new nuclear” gæti vel verið málið.

Fyrra álit

idf fyrir 20 árum, 1 mánuði

Ég er sammála greinarhöfundi, ánetjun heimsins á olíu eða “fossil fuels” (kol þarna líka) er að ganga að okkur dauðum, fyrir utan stríðin tengd henni þá á ég við “global warming” líka. Fyrir nokkrum dögum sögðu vísindamenn að þessi þróun væri að gerast hraðar en fyrr var haldið og það er líklega of seint að bregðast við, og sem dæmi um afleiðingarnar er að borgir nálægt sjó muni verða þar undir eftir um 100 ár. Við segum kannski hér á Íslandi að okkur veiti ekki af hlýnun svo þetta sé hið besta mál, en breitt seltumagn sjávar hér í kring, vegna bráðnunar Grænlandsjökukls gæti leitt til stöðvunar Golfstraumsins með þeim afleiðingum að Ísland verður EINN JÖKULL eins og það leggur sig. Einn þekktur veðurfræðingur hér er mjög áhugasamur um bráðnun N-heimskautssísins þar sem að þá yrði gæti Ísland orðið “transitpoint” fyrir nýja sjóleið frá Asíu yfir Rússland. Hann virðist gleðjast yfir því sem er ekkert annað en umhverfiseyðing en við ættum að græða á því ! Þetta er álíka úrelt skammtímagróðasjónarmið eins og ráða nú við gerð Kárahnjúkavirkjunar.

Varðandi olíuna þá er hún svo samofin allri okkar neyslu núna, ekki bara á bílinn, heldur allt þetta plastdrasl (það er orðið mun dýrara að kaupa plastpoka t.d.)og svo er líka búinn til áburður til landbúnaðarframleiðslu úr henni. Svo að þessi olíuskortur á líklega eftir að valda gíflurlegri verðbólgubylgju sem þegar virðist byrjuð að láta á sér kræla og verðbréfamarkaðir( þar sem lífeyrissjóðir eru fjárfestendur) bregðast illa við.

En það er annars furðulegt hvað við Íslendingar gerum lítið í okkar innlendu orkugjöfum, það er til metangas fyrir fleiri þúsund bíla í landinu en það virðast fáir spá í því, það er svo auðvelt að fá Íslendiga til að losa sig við aurinn, þekki það vel sjálfur.

Ég er hræddur um að olían verði okkar banabiti, við erum búinn að selja henni sálu okkar.

Fyrra álit

idf fyrir 20 árum, 1 mánuði

Ég er að verða svo þreittur á þessum nýja Huga, ég veit ekki hvort ég er að svara greinarhöfundi eða svaredna þar á eftir, hverju þurfti að breyta ? Svo virðist ritskoðun á fullu, hvar er svarið mitt frá því fyrir klukkutíma ? Svo var ég að skrifa langa og ýtarlega grein, sendi inn og þá segir að ég hafi ekki verið loggaður inn ! Hvernig gat ég þá byrjað að svara !!!! Og svo fer maður til baka og þá er allt farið ! Ég held líka að þetta sé allt að deyja hérna, leyfir svo ritskoðunin þetta ?

IDF

Fyrra álit

andri fyrir 20 árum, 1 mánuði

Ahem, vandamálið við olíuna er ekki að það sé ekki nóg af henni - hún mun endast í marga áratugi í viðbót, líklega út öldina - heldur að hún er öll á röngum stöðum og þá aðallega í miðausturlöndum og öðrum óstabílum löndum eins og Rússlandi og Venezúela (Húgó kallinn Chavez er alger nöttari ;) ).

Olíuverðið hækkar auðvitað í dag vegna Íraksstríðsins og alls vesensins í öðrum stóru olíuframleiðsluríkjunum. Allt vesenið í þessum löndum kostar okkur svo sannarlega skildinginn.
Að auki er svo verðinu haldið uppi með einokun OPEC. Sniðug leið sem hefur verið stungið upp á til að brjóta OPEC á bak aftur og lækka olíuverðið væri að innleiða stighækkandi skatta á eldsneyti; þá þannig að skatturinn væri kannski 10% í dag og hækkaði svo smátt og smátt í 20% eftir 10 ár, 30% eftir 20 ár o.s.frv. Þetta myndi valda því að OPEC myndi stórauka framleiðslu sína í dag því OPEC myndi fá minni pening fyrir olíuna eftir því sem hún biði lengur í jörðinni. Þetta myndi líka ýta undir þróun á annars konar orkugjöfum.

Annars er vetni svo sem engin skammtímalausn á olíuvandanum (ef hann er þá til staðar) því einhvern veginn þarf að búa vetnið til - ekki sprettur það uppúr jörðinni. Ódýrasta leiðin sem við höfum í dag er að einangra vetnið úr jarðefnaeldsneyti (lesist: olíu).
Aðferðin sem er hinsvegar notuð á Íslandi, þ.e. rafgrening á vatni, er hinsvegar afskaplega dýr og ef það ætti að beita rafgreiningunni í útlöndum þyrfti býsna mikla raforku til þess - orku sem notabene yrði líklega framleidd með brennslu á kolum eða olíu því enginn vill sjá kjarnorkuver í dag!
Kosturinn við þetta er hinsvegar sá að það er miklu auðveldara að hreinsa óæskileg efni úr menguninni frá t.d. kolaorkuverum en að losa óæskileg efni úr mengun frá bensínbílum og svo er reyndar nýtingin talsvert betri; minni orka fer til spillis sem varmi.

Annars hef ég ekki nokkrar minnstu áhyggjur af því að mannkynið verði ekki búið að finna lausn á olíuvandanum innan 50 ára. Það er ekki beint eins og þetta sé stærsti vandinn sem mannkynið hefur lent í í sögunni.
Í dag er t.d. verið að rannska fullt af aðferðum til að framleiða orku, hvort sem er með því nota þörunga til að framleiða vetni, kjarnasamruni, risastór sólarorkuver á umferðarbraut um jörðu og margt margt fleira. Og ef allt bregst höfum við alltaf kjarnorkuna!

Því má bæta við að mannkynið hefur síðustu aldir alltaf fundið sér hreinni og betri orkugjafa. Við fórum úr timbri í kol og úr kolum í olíu og úr olíu í rafmagn.

Þetta reddast, eins og alltaf! ;)

Fyrra álit

Konungurinn fyrir 20 árum, 1 mánuði

Ef það yrðu settir hærri skattar á olíu þá kæmi það ekki niður á olíuframleiðendum heldur kaupendum.

En hvað veit ég svosem?

Fyrra álit

andri fyrir 20 árum, 1 mánuði

Ekki alveg rétt. Hærri skattar koma niður á báðum aðilum. Við sjáum til dæmis að á Íslandi þar sem eru mjög háir skattar á bensíni keyra flestir á minni, sparneytnari og aflminni bílum en fólk gerir almennt í Bandaríkjunum. Þetta kemur niður á okkur neytendur því við neyðumst til að kaupa minni og leiðinlegri bíla en þetta kemur líka niður á olíuframleiðendum því stærri bílar eyða miklu meira bensíni.

Málið er einfaldlega það að er bara tímaspurnsmál þangað til almennri notkun á olíu verður hætt í heiminum. Það geta liðið 40 ár, 70 ár eða 100 ár en fyrr eða síðar mun koma að því að enginn kærir sig um að keyra bensínbíl, vegna þess að bensínið verður of dýrt eða einfaldlega allt búið.
Það sem olíuframleiðendur hugsa auðvitað um er hámarka hagnað sinn af olíuframleiðslunni yfir þetta tímabil áður en olíunotkun verður endanlega hætt í heiminum.

Ef skattar á olíu færu stigvaxandi fram í tímann (þeir þyrftu auðvitað vera lægri á Íslandi til að byrja með) myndu olíufyrirtækin sjá fram á að eftirspurn eftir olíu muni minnka í framtíðinni því fólk mun keyra minna, kaupa sparneytnari bíla eða jafnvel bíla sem ganga fyrir öðrum orkugjöfum því ekki vill fólk borga hærra verð fyrir bensínið sitt.
Olíufyrirtækin myndu þá í framtíðinni annaðhvort þurfa að lækka verð á olíunni til að auka eftirspurnina eða að sætta sig við að þurfa að minnka framleiðsluna til muna til samræmis við eftirspurnina. Ef olíufyrirtækin myndu ekki passa sig gætu þau þessvegna setið uppi með olíulindir sem þau græddu ekkert á því allir væru farnir að nota vetnisbíla eða álíka.
Til að stemmu stigu við þessari þróun væri mun gáfulegra fyrir olíufyrirtækin að reyna að losa sig við olíuna sem fyrst á meðan skattlagningin væri ennþá lág og hámarka þannig arðsemina af olíulindunum til lengri tíma.
Slík aukning á framboð kallar hinsvegar á lægra verð sem er auðvitað til hagsbóta fyrir netendur í dag og myndi þar að auki líklega alveg brjóta OPEC á bak aftur (löndin hafa mismunandi hagsmuna að gæta, sum lönd [Saudi Arabía] hafa heilmikla umfram framleiðslugetu og geta þessvegna stórgrætt á því að selja olíu á $5 tunnuna á meðan önnur lönd þurfa $10 tunnuna til að koma út í gróða og eru nú þegar í hámarksframleiðslu).

Fyrra álit

[Notanda eytt] fyrir 20 árum, 1 mánuði

“vandamálið við olíuna er ekki að það sé ekki nóg af henni..heldur að hún er öll á röngum stöðum og þá aðallega í miðausturlöndum og öðrum óstabílum löndum eins og Rússlandi og Venezúela”

en olían gerir löndin óstabíl í mörgum tilfellum. menn fara þá að berjast um yfirráðin, eins og í Nígeru eða Venezuela

Fyrra álit

andri fyrir 20 árum, 1 mánuði

Eða Noregi?

Það er vont fyrir lönd að verða of rík áður en samfélagið er orðið fullmótað og stofnanir samfélagsins öruggar í sessi. Ég sé ekki að olían sé orsökin fyrir vandamálum þessara landa sem þú nefnir en hinsvegar er hún ekkert sérstaklega til að bæta ástandið þarna.

Fyrra álit

Talesofelviz fyrir 20 árum, 1 mánuði

Við fyrsta tækifæri….þá kaupi ég mér vetnis bíl….annars hef ég engar áhyggjur af þessu….þetta verður allt farið að ganga fyrir hugarorku áður en þið vitið af:D

Fyrra álit

september fyrir 20 árum, 1 mánuði

Ég vil bara minna þig á að ríkið hirðir 70% af hverjum bensínlítra og það erum við að borga þegar að við dælum á bílinn, þó að ég sé í megin dráttum sammála þér um margt ef ekki allt í þessari grein. Auðvitað verður að fara að huga að því að finna nýja orkugjafa. Við megum samt ekki gleyma núinu, og þar er það staðreynd að ríkið er að hirða 70% af bensínverðinu og hefur ekkert lækkað vörugjöldin þó að bensinverð hafi hækkað. Það væri byrjunin á því að láta þá lækka þetta.
SEPTEMBER.

Fyrra álit

spekingur fyrir 20 árum, 1 mánuði

Hvernig væri að leyfa frjálsum markaði einfaldlega að finna lausnina og hætta að spá í þessu. Frjáls markaður finnur nýja orkugjafa sem hagkvæmt er að nota í stað olíu þegar olían er orðin of dýr.

Fyrra álit

Skari60 fyrir 20 árum

Þú talar eins og frjáls markaður sé eitthvað einangrað sjálfstætt fyrirbæri sem öllu reddi þegar allt annað er komið í þrot :)……….

Fyrra álit

spekingur fyrir 20 árum

Já enda er frjáls markaður frábært fyrirbæri.. þeir aðilar sem búa við hann finna hagkvæmar lausnir á öllum vandamálum.

Fyrra álit

Deiglan

Deiglan

Ofurhugar

Hverjir eru inni

Greinar

Olían, upphafið að endalokum?

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi